News

Category: koodalmanikyam

ശബരിമല ഇടത്താവളത്തിനു കൂടല്‍മാണിക്യം കച്ചേരിവളപ്പ് – സാധ്യത പഠനത്തിന് വിദഗ്ധ സംഘം എത്തി

ഇരിങ്ങാലക്കുട : സംസ്ഥാനത്തെ തിരഞ്ഞെടുത്ത ക്ഷേത്രങ്ങളില്‍ ശബരിമല തീര്‍ത്ഥാടകര്‍ക്ക് വേണ്ടി സംസ്ഥാന സര്‍ക്കാരിന്റെ കിഫ്ബിയില്‍ ഉള്‍പ്പെടുത്തി പണിയുന്ന ശബരിമല ഇടത്താവളകേന്ദ്രം കൂടല്‍മാണിക്യം കച്ചേരിവളപ്പില്‍ വരാന്‍ സാധ്യതയേറി ഇതിന്റെ സാധ്യത പഠനത്തിനായി ശബരിമല ഇടത്താവള നിര്‍മ്മാണ ഹൈ ലെവല്‍ കമ്മിറ്റി മെമ്പര്‍  ജി മഹേഷിന്റെ നേതൃത്വത്തില്‍ നിര്‍മ്മാണവുമായി സഹകരിക്കുന്ന ഇന്ത്യന്‍ ഓയില്‍ കോര്‍പറേഷന്റെ ടെക്നിക്കല്‍ ടീം സാങ്കേതിക പഠനത്തിനായി ഇരിങ്ങാലക്കുടയില്‍ എത്തിയിരുന്നു . കേരളത്തിലെ തിരഞ്ഞെടുത്ത 18 ക്ഷേത്രങ്ങളില്‍ നടപ്പാക്കുന്ന ഈ പദ്ധതി ഉദ്ദേശിക്കുന്നത്  . ഇതിന്റെ സാധ്യത പഠനത്തിനായി പ്രൊജക്റ്റ് കണ്‍സള്‍റ്റന്‍റ് അടക്കമുള്ള ഉന്നത തല സംഘം മാര്‍ച്ച് 29 ന് കൂടല്‍മാണിക്യം കൊട്ടിലയ്ക്കല്‍ പറമ്പ് സന്ദര്‍ശിച്ചിരുന്നു . 450 തീര്‍ത്ഥാടകര്‍ക്ക് വിരി വിരിക്കാനുള്ള ഡോര്‍മെറ്ററി, 24 മുറികള്‍ ,12 വി ഐ പി മുറികള്‍ ,റെസ്റ്റോറന്റ് , കിച്ചന്‍ , പാര്‍ക്കിംഗ് ഏരിയ എന്നിവയടക്കം ഇരുനില കെട്ടിടം ആണ് ഉദ്ദേശിച്ചിരിക്കുന്നത് . ബാക്കിയുള്ള മാസങ്ങളില്‍ ഡോര്‍മെറ്ററിയും മറ്റു സൗകര്യങ്ങളും കല്യാണങ്ങള്‍ക്കും മറ്റു ചടങ്ങുകള്‍ക്കുമായി നല്‍കുവാനുള്ള സൗകര്യത്തിലാണ് നിര്‍മാണം ഉദ്ദേശിക്കുന്നത് . ഇതുമായി ബന്ധപ്പെട്ട് കേരളത്തിലെ എല്ലാ ദേവസ്വം ബോര്‍ഡുകളുടെയും യോഗം ഫെബ്രുവരി മാസം തലസ്ഥാനത്തു കുടിയിരുന്നു, അതില്‍ കൂടല്‍മാണിക്യം ദേവസത്തിനാണ് ഇത്തരം പ്രോജെറ്റുകള്‍ ഉള്‍ക്കൊള്ളുവാന്‍ ഏറ്റവും കൂടുതല്‍ സ്ഥലം ഉള്ളത് എന്നും വിലയിരുത്തുകയുണ്ടായി . ഇടത്താവളം പദ്ധതിയില്‍ പങ്കാളിയായ ഇന്ത്യന്‍ ഓയില്‍ കോര്‍പറേഷന്റെ വക ഒരു പെട്രോള്‍ പമ്പും ഈ പദ്ധതിയില്‍ ഇപ്പോള്‍ ഉള്‍പ്പെടുത്തിയിട്ടുണ്ട്. തീര്‍ത്ഥാടനക്കാലത്ത് തീര്‍ത്ഥാടകരുടെ വാഹനവും അല്ലാത്ത സമയത്ത് പൊതുജനങ്ങള്‍ക്ക് ഉപയോഗിക്കാന്‍ പറ്റിയ രീതിയിലും അതിനു സാധ്യതയുള്ള ഗതാഗത യോഗ്യമായ പ്രധാന റോഡിനരികിലുള്ള സ്ഥലം ആണ് ഇവര്‍ക്ക് താല്‍പ്പര്യം.അതിനാല്‍ കൊട്ടിലയ്ക്കല്‍ പറമ്പില്‍ പദ്ധതി നടപ്പിലാക്കാന്‍ ഐ ഒ സി ഉദ്യോഗസ്ഥര്‍ക്ക് താല്‍പ്പര്യം ഇല്ല. പ്രധാന റോഡിനോട് ചേര്‍ന്ന് ദേവസ്വത്തിന് മറ്റു ഒഴിഞ്ഞ സ്ഥലങ്ങള്‍ ഉണ്ടോ എന്ന് അവര്‍ അന്വേഷിക്കുകയും അത് പ്രകാരം കൊട്ടിലയ്ക്കല്‍ പറമ്പില്‍ കിഴക്കേ അറ്റത്തു കുട്ടന്‍ കുളത്തിനു എതിര്‍വശത്തുള്ള മണിമാളിക കെട്ടിടംസ്ഥിതി ചെയുന്ന സ്ഥലത്തും ഇവര്‍ സാധ്യത പഠനം നടത്തി . അതോടൊപ്പം തന്നെ നീണ്ട കാലത്തെ നിയമയുദ്ധത്തിന് ശേഷം ദേവസ്വത്തിന് തിരിച്ചു ലഭിച്ച നഗരഹൃദയത്തിലെ കണ്ണായ കച്ചേരി വളപ്പിലും ഇവര്‍ ദേവസ്വം അഡ്മിനിസ്ട്രേറ്റര്‍ കെ സുമ , ദേവസ്വം മാനേജിങ് കമ്മിറ്റി മെമ്പര്‍മാരായ വിനോദ് തറയില്‍ , വി പി രാമചന്ദ്രന്‍ എന്നിവര്‍ക്കൊപ്പം സന്ദര്‍ശിച്ച് സാധ്യത പഠനം നടത്തി. ഒരു ഏക്കറില്‍ അധികം വരുന്ന ഈ സ്ഥലത്തെ ദേവസ്വം കെട്ടിടത്തില്‍ ഇപ്പോള്‍ ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതി പ്രവര്‍ത്തിക്കുന്നുണ്ട് . ഈ കോടതി താമസിയാതെ സിവില്‍ സ്റ്റേഷന് സമീപത്തെ കോര്‍ട്ട് കോംപ്ലെക്സിലേക്ക് മാറുമെന്ന് ദേവസ്വത്തിന് ഉറപ്പ് ലഭിച്ചിട്ടുണ്ട്. കച്ചേരി വളപ്പിന്റെ റോഡിനോട് ചേര്‍ന്ന പടിഞ്ഞാറേ അറ്റത്തിന് 26 മീറ്റര്‍ വീതിയിലും 35 മീറ്റര്‍ നീളത്തിലും ഇന്ത്യന്‍ ഓയില്‍ കോര്‍പറേഷന്റെ പെട്രോള്‍ പമ്പും അതിനോട് ചേര്‍ന്ന് തീര്‍ത്ഥാടകര്‍ക്കുള്ള വിശ്രമകേന്ദ്രം , ഡോര്‍മെറ്ററി, പാര്‍ക്കിംഗ് ഏരിയ, റെസ്റ്റോറന്റ് എന്നിവ ഉള്‍പ്പെടുന്ന ഇരുനില കെട്ടിടം പണിയാമെന്ന ധാരണയാണ് ഇപ്പോള്‍ ഉണ്ടായിട്ടുള്ളത്. നഗരഹൃദയത്തിലുള്ള കച്ചേരിവളപ്പിന്റെ പ്രാധാന്യം കണക്കിലെടുത്ത് ഇവിടെ ഭാവിയില്‍ ഉദ്ദേശിക്കുന്ന വികസന പ്രവര്‍ത്തനങ്ങള്‍ക്കു തടസ്സം വരാത്ത രീതിയില്‍ സംസ്ഥാന സര്‍ക്കാരിന്റെ ശബരിമല ഇടത്താവളം കേന്ദ്രം നിര്‍മ്മിക്കാന്‍ ആണ് ഇപ്പോള്‍ ഉദ്ദേശിക്കുന്നത് . ആവശ്യമായ അനുമതികള്‍ എല്ലാം ലഭിച്ചതിനു ശേഷം ജൂണ്‍ മാസത്തില്‍ തന്നെ പണി ആരംഭിക്കാനുള്ള ശ്രമങ്ങളാണ് ഉള്ളത് എന്നും ദേവസ്വം ചെയര്‍മാന്‍ പനമ്പിള്ളി രാഘവമേനോന്‍ പറഞ്ഞു .ഇതിനായി ചില എഗ്രിമെന്റ്കള്‍ കൂടി പൂര്‍ത്തിയാക്കാന്‍ ഉണ്ട് .

കൂടല്‍മാണിക്യ സ്വാമിയുടെ ആറാട്ട് തിരിച്ചെഴുന്നള്ളത്ത് -ഇരിങ്ങാലക്കുട ലൈവ് ഡോട്ട് കോമില്‍ തത്സമയം

ഇരിങ്ങാലക്കുട: കൂടല്‍മാണിക്യം ക്ഷേത്രോത്സവത്തോടനുബന്ധിച്ചുള്ള സംഗമേശ സ്വാമിയുടെ ആറാട്ട് തിരിച്ചെഴുന്നള്ളത്ത് പള്ളിവേട്ട ആല്‍ത്തറയില്‍ എത്തിചേര്‍ന്നു. തുടര്‍ന്ന് പഞ്ചവാദ്യം ആരംഭിച്ചു. തത്സമയ സംപ്രേക്ഷണം ഇപ്പോള്‍ ഇരിങ്ങാലക്കുട ലൈവ് ഡോട്ട് കോമില്‍ . കുട്ടന്‍കുളം പന്തലില്‍ പഞ്ചവാദ്യം അവസാനിച്ച് ചെമ്പട കൊട്ടി പാണ്ടിമേളം അരങ്ങേറും. പാണ്ടി കൊട്ടിലാക്കലില്‍ അവസാനിച്ച് തൃപുട കൊട്ടി ക്ഷേത്രത്തിലേയ്ക്ക് പ്രവേശിച്ച് പഞ്ചാരിയില്‍ ഒറ്റ പ്രദക്ഷിണം നടത്തി തകില്‍ നാദസ്വരത്തോടെ ബാക്കി 11 പ്രദക്ഷിണം പൂര്‍ത്തിയാക്കി കൊടിമരച്ചുവട്ടില്‍ ബലി തൂവി പൂജ മുഴുവനാക്കി കൊടിയിറക്കി ഭഗവാനെ ശ്രീകോവിലിലേയ്ക്ക് എഴുന്നള്ളിപ്പിച്ച് തിടമ്പില്‍ നിന്നും ചൈതന്യത്തെ മൂലബിംബത്തിലേയ്ക്ക് ആവാഹിച്ച് ചേര്‍ത്ത് പൂജകള്‍ പൂര്‍ത്തിയാക്കുന്നു. തത്സമയ സംപ്രേക്ഷണം ഇപ്പോള്‍ ഇരിങ്ങാലക്കുട ലൈവ് ഡോട്ട് കോമില്‍.  CLICK TO WATCH LIVE

ദീപപ്രഭയാല്‍ മുങ്ങി സംഗമപുരി

ഇരിങ്ങാലക്കുട : കൂടല്‍മാണിക്യം ക്ഷേത്രോത്സവത്തിന്റെ ഭാഗമായി നഗരം ദീപപ്രഭയാല്‍ മുങ്ങി. ഠാണാ മുതല്‍ ക്ഷേത്രംവരെ പിക്‌സല്‍ എല്‍ഇഡി ഉപയോഗിച്ച് അവതരിപ്പിച്ച ഡിജിറ്റല്‍ ഡിസ്‌പ്ലേ സംഗമപുരിയിലെത്തിയ ഭക്തജനങ്ങള്‍ക്ക് കണ്ണിനും മനസിനും ഇമ്പമേകി. ബസ സ്റ്റാന്‍ഡില്‍ ഉയര്‍ത്തിയ ദീപാലങ്കാര ബഹുനിലപന്തലും ആല്‍ത്തറ മുതല്‍ ക്ഷേത്രം വരെ റോഡിനിരുവശത്തും ഉയര്‍ത്തിയ ദീപാലങ്കാര ഗോപുരങ്ങളും വര്‍ണ്ണവിസ്മയമായി. ഒന്നേമുക്കാല്‍ കിലോമീറ്ററോളം ദൂരത്താണ് ദീപകാഴ്ച്ചയൊരുക്കിയത്. അറുപതിനായിരത്തോളം എല്‍ഇഡി ബള്‍ബൂകളുപയോഗിച്ചാണ് ദീപാലങ്കാരമൊരുക്കിയത്. കമ്പ്യൂട്ടര്‍ പ്രോഗ്രം ചെയ്താണ് എല്‍ഇഡി വിസ്മയമൊരുക്കിയത്. ദീപകാഴ്ച 2017 എന്ന പേരില്‍ അവതരിപ്പിച്ച ദീപാലങ്കാരങ്ങള്‍ ദര്‍ശിക്കാന്‍ വന്‍ജനത്തിരക്കാണനുഭവപ്പെട്ടത്. വ്യാപാരികളും, പൊതുപ്രവര്‍ത്തകരും, ഭക്തജനങ്ങളും പ്രവാസിവ്യവസായികളും സംയുക്തമായിയുള്ള സംഘാടകസമിതിയാണ് ദീപകാഴ്ചയൊരുക്കിയത്. ഖത്തറിലും കേരളത്തിലും ഇലക്ട്രിക്കല്‍ കോണ്‍ട്രാക്ടറായ ശശീധരന്‍ പണിക്കവീട്ടിലിന്റെ ഉടമസ്ഥതയിലുള്ള മാപ്രാണം ഹൈടെക് ലൈറ്റ് ആന്റ് സൗണ്ടാണ് ദീപകാഴ്ചയൊരുക്കിയത്. കേരളത്തില്‍ ആദ്യമായിട്ടാണ് ഇത്രയും ദൂരം പിക്‌സല്‍ എല്‍ഇഡി ഉപയോഗിച്ച് ദീപാലങ്കാരം ഒരുക്കുന്നതെന്ന് ദീപകാഴ്ചയൊരുക്കിയ ശശീധരന്‍ പണിക്കവീട്ടില്‍ പറഞ്ഞു.

ആറാട്ട് കഞ്ഞിയില്‍ ആയിരക്കണക്കിന് ഭക്തജനങ്ങള്‍ പങ്കെടുത്തു

രാപ്പാള്‍: കൂടല്‍മാണിക്യ സ്വാമിയുടെ പള്ളി നീരാട്ടിന് ശേഷം ആറാട്ട് ചടങ്ങില്‍ പങ്കെടുക്കാനെത്തിയ ഭക്ത ജനങ്ങള്‍ക്കായി ആറാട്ട് കഞ്ഞി വിതരണം നടന്നു. രാപ്പാള്‍  എന്‍ എസ് എസ് കരയോഗം ഹാളിലാണ് കഞ്ഞി വിതരണം ചെയ്തത്. കഞ്ഞിക്ക് പുറമേ മുതിര പുഴുക്ക്, മാമ്പഴക്കാളന്‍ ,  നാളികേര പൂള് , പപ്പടം ,ശര്‍ക്കര എന്നിവ വിതരണം ചെയ്തു. ആയിരക്കണക്കിന് ഭക്തര്‍ ആറാട്ട് കഞ്ഞിയില്‍ പങ്കെടുത്തു.രാപ്പാള്‍ എന്‍ എസ് എസ് കരയോഗത്തിന്റെ നേതൃത്വത്തിലാണ് ആറാട്ട് കഞ്ഞി വിതരണം നടന്നത്.

കൂടല്‍മാണിക്യ സ്വാമിയുടെ പള്ളി നീരാട്ട് രാപ്പാള്‍ കടവില്‍ നടന്നു

രാപ്പാള്‍ : ശ്രീ കൂടല്‍മാണിക്യം ക്ഷേത്രോത്സവത്തിന്റെ ഭാഗമായി രാപ്പാള്‍ ആറാട്ട് കടവില്‍ കൂടല്‍മാണിക്യ സ്വാമിയുടെ പള്ളി നീരാട്ട് നടന്നു. നഗരമണ്ണ് ത്രിവിക്രമന്‍ നമ്പൂതിരി, ശ്രീവല്ലഭന്‍ നമ്പൂതിരി, മണക്കാട് പരമേശ്വരന്‍ നമ്പൂതിരി  ,പുത്തില്ലത്ത് നീലകണ്ഠന്‍ നമ്പൂതിരി , പുത്തില്ലത്ത് ഹരി നമ്പൂതിരി എന്നിവര്‍ ആറാട്ട് ചടങ്ങുകള്‍ക്ക് കാര്‍മ്മികത്വം വഹിച്ചു. പുലര്‍ച്ചെ ക്ഷേത്രത്തിനകത്ത് പള്ളിയുണര്‍ത്തല്‍ ചടങ്ങുകള്‍ നടന്നു . മണ്ഡപത്തില്‍ പൂജ തുടങ്ങി ദേവനെ പള്ളിയുറക്കത്തില്‍ നിന്ന് ഉണര്‍ത്തി ശയ്യയിലിരുത്തി കണികാണിച്ച് . തലേന്നത്തെ പൂജ ചെയ്ത് പൂജിച്ച് പീഠത്തിന്മേല്‍ ഇരുത്തി സ്നാനകാലത്ത് സ്നാനപാത്രത്തില്‍ ഇരുത്തി ദന്തശുദ്ധി വരുത്തി പൂജിച്ച് ശുദ്ധികരിച്ച എണ്ണ കൊണ്ട് അഭിഷേകം ചെയ്തു . തുടര്‍ന്ന് കുളിപ്പിച്ച് പുണ്യാഹം ചെയ്ത് ശുദ്ധമാക്കിയ മഞ്ഞള്‍ പൊടി ചാര്‍ത്തി. പുനസ്നാനം ചെയ്യിച്ച് പീഠത്തില്‍ ഇരുത്തി പട്ടുടയാട , ആഭരണങ്ങള്‍ , കറുകമാല , കണ്ണെഴുത്ത് , വയറമാല എന്നിവകൊണ്ട് അലങ്കരിച്ചു . ഗ്രന്ഥം പൂജിച്ച് ദേവനെ വായിപ്പിച്ച് ദാനം ചെയ്ത് പൂജാവസാനം നിവേദ്യം സമര്‍പ്പിച്ച് മുളദേവനെ പൂജിച്ച് പാണി കൊട്ടി അകത്തേയ്ക്ക് എഴുന്നുച്ചു .തുടര്‍ന്ന് ഹവിസ് പൂജകള്‍ കഴിഞ്ഞ് ആറാട്ട് പൂജകള്‍ ആരംഭിച്ചു. അഭിഷേദികളെകൊണ്ട് ശുദ്ധമാക്കിയ തിടമ്പിലേയ്ക്ക് ആവാഹിച്ച് എഴുന്നള്ളിച്ച് മൂലബിംബത്തിന് മഞ്ഞള്‍ പൊടി ചാര്‍ത്തി പാണി കൊട്ടി ശ്രീഭൂതബലി നടത്തി . അകത്തും പുറത്തും ഓരോ പ്രദക്ഷിണം കൊണ്ടാണ് ശ്രീഭൂതബലി ചെയ്യുന്നത്. ശേഷം കൊടിമര ചുവട്ടില്‍ വന്ന് പാണി കൊട്ടി നിവേദിച്ച് തിടമ്പ് ആന പുറത്ത് കയറ്റി ,ശേഷം പ്രദക്ഷിണം ചെയ്ത് ഗോപുരദ്വാരങ്ങളിലും ആല്‍ത്തറയിലും തൂവി സര്‍ക്കാറിന്റെ രാജകീയ ബഹുമാനമായ റോയല്‍ സല്യുട്ട് സ്വീകരിച്ച് ആണ് കൂടല്‍മാണിക്യ സ്വാമി രാപ്പാള്‍ ആറാട്ട് കടവിലേയ്ക്ക് ആറാട്ടിനായി എഴുന്നുള്ളിയത് .

റോയല്‍ സല്യൂട്ട് സ്വീകരിച്ച് കൂടല്‍മാണിക്യസ്വാമി രാപ്പാള്‍ കടവിലേയ്ക്ക് ആറാട്ടിനായി എഴുന്നുള്ളി

ഇരിങ്ങാലക്കുട : ശ്രീ കൂടല്‍മാണിക്യം സ്വാമിയുടെ ഈ വര്‍ഷത്തെ തിരുവുത്സവത്തിന് സമാപ്തി കുറിച്ച് കൊണ്ട് രാപ്പാള്‍ കടവിലേയ്ക്ക് ഭഗവാന്‍ ആറാട്ടിനായി എഴുന്നുള്ളി. കേരള സര്‍ക്കാരിന് വേണ്ടിയുള്ള പോലീസിന്റെ റോയല്‍ സല്യൂട്ട് സ്വീകരിച്ചതിനു ശേഷം രാവിലെ 8:45 മണിയോടെ ഭഗവാനും പരിവാരങ്ങളും ആറാട്ട് കടവിലേയ്ക്ക് എഴുന്നുള്ളിയത്.  ആറാട്ടിനായി ഭഗവാന്‍ പുറത്തേയ്ക്ക് എഴുന്നുള്ളിയത് ചെര്‍പ്പുളശ്ശേരി അയ്യപ്പന്റെ പുറത്താണ് . ഉച്ചയ്ക്ക് ഒരുമണിക്ക് രാപ്പാള്‍ ആറാട്ടുകടവിലാണ് ആറാട്ട്. ആറാട്ടിന് ശേഷം വൈകീട്ട് 4ന് തിരിച്ചെഴുന്നള്ളിപ്പ് നടക്കും. വരുന്നവഴിക്ക് വീടുകളില്‍നിന്നും സ്ഥാപനങ്ങളില്‍നിന്നും പറയെടുത്ത് നാദസ്വരത്തിന്റേയും മേളത്തിന്റേയും അകമ്പടിയോടെ ഭഗവാന്‍ പള്ളിവേട്ട ആല്‍ത്തറയിലെത്തും. തുടര്‍ന്ന് പഞ്ചവാദ്യം ആരംഭിക്കും. കൊട്ടിലാക്കല്‍ പറമ്പിന് സമീപം പഞ്ചവാദ്യം അവസാനിപ്പിച്ച് പാണ്ടിമേളം കൊട്ടും. മതില്‍ക്കെട്ടിനകത്തേയ്ക്ക് എഴുന്നള്ളിയശേഷം 12 പ്രദക്ഷിണം നടക്കും. പിന്നീട് കൊടിയിറക്കി ഭഗവാനെ ശ്രീകോവിലിലേയ്ക്ക് എഴുന്നള്ളിച്ച് തിടമ്പില്‍ നിന്നും ചൈതന്യത്തെ മൂലബിംബത്തിലേയ്ക്ക് ആവാഹിച്ച് പൂജകള്‍ മുഴുവനാക്കും. ആറാട്ട് ചടങ്ങുകളുടെ തത്സമയ സംപ്രേക്ഷണം 12:30  മണി മുതല്‍ ഇരിങ്ങാലക്കുട ലൈവ് ഡോട്ട് കോമില്‍ ഉണ്ടാകും ...

ആറാട്ട് ചടങ്ങുകള്‍ ആരംഭിച്ചു : തത്സമയം ഇപ്പോള്‍ ഇരിങ്ങാലക്കുട ലൈവ് ഡോട്ട് കോമില്‍

ഇരിങ്ങാലക്കുട: കൂടല്‍മാണിക്യം ക്ഷേത്രോത്സവത്തോടനുബന്ധിച്ചുള്ള ആറാട്ട് ചടങ്ങുകള്‍ രാപ്പാള്‍ കടവില്‍ ആരംഭിച്ചു. തത്സമയ സംപ്രേക്ഷണം ഇപ്പോള്‍ ഇരിങ്ങാലക്കുട ലൈവ് ഡോട്ട് കോമില്‍ . വൈകീട്ട് 4 മണിക്ക് ആറാട്ട് തിരിച്ചെഴുന്നള്ളും. എഴുന്നുള്ളത്ത് പള്ളിവേട്ട ആല്‍ത്തറയില്‍ എത്തി ചേര്‍ന്നാല്‍  പഞ്ചവാദ്യം ആരംഭിക്കും. കുട്ടന്‍കുളം പന്തലില്‍ പഞ്ചവാദ്യം അവസാനിച്ച്  ചെമ്പട കൊട്ടി പാണ്ടിമേളം അരങ്ങേറും. പാണ്ടി കൊട്ടിലാക്കലില്‍ അവസാനിച്ച് തൃപുട കൊട്ടി ക്ഷേത്രത്തിലേയ്ക്ക് പ്രവേശിച്ച് പഞ്ചാരിയില്‍ ഒറ്റ പ്രദക്ഷിണം നടത്തി തകില്‍ നാദസ്വരത്തോടെ ബാക്കി 11 പ്രദക്ഷിണം പൂര്‍ത്തിയാക്കി കൊടിമരച്ചുവട്ടില്‍ ബലി തൂവി പൂജ മുഴുവനാക്കി കൊടിയിറക്കി ഭഗവാനെ ശ്രീകോവിലിലേയ്ക്ക് എഴുന്നള്ളിപ്പിച്ച് തിടമ്പില്‍ നിന്നും ചൈതന്യത്തെ മൂലബിംബത്തിലേയ്ക്ക് ആവാഹിച്ച് ചേര്‍ത്ത് പൂജകള്‍ പൂര്‍ത്തിയാക്കുന്നു.  WATCH LIVE NOW

കൂടല്‍മാണിക്യം ആറാട്ട് പ്രമാണിച്ചു മെയ് 16ന് പ്രാദേശിക അവധി

ഇരിങ്ങാലക്കുട : കൂടല്‍മാണിക്യം ആറാട്ട് നടക്കുന്ന മെയ് 16 ചൊവ്വാഴ്ച ഇരിങ്ങാലക്കുട നഗരസഭ പരിധിയിലെ സര്‍ക്കാര്‍ കാര്യാലയങ്ങള്‍ക്കും വിദ്യഭ്യാസ സ്ഥാപനങ്ങള്‍ക്കും തൃശൂര്‍ കളക്ടര്‍ അവധി പ്രഖ്യാപിച്ചു . നേരത്തെ നിശ്ചയിച്ച പൊതുപരീക്ഷകള്‍ക്കും കേന്ദ്ര , സംസ്ഥാന, അര്‍ദ്ധസര്‍ക്കാര്‍ സ്ഥാപനങ്ങളിലെ നിയമനങ്ങള്‍ക്കുമായി നടത്തുന്ന പരീക്ഷകള്‍ക്കും അവധി ബാധകമല്ല . ഇത്തവണ കൂടല്‍മാണിക്യം ആറാട്ട് രാപ്പാള്‍ ആറാട്ട് കടവില്‍ ആണ് നടക്കുന്നത് .

ക്ഷേത്രോത്സവ ചടങ്ങുകള്‍ക്ക് സമാപ്തി കുറിച്ച് പള്ളിവേട്ടയ്ക്ക് ഭഗവാന്‍ ആദ്യമായി പുറത്തേയ്ക്ക് എഴുന്നുള്ളി

ഇരിങ്ങാലക്കുട : കൂടല്‍മാണിക്യ ക്ഷേത്രോത്സവ ചടങ്ങുകള്‍ക്ക് സമാപ്തി കുറിച്ച് ഭഗവാന്‍ ആദ്യമായി പുറത്തേയ്ക്ക് എഴുന്നുള്ളി. കൊടിമരച്ചുവട്ടില്‍ പാണി കൊട്ടിയാണ് ഭഗവാന്‍ പുറത്തേയ്ക്ക് എഴുന്നള്ളുക. ആളുകളെ മാറ്റി ഭഗവാന് വഴിയൊരുക്കാന്‍ ഒരാന മുന്നിലുണ്ടാകും . പിന്നിലായി കിഴക്കേ ഗോപുരദ്വാരത്തിലും ഗോപുരത്തോട് ചേര്‍ന്നുള്ള ആല്‍മരത്തിന്റെ തറയിലും ഹവിസ് തൂകി തന്ത്രിയും പരികര്‍മ്മികളും പരിവാരസമേതം ആല്‍ത്തറയ്ക്കലേയ്ക്ക് പോകുന്നതിന്റെ പിന്നാലെയാണ് അഞ്ച് ആനകളോടെ ഭഗവാന്‍ എഴുന്നുള്ളിയത് . പള്ളിനായാട്ട് നടത്തുന്നതിന്റെ പാരമ്പര്യ അവകാശികളായ മുളയത്ത് നായരാണ് പന്നിയുടെ പ്രതിരൂപത്തെ അമ്പെയ്ത് വീഴ്ത്തിയത് . പള്ളിവേട്ടയ്ക്ക് ശേഷം അഞ്ച് ആനകളെ അണിനിരത്തി പഞ്ചവാദ്യത്തിന്റെ അകമ്പടിയോടെ ഭഗവാന്‍ ക്ഷേത്രത്തിലേയ്ക്ക് തിരിച്ചെഴുന്നള്ളി. കുട്ടംകുളം പന്തലില്‍ പഞ്ചവാദ്യം അവസാനിച്ച് ചെമ്പട വകകൊട്ടി ആരംഭിച്ച പാണ്ടിപാണ്ടിമേളം ആരംഭിക്കുന്നു. . ക്ഷേത്രനടയ്ക്കല്‍ മേളം അവസാനിച്ചശേഷം തൃപുടകൊട്ടി ഭഗവാന്‍ ക്ഷേത്രത്തിനകത്തേയ്ക്ക് പ്രവേശിച്ച് പഞ്ചാരിയോടെ ഒരു പ്രദക്ഷിണംകൂടി പൂര്‍ത്തിയാക്കി ; ഇടയ്ക്കയില്‍ മറ്റു പ്രദക്ഷിണങ്ങളും. തുടര്‍ന്ന് തിടമ്പ് അകത്തേയ്ക്ക് നയിച്ച് പൂജയ്ക്ക് ശേഷം ക്രിയാബാഹുല്യം നിറഞ്ഞ പള്ളിക്കുറുപ്പ് ചടങ്ങ് നടക്കും . കൂടല്‍മാണിക്യ പള്ളിവേട്ട ചടങ്ങുകളുടെ തത്സമയ സംപ്രേക്ഷണം ഇപ്പോള്‍ ഇരിങ്ങാലക്കുട ലൈവ് ഡോട്ട് കോമില്‍  CLICK TO WATCH LIVE 

പഞ്ചാരിയുടെ മേളപ്രപഞ്ചം ഇന്ന് ശീവേലിയോടെ അവസാനിച്ചു : ഇന്ന് പള്ളിവേട്ട

ഇരിങ്ങാലക്കുട : പെരുവനം കുട്ടന്‍മാരാര്‍ ഉള്‍പ്പടെയുള്ള മേള വിദഗ്ദ്ധരുടെ നേതൃത്വത്തില്‍ നൂറ്റമ്പതോളം കലാകാരന്‍മാര്‍ പങ്കിട്ട കൂടല്‍മാണിക്യം തിരുവുത്സവത്തിന്റെ പഞ്ചാരിയുടെ മേളപ്രപഞ്ചം ഇന്ന് അവസാന ശീവേലിയോടെ അവസാനിച്ചു . രണ്ടാം നാള്‍ മുതല്‍ ഒമ്പതാം ദിവസം വരെ നീണ്ടുനില്‍ക്കുന്ന എട്ടുശീവേലിയും എട്ട് വിളക്കിനും ഇതോടെ പരിസമാപ്തിയായി . തിങ്കളാഴ്ച പെരുവനം കുട്ടൻ മാരാരുടെ നേതൃത്വത്തില്‍ നാലുമണിക്കൂര്‍ നീണ്ടുനില്‍ക്കുന്ന മേളം രാവിലെ 8.30 ഓടെ കിഴക്കെ നടപ്പുരയില്‍ ആരംഭിച്ച് പടിഞ്ഞാറെ

നടപ്പുരയില്‍ കൊട്ടിക്കലാശിച്ചു . വലിയ ശീവേലി മേജര്‍ സെറ്റ് പഞ്ചാരി മേളത്തില്‍ പത്മശ്രീ പെരുവനം കുട്ടന്‍മാരാര്‍, കേളത്തു അരവിന്ദാക്ഷമാരാര്‍, ചേരാനെല്ലൂര്‍ ശങ്കരന്‍ കുട്ടിമാരാര്‍, തിരുവല്ല രാധാകൃഷ്ണകുമാര്‍, പഴുവില്‍ രഘുമാരാര്‍, കലാമണ്ഡലം ശിവദാസ്, വട്ടേക്കാട് പങ്കജാക്ഷന്‍, കലാനിലയം ഉദയന്‍ നമ്പൂതിരി എന്നിവര്‍ പങ്കെടുത്തു. അവസാന ശീവേലിക്ക് തിരുവമ്പാടി ചെറിയ ചന്ദ്രശേഖരന്‍ ആണ് തിടമ്പ് ഏറിയതു. തിരുവമ്പാടി ചെറിയ ചന്ദ്രശേഖരന്റെ ഇടത് അന്നമട ഉമാമഹേശ്വരനും വലതു തിരുവമ്പാടി ശിവസുന്ദറും അണി നിരന്നു . ശിവേലി എഴുന്നുള്ളിപ്പിന്റെ ഭാഗമായുള്ള തീര്‍ത്ഥക്കര പ്രദക്ഷിണവും തീര്‍ത്ഥക്കരയിലെ ചെമ്പട മേളവും ഇവിടുത്തെ മാത്രം പ്രത്യേകതയാണ്. ഒമ്പതാം ഉത്സവദിനമായ മെയ് 15 തിങ്കളാഴ്ച പള്ളിവേട്ട ദിനത്തില്‍ രാവിലെ 8.30 മുതല്‍ 12 വരെ ശിവേലി ,ഉച്ചതിരിഞ്ഞ് 2 മണി മുതല്‍ 3 :30 വരെ തിരുവാതിരക്കളി , 3 :30 മുതല്‍ 4 :30 വരെ ഭഗവത് ഗീത ശ്ലോകാഞ്ജലി , 4 :30 മുതല്‍ 6 മണി വരെ സംഗീതക്കച്ചേരി , 6.00 മണി മുതല്‍ 8 മണി വരെ നൃത്തനൃത്ത്യങ്ങള്‍ , 8.15 ന്ക്ഷേത്ര മതില്‍കെട്ടിന് പുറത്തേയ്ക്ക് വരുന്ന ഭഗവാന്‍ ഗജവീരന്മാരുടെ അകമ്പടിയോടെ പള്ളിവേട്ട ആല്‍ത്തറയിലേയ്ക്ക് എഴുന്നുള്ളും.  9 മണിക്ക് പള്ളിവേട്ട . പള്ളിവേട്ടയ്ക്ക് ശേഷം പഞ്ചവാദ്യം തുടര്‍ന്ന് പാണ്ടിമേളം എന്നിവ നടക്കും 12. 45 ഓടെ ഭഗവാനെ അകത്തേയ്ക്ക് എഴുന്നുള്ളിക്കും.പള്ളിവേട്ട ഇരിങ്ങാലക്കുട ലൈവ് ഡോട്ട് കോമില്‍ തത്സമയം സംപ്രേക്ഷണം ചെയ്യും .

ഭക്തിയുടെ നിറവില്‍ ശ്രീരാമ പട്ടാഭിഷേകം കഥകളി അവതരിപ്പിച്ചു

ഇരിങ്ങാലക്കുട: കൂടല്‍മാണിക്യ ക്ഷേത്രോത്സവത്തിന്റെ വലിയവിളക്ക് ആഘോഷത്തിന്റെ ഭാഗമായി ഉണ്ണായിവാര്യര്‍ സ്മാരക കലാനിലയം വഴിപാടായി അവതരിപ്പിക്കുന്ന ശ്രീരാമ പട്ടാഭിഷേകം കഥകളി അവതരിപ്പിച്ചു. കൂടല്‍മാണിക്യ ക്ഷേത്രവുമായി അഭേദ്യബന്ധമുള്ള രാമായണ കഥാ സന്ദര്‍ഭമാണ് പട്ടാഭിഷേകത്തില്‍ അവതരിപ്പിപ്പിച്ചത് . സാധാരണക്കാര്‍ക്കുപോലും മനസ്സിലാക്കുവാനും രസിക്കുവാനും കഴിയുന്ന രീതിയില്‍ കൊട്ടാരത്തില്‍ ശങ്കുണ്ണിയാണ് ഈ ആട്ടക്കഥ രചിച്ചിരിക്കുന്നത്. വഞ്ചിപ്പാട്ടടക്കം കേരളീയത തുളുമ്പുന്ന നിരവധിസംഭവങ്ങള്‍ ഈ കഥകളിയിലുണ്ട്. പച്ച, കത്തി, കരി, താടി, മിനുക്ക് തുടങ്ങി കഥകളിയിലെ എല്ലാ വേഷങ്ങളും അരങ്ങത്ത് വരുന്നു. രാവണനെ വധിച്ച് സീത അഗ്നിശുദ്ധി വരുത്തിയശേഷം സീതാ-രാമസംഗമത്തോടെയാണ് പട്ടാഭിഷേകം ആരംഭിക്കുന്നത്. 14 വര്‍ഷം തികയുന്ന അന്ന് രാവിലെ താന്‍ അയോദ്ധ്യയിലെത്താമെന്ന് ഭരതന് വാക്കുനല്‍കിയിട്ടുണ്ടെന്ന് രാമന്‍ സീതയെ ഓര്‍മ്മിപ്പിക്കുന്നു. തുടര്‍ന്ന് ലക്ഷ്മണനോട് പുഷ്പകവിമാനം കൊണ്ടുവരാന്‍ ആവശ്യപ്പെടുന്നു. ശേഷം വിഭീഷണനും സുഗ്രീവനും ഹനുമാനും ലക്ഷ്മണസമേതം സീതാരാമന്മാര്‍ അയോദ്ധ്യയിലേയ്ക്ക് തിരിക്കുന്നു. തുടര്‍ന്ന് ഭരദ്വജാശ്രമപ്രദേശത്ത് താമസിച്ച് രാമന്‍ ഹനുമാനെ ഭരതന്റെ അടുത്തേയ്ക്ക് പറഞ്ഞയയ്ക്കുന്നു. ഹനുമാന്‍-ഹുനന്‍ സംവാദം, ഭരതന്റെ അഗ്നിപ്രവേശനശ്രമം, ഭരത-ഹനുമാന്‍ സംഭാഷണം, തുടര്‍ന്ന് ശ്രീരാമപട്ടാഭിഷേകം ഇത്രയും രംഗങ്ങളാണ് അരങ്ങേറുന്നത്.എഴുന്നള്ളിപ്പിനുപയോഗിക്കുന്ന കുടകളും ആലവട്ടവും വെഞ്ചാമരവുമാണ് ശ്രീരാമാദികളെ ആനയിക്കുവാന്‍ ഉപയോഗിക്കുക .അതുപോലെ അഭിഷേകത്തിനായി കുലീപിനി തീര്‍ത്ഥജലവും ക്ഷേത്രത്തിനകത്തുനിന്നുള്ള കലശക്കുടങ്ങളുമാണ് ഉപയോഗിക്കുന്നത്. വേദിയിലെത്തുന്നതുവരെ കൃഷ്ണമുടി ചൂടുന്ന ശ്രീരാമന്‍ വട്ടക്കിരിടമണിയുന്നതും ഹനുമാന് ഉപഹാരം നല്‍കുന്നതും ഭരതന്‍ ശ്രീരാമനെ ആനയിക്കുവാന്‍ വേദിയില്‍നിന്നും ഇറങ്ങിയോടുന്നതും കഥയിലെ പ്രധാന സന്ദര്‍ഭങ്ങളാണ്. ശ്രീരാമ പട്ടാഭിഷേകം കഥകളി ഇത്തവണയും ഇരിങ്ങാലക്കുട ലൈവ് ഡോട്ട് കോം തത്സമയം ചെയ്തിരുന്നു .

കൂടല്‍മാണിക്യം തിരുവുത്സവ അവസാന ശിവേലി ആസ്വദിക്കാന്‍ ആയിരങ്ങള്‍

ഇരിങ്ങാലക്കുട : ശ്രീ കൂടല്‍മാണിക്യം തിരുവുത്സവത്തിന്റെ ഭാഗമായി രണ്ടാം നാള്‍ മുതല്‍ ഒമ്പതാം ദിവസം വരെ നീണ്ടുനിന്ന എട്ടു ശിവേലിയും എട്ട് വിളക്കും ഉള്‍പടെ നടക്കുന്ന മേള പ്രപഞ്ചത്തിന് ഈ വര്‍ഷം 13 മേള വിദഗ്ദരുടെ നേതൃത്വത്തില്‍ നൂറോളം കലാകാരന്മാര്‍ പങ്കെടുത്തു. ഒമ്പതാം ദിവസമായ തിങ്കളാഴ്ച പത്മശ്രീ പെരുവനം കുട്ടന്‍മാരാരുടെ നേതൃത്വത്തില്‍ നൂറ്റി അമ്പതോളം മേള കലാകാരന്മാര്‍ പഞ്ചാരിയുടെ പതികാലം മുതല്‍ അഞ്ചാം കാലം വരെയുള്ള നാല് മണിക്കൂര്‍ നീണ്ടു നില്ക്കുന്ന മേളം കിഴക്കേ നടപുരയിലും പടിഞ്ഞാറേ നടപുരയിലും കൊട്ടി കലാശിപ്പിക്കും. ശിവേലി എഴുന്നുള്ളിപ്പിന്റെ ഭാഗമായുള്ള തീര്‍ത്ഥക്കര പ്രദക്ഷിണവും തീര്‍ത്ഥക്കരയിലെ ചെമ്പട മേളവും ഇവിടുത്തെ മാത്രം പ്രത്യേകതയാണ്. വലിയ ശീവേലി മേജര്‍ സെറ്റ് പഞ്ചാരി മേളത്തില്‍ പത്മശ്രീ പെരുവനം കുട്ടന്‍മാരാര്‍, കേളത്തു അരവിന്ദാക്ഷമാരാര്‍, ചേരാനെല്ലൂര്‍ ശങ്കരന്‍ കുട്ടിമാരാര്‍, തിരുവല്ല രാധാകൃഷ്ണകുമാര്‍, പഴുവില്‍ രഘുമാരാര്‍, കലാമണ്ഡലം ശിവദാസ്, വട്ടേക്കാട് പങ്കജാക്ഷന്‍, കലാനിലയം ഉദയന്‍ നമ്പൂതിരി എന്നിവര്‍ പങ്കെടുത്തു. അവസാന ശീവേലിക്ക് തിരുവമ്പാടി ചെറിയ ചന്ദ്രശേഖരന്‍ ആണ് തിടമ്പ് ഏറിയതു. തിരുവമ്പാടി ചെറിയ ചന്ദ്രശേഖരന്റെ ഇടത് അന്നമട ഉമാമഹേശ്വരനും വലതു തിരുവമ്പാടി ശിവസുന്ദറും അണി നിരന്നു .കൂടല്‍മാണിക്യം തിരുവുത്സവത്തിന്റെ അവസാന ശിവേലി ഇപ്പോള്‍ ഇരിങ്ങാലക്കുട ലൈവ് ഡോട്ട് കോമില്‍ തത്സമയം   CLICK TO WATCH LIVE NOW

കൂടല്‍മാണിക്യ പള്ളിവേട്ട ചടങ്ങുകളുടെ തത്സമയ സംപ്രേക്ഷണം ഇപ്പോള്‍ ഇരിങ്ങാലക്കുട ലൈവ് ഡോട്ട് കോമില്‍

ഇരിങ്ങാലക്കുട : കൂടല്‍മാണിക്യ ക്ഷേത്രോത്സവച്ചടങ്ങുകള്‍ക്ക് സമാപ്തി കുറിച്ച് ഭഗവാന്‍ ആദ്യമായി പുറത്തേയ്ക്ക് എഴുന്നുള്ളി. കൊടിമരച്ചുവട്ടില്‍ പാണി കൊട്ടിയാണ് ഭഗവാന്‍ പുറത്തേയ്ക്ക് എഴുന്നള്ളുക. ആളുകളെ മാറ്റി ഭഗവാന് വഴിയൊരുക്കാന്‍ ഒരാന മുന്നിലുണ്ടാകും . പിന്നിലായി കിഴക്കേ ഗോപുരദ്വാരത്തിലും ഗോപുരത്തോട് ചേര്‍ന്നുള്ള ആല്‍മരത്തിന്റെ തറയിലും ഹവിസ് തൂകി തന്ത്രിയും പരികര്‍മ്മികളും പരിവാരസമേതം ആല്‍ത്തറയ്ക്കലേയ്ക്ക് പോകുന്നതിന്റെ പിന്നാലെയാണ് അഞ്ച് ആനകളോടെ ഭഗവാന്‍ എഴുന്നള്ളുന്നത് .പള്ളിനായാട്ട് നടത്തുന്നതിന്റെ പാരമ്പര്യ അവകാശികളായ മുളയത്ത് നായരാണ് പന്നിയുടെ പ്രതിരൂപത്തെ അമ്പെയ്ത് വിഴുതുന്നത് . പള്ളിവേട്ടയ്ക്ക് ശേഷം അഞ്ച് ആനകളെ അണിനിരത്തി പഞ്ചവാദ്യത്തിന്റെ അകമ്പടിയോടെ ഭഗവാന്‍ ക്ഷേത്രത്തിലേയ്ക്ക് തിരിച്ചെഴുന്നള്ളും.  ഭഗവാന്റെ കൂടല്‍മാണിക്യ പള്ളിവേട്ട ചടങ്ങുകളുടെ തത്സമയ സംപ്രേക്ഷണം ഇപ്പോള്‍ ഇരിങ്ങാലക്കുട ലൈവ് ഡോട്ട് കോമില്‍.  Click to Watch LIVE NOW

ശ്രീരാമ പട്ടാഭിഷേകം കഥകളി ഇരിങ്ങാലക്കുട ലൈവ് ഡോട്ട് കോമില്‍ തത്സമയം സംപ്രേക്ഷണം ചെയ്യുന്നു

ഇരിങ്ങാലക്കുട : കൂടല്‍മാണിക്യ ക്ഷേത്രോത്സവത്തിന്റെ വലിയവിളക്ക് ആഘോഷത്തിന്റെ ഭാഗമായി ഉണ്ണായിവാര്യര്‍ സ്മാരക കലാനിലയം വഴിപാടായി അവതരിപ്പിക്കുന്ന ശ്രീരാമ പട്ടാഭിഷേകം കഥകളി രാത്രി 12 മണി മുതല്‍ ഇരിങ്ങാലക്കുട ലൈവ് ഡോട്ട് കോമില്‍ തത്സമയം സംപ്രേക്ഷണം ചെയ്യുന്നു .  CLICK TO WATCH LIVE NOW

ദൃശ്യ ഭംഗിയേകി കൂടല്‍മാണിക്യം വലിയവിളക്കാഘോഷം

ഇരിങ്ങാലക്കുട : ശ്രീ കൂടല്‍മാണിക്യം ക്ഷേത്രോത്സവത്തിന്റെ വലിയവിളക്കാഘോഷം ഭക്തി സാന്ദ്രം . വിളക്കാഘോഷത്തില്‍ പങ്കെടുക്കാന്‍ നൂറുകണക്കിന് ഭക്തജനങ്ങളാണ് നിറ ദീപ പ്രഭയാല്‍ മുങ്ങി കുളിച്ചു നില്ക്കുന്ന ക്ഷേത്രത്തിലേയ്ക്ക് ഒഴുകിയെത്തിയത്. ശ്രീ കോവിലിന് ചുറ്റും ശ്രീകോവില്‍ പടികളിലും വാല്‍മാടങ്ങളിലും ഇടനാഴിയിലും പുറത്ത് ചുറ്റുവിളക്ക് മാടത്തിലും ദീപസ്തംഭങ്ങളിലും ദീപങ്ങളാല്‍ അലംകൃതമായിരുന്നു. കൊടി മരത്തിന്റെ കിഴക്ക് 9 തട്ടുള്ള വലിയ ദീപസ്തംഭത്തിലും കുലീപിനി തീര്‍ത്ഥകുളത്തിന്റെ നാല് വശങ്ങളിലും , ചുറ്റമ്പലത്തിന് 4 വശങ്ങളിലും നിറ ദീപങ്ങള്‍ പ്രകാശം ചൊരിഞ്ഞു. വലിയ വിളക്കിനോടനുബന്ധിച്ച് നടന്ന കൂട്ടിയെഴുന്നുള്ളിപ്പിന് പെരുവനം കുട്ടന്‍ മാരാരുടെ നേതൃത്വത്തിലുള്ള പഞ്ചാരിമേളം അരങ്ങേറി. ഇപ്പോള്‍ ഇരിങ്ങാലക്കുട ലൈവ് ഡോട്ട് കോമില്‍ തത്സമയം  click to watch LIVE

Top
Menu Title