News

Category: അറിയിപ്പുകള്‍

RSBY സ്മാര്‍ട്ട് കാര്‍ഡ് പുതുക്കല്‍ മെയ് 21 ന്

ഇരിങ്ങാലക്കുട : RSBY സ്മാര്‍ട്ട് കാര്‍ഡ് പുതിയതായി രജിസ്റ്റര്‍ ചെയ്ത ഇരിങ്ങാലക്കുട നഗരസഭയിലെ ഗുണഭോക്താക്കളുടെ ഫോട്ടോ എടുക്കുന്നതിനും 2017 – ല്‍ പുതുക്കാന്‍ വിട്ടുപോയവരെ പുതുക്കുന്നതിനും മെയ് 21 ഞായറാഴ്ച രാവിലെ 10 മണി മുതല്‍ വൈകിട്ട് 5 മണി വരെ ഇരിങ്ങാലക്കുട നഗരസഭ ഓഫീസില്‍ ക്യാമ്പ് സിറ്റിംഗ് നടത്തുന്നതാണ് . അക്ഷയ കേന്ദ്രത്തില്‍ രജിസ്റ്റര്‍ ചെയ്ത ഗുണഭോക്താക്കള്‍ ഫോട്ടോ എടുക്കുന്നതിനു കുടുംബംഗങ്ങളോടൊപ്പം രജിസ്റ്റര്‍ ചെയ്ത സ്ലിപ്പ് സഹിതവും , 2016 ലെ കാര്‍ഡ് പുതുക്കാന്‍ വരുന്നവര്‍ 2016 ലെ നിലവിലുള്ള സ്മാര്‍ട്ട് കാര്‍ഡുമായി വരേണ്ടതാണ് എന്ന് നഗരസഭ സെക്രട്ടറി അറിയിച്ചു .

എ ഐ ടി യു സി ഫുട്ബോള്‍ മേള സംഘടിപ്പിക്കുന്നു

ഇരിങ്ങാലക്കുട : നടവരമ്പ് ജനറല്‍ വര്‍ക്കേഴ്സ് യൂണിയന്‍ എ ഐ ടി യു സി യുടെ ആഭിമുഖ്യത്തില്‍ ഈ വരുന്ന ഏപ്രില്‍ 16 മുതല്‍ 23 വരെ സഖാവ് കുമാരന്‍ മേനോന്‍ മെമ്മോറിയല്‍ എവറോളിംഗ് ട്രോഫിക്കും ചാത്തന്‍പിള്ളി നാരായണന്‍ മെമ്മോറിയല്‍ എവറോളിംഗ് ട്രോഫിക്കും വേണ്ടിയുള്ള ടൂര്‍ണമെന്റ് നടവരമ്പ് സ്കൂള്‍ മൈതാനിയില്‍ നടക്കും. താല്‍പ്പര്യമുള്ള ടീമുകള്‍ ഓഫീസുമായി ബന്ധപ്പെടുക: 9605549823 ,9744477552

സൗജന്യ നേത്ര ചികിത്സ ക്യാമ്പും തിമിര ശസ്ത്രക്രിയയും

വെള്ളാങ്ങല്ലുര്‍ : ജോണ്‍സണ്‍ കോലങ്കണ്ണിയും വെള്ളാങ്ങല്ലുര്‍ ലയണ്‍സ്‌ ക്ലബും പാലക്കാട് അഹല്യ ഫൗണ്ടേഷനും സംയുക്തമായി സംഘടിപ്പിക്കുന്ന സൗജന്യ നേത്ര ചികിത്സ ക്യാമ്പും , തിമിര ശസ്ത്രക്രിയയും , പ്രമേഹ രോഗനിര്‍ണയവും മാര്‍ച്ച് 25 ശനിയാഴ്ച രാവിലെ 9 മുതല്‍ 1 മണി വരെ കല്‍പറമ്പ് ഗവ. എല്‍ പി സ്കൂളില്‍ നടക്കും . വിശദ വിവരങ്ങള്‍ക്കും , രജിസ്ട്രേഷനും ബന്ധപ്പെടുക : 9446540890 , 9446080486

ആളൂര്‍ ഗ്രാമപഞ്ചായത്ത് കൃഷിഭവനില്‍ സൗജന്യ നിരക്കില്‍ ഗ്രോ ബാഗും അനുബന്ധ വളങ്ങളും നല്‍കുന്നു

കല്ലേറ്റുംകര : ആളൂര്‍ ഗ്രാമപഞ്ചായത്തു കൃഷിഭവന്‍ വഴി നടപ്പിലാക്കുന്ന ജനകിയാസൂത്രണ പദ്ധതിയായ ഗ്രോ ബാഗിലെ പച്ചക്കറി കൃഷി വികസനം പ്രകാരം കര്‍ഷകര്‍ക്ക് സൗജന്യ നിരക്കില്‍ നല്‍കുന്ന 25 ഗ്രോ ബാഗും ,വിത്തും, വളവും , കുമിള്‍നാശിനിയും കൃഷിഭവനില്‍ നിന്നും 18 – ാം തീയതി ശനിയാഴ്ച മുതല്‍ വിതരണം ചെയ്തു തുടങ്ങുന്നു. അപേക്ഷ നല്‍കിയ കര്‍ഷകര്‍ക്കും താല്പര്യമുള്ള കര്‍ഷകര്‍ക്കും ഗുണോഭോകൃത വിഹിതമായി വന്നു കൃഷിഭവനില്‍ നിന്നും ഗ്രോ ബാഗും അനുബന്ധ വളങ്ങളും കൈപറ്റണമെന്നു ആളൂര്‍ കൃഷി ഓഫീസര്‍ അറിയിച്ചു.

 

കുടിവെള്ള ദുരുപയോഗം കണ്ടെത്തുന്നതിനുള്ള പരിശോധനകള്‍ ശക്തമാക്കി

ഇരിങ്ങാലക്കുട : കേരള വാട്ടര്‍ അതോറിറ്റി ഇരിങ്ങാലക്കുട സെക്ഷന്റെ പരിധിയിലുള്ള ഇരിങ്ങാലക്കുട മുനിസിപ്പാലിറ്റി, കാട്ടൂര്‍, കാറളം, പടിയൂര്‍, പൂമംഗലം ഗ്രാമപഞ്ചായത്തുകള്‍ എന്നിവിടങ്ങളില്‍ കുടിവെള്ള ദുരുപയോഗം കണ്ടെത്തുന്നതിനുള്ള പരിശോധനകള്‍ ശക്തമാക്കിയതായി അസി എഞ്ചിനീയര്‍ അറിയിച്ചു. പൊതുടാപ്പില്‍ നിന്ന് ഹോസിട്ടു കുടിവെള്ളം മോഷ്ടിക്കല്‍, മൃഗങ്ങളെ കുളിപ്പിക്കല്‍, ചെടി നനയ്ക്കല്‍, കാര്‍ഷികാവശ്യങ്ങള്‍ക്കു ഉപയോഗിക്കല്‍ എന്നിവ ദുരുപയോഗമായി കണക്കാക്കാവുന്നതാണ്.

കേടായ വാട്ടര്‍ മീറ്റര്‍ മാറ്റുന്നതിന് നോട്ടീസ് ലഭിച്ചിട്ടും മാറ്റാത്ത ഗുണഭാക്താക്കളുടെ ഗാര്‍ഹിക കണക്ഷന്‍ മറ്റു അറിയിപ്പുകളില്ലാതെ വിച്ഛേദിക്കുകയും ദുരുപയോഗം ശ്രദ്ധയില്‍പ്പെട്ടാല്‍ കണക്ഷന്‍ തത്സമയം തന്നെ വിച്ഛേദിക്കുകയും 3000 മുതല്‍ 25000 വരെ പിഴ ഈടാക്കുകയും ചെയ്യുന്നതാണെന്നും അറിയിച്ചിട്ടുണ്ട്. ഇതിനോടകം 11 കേസുകള്‍ പിടികൂടുകയും പിഴ ഈടാക്കുകയും ചെയ്തിട്ടുണ്ട്. കൂടാതെ 6 മാസത്തില്‍ കൂടുതല്‍ കുടിശ്ശികയുള്ള ഗുണഭോക്താക്കള്‍ വെള്ളക്കരം എത്രയും പെട്ടെന്ന് അടച്ചു കണക്ഷന്‍ വിച്ഛേദിക്കല്‍ നടപടികളില്‍ നിന്നും ഒഴിവാക്കേണ്ടതാണെന്നും കണക്ഷനുകള്‍ കംപ്യൂട്ടര്‍ വല്‍ക്കരിക്കുന്നതിന്റെ ഭാഗമായി തല്‍ക്കാലം ബില്ലുകള്‍ നല്‍കാന്‍ നിര്‍വാഹമില്ലാത്തതിനാല്‍ ഗുണഭോക്താക്കള്‍ ഇരിങ്ങാലക്കുട സബ്ഡിവിഷന്‍ ഓഫീസില്‍ ഹാജരായി ബില്‍ അടയ്‌ക്കേണ്ടതാണെന്നും അസി എഞ്ചിനീയര്‍ അറിയിച്ചു.

സൗജന്യ നേത്രചികിത്സ ക്യാമ്പും തിമിര ശസ്ത്രക്രിയയും

വെള്ളാങ്ങല്ലുര്‍ : ജോസ് പുല്ലൂക്കരയും ജോണ്‍സന്‍ കോലങ്കണ്ണിയും പാലക്കാട് അഹല്യ ഫൗണ്ടേഷനും സംയുക്തമായി സഘടിപ്പിക്കുന്ന സൗജന്യ നേത്രചികിത്സ ക്യാമ്പും തിമിര ശസ്ത്രക്രിയയും ഫെബ്രുവരി 25 ശനിയാഴ്ച രാവിലെ 9 മണിക്ക് 17 – ാം വാര്‍ഡ് മെമ്പര്‍ ഡെയ്‌സി ജോസ് പുല്ലൂക്കരയുടെ വസതിയില്‍ വെള്ളാങ്ങല്ലുര്‍ ബ്ലോക്ക് പഞ്ചായത്ത് മെമ്പര്‍ തോമസ് കോലങ്കണ്ണി ഉദ്‌ഘാടനം ചെയ്യും.കൂടുതല്‍ വിവരങ്ങള്‍ക്ക് 9446540890, 99611735577.

വൈദ്യുതി മുടങ്ങും

അരിപ്പാലം : ഇരിങ്ങാലക്കുട നമ്പര്‍ 1 സെക്‌ഷനു കീഴില്‍ വരുന്ന അരിപ്പാലം, തോപ്പ്, പതിയാംകുളങ്ങര, ഊക്കന്‍ ഓയില്‍ മില്‍, എടക്കുളം നെറ്റിയാട് എന്നിവിടങ്ങളില്‍ ഏപ്രില്‍ 2 വ്യാഴാഴ്ച രാവിലെ 8.30 മുതല്‍ വൈകിട്ട് 5 വരെ അറ്റകുറ്റപ്പണികള്‍ക്കായി വൈദ്യുതി മുടങ്ങുമെന്ന് അധികൃതര്‍ അറിയിച്ചു.

എന്‍.ജി.ഒ. ക്വാര്‍ട്ടേഴ്‌സിന് അര്‍ഹരായ സര്‍ക്കാര്‍ ജീവനക്കാരില്‍നിന്നും അപേക്ഷ ക്ഷണിച്ചു

16110611ഇരിങ്ങാലക്കുട : സിവില്‍ സ്റ്റേഷനില്‍ പണിപൂര്‍ത്തീകരിച്ച ആറ് എന്‍.ജി.ഒ. ക്വാര്‍ട്ടേഴ്‌സുകള്‍ അര്‍ഹരായ സര്‍ക്കാര്‍ ജീവനക്കാര്‍ക്ക് അനുവദിക്കുന്നതിനായി അപേക്ഷ ക്ഷണിച്ചു. നിര്‍ദ്ദിഷ്ട ഫോമില്‍ ഓഫീസ് മേലധികാരിയുടെ ശുപാര്‍ശ സഹിതം ജില്ലാ കളക്ടര്‍ക്കാണ് അപേക്ഷ സമര്‍പ്പിക്കേണ്ടത്. അപേക്ഷ സമര്‍പ്പിക്കുന്നതിന് സമയപരിധി നിശ്ചയിച്ചിട്ടില്ല. അപേക്ഷാ ഫോം ജില്ലാ കളക്ടറേറ്റില്‍ നിന്നും ലഭിക്കുന്നതാണ്.
2006 ലെ സര്‍ക്കാര്‍ ജീവനക്കാര്‍ക്കുള്ള ക്വാര്‍ട്ടേഴ്‌സ് വിതരണം സംബന്ധിച്ചുള്ള റൂളിലെ നിബന്ധനകള്‍ക്ക് വിധേയമായാണ് ക്വാര്‍ട്ടേഴ്‌സുകള്‍ അനുവദിക്കപ്പെടുന്നത്. അതു പ്രകാരം ക്വാര്‍ട്ടേഴ്‌സുകള്‍ക്കായി അപേക്ഷ ക്ഷണിക്കുന്നതും അനുവദിക്കുന്നതും ജില്ലാകളക്ടറാണ്. സര്‍ക്കാരിന് പ്രത്യേക ഉത്തരവിലൂടെയും ക്വാര്‍ട്ടേഴ്‌സ് അനുവദിക്കാന്‍ കഴിയും. ഇരുപതു കിലോമീറ്റര്‍ ചുറ്റളവില്‍ നിലവില്‍ താമസിച്ചു വരുന്നവരും സ്വന്തം പേരിലോ കുടുംബാംഗളുടെ പേരിലോ ഭൂമിയും വീടുമില്ലാത്തവരാകണം അപേക്ഷകര്‍. ജോലി ചെയ്യുന്ന ഓഫീസും ഇരുപതു കിലോമീറ്റര്‍ ചുറ്റളവിലായിരിക്കണം. ഇരിങ്ങാലക്കുടയിലെ ആറു ക്വാര്‍ട്ടേഴ്‌സുകളില്‍ മൂന്നെണ്ണം ജനറല്‍ വിഭാഗത്തിനും മൂന്നെണ്ണം സംവരണ വിഭാഗത്തിനുമാണ് അനുവദിക്കുന്നത്. മരണപ്പെട്ട ജവാന്റെ വിധവ, അംഗ പരിമിതര്‍, എസ്.സി/എസ്.ടി, മിശ്ര വിവാഹിതര്‍, വിമുക്തഭടന്‍ എന്നിവരാണ് സംവരണ വിഭാഗത്തിലുള്‍പ്പെട്ടു വരുന്നവര്‍.

മൂന്നര വര്‍ഷം മുമ്പ് ഉദ്ഘാടനം ചെയ്യപ്പെട്ടിട്ടും തനിച്ച് വഴിയില്ലെന്ന കാരണം പറഞ്ഞ് ക്വാര്‍ട്ടേഴ്‌സുകള്‍ ജീവനക്കാര്‍ക്ക് അനുവദിക്കപ്പെടാതെ നശിക്കുന്നത് വാര്‍ത്തയായിരുന്നു. തുടര്‍ന്ന് ജോയിന്റ് കൗണ്‍സില്‍ ഇരിങ്ങാലക്കുട ബ്രാഞ്ച് കമ്മറ്റി സമരപരിപാടികള്‍ സംഘടിപ്പിക്കുകയും റവന്യൂ ഭവന വകുപ്പ് മന്ത്രിക്ക് നിവേദനം സമര്‍പ്പിക്കുകയും ചെയ്തിരുന്നു. നിവേദനത്തെ തുടര്‍ന്ന് സാങ്കേതിക തടസ്സങ്ങള്‍ മാറ്റി നിര്‍ത്തി ക്വാര്‍ട്ടേഴ്‌സുകള്‍ ഒരുമാസത്തിനകം അര്‍ഹരായവര്‍ക്ക് അനുവദിക്കാന്‍ നടപടി സ്വീകരിക്കണമെന്ന് മന്തി ജില്ലാകളക്ടര്‍ക്ക് നിര്‍ദ്ദേശം നല്‍കി. ഈ നിര്‍ദ്ദേശത്തിന്റെ അടിസ്ഥാനത്തിലാണ് ക്വാര്‍ട്ടേഴ്‌സുകള്‍ക്കായി ഇപ്പോള്‍ അടിയന്തിരമായി അപേക്ഷ ക്ഷണിച്ചിരിക്കുന്നത്. തനിച്ച് വഴി സൗകര്യമെന്നത് ഉപേക്ഷിച്ചിട്ടില്ലെന്നും പൊതുമരാമത്ത് വകുപ്പ് ഫണ്ട് ലഭ്യതക്കനുസരിച്ച് പൂര്‍ത്തിയാക്കുമെന്നും ജില്ലാഭരണകൂടം അറിയിച്ചു.

ബുധനാഴ്ച വൈദ്യൂതി മുടങ്ങും

powerഇരിങ്ങാലക്കുട : 11 കെ.വി ലൈനില്‍ അറ്റകുറ്റപണികള്‍ നടക്കുന്നതിനാല്‍ നമ്പര്‍ വണ്‍ സെക്ഷന്റെ കീഴില്‍ വരുന്ന ഠാണാ, പാര്‍ക്ക്, മാസ്സ് , എം എല്‍ എ റോഡ്, എടതിരിഞ്ഞി, ചെട്ടിയാല്‍, കാക്കാത്തുരുത്തി, പടിയൂര്‍ എന്നി പ്രദേശങ്ങളില്‍ ബുധനാഴ്ച രാവിലെ എട്ട് മുതല്‍ വൈകീട്ട് അഞ്ചുവരെ വൈദ്യൂതി വിതരണം തടസ്സപ്പെടും.

വൈദ്യുതി മുടങ്ങും

powercut-redഇരിങ്ങാലക്കുട : നമ്പര്‍ വണ്‍ വൈദ്യുതി ഓഫീസിന്റെ കീഴില്‍ വരുന്ന വെസ്റ്റ് കോമ്പാറ, കനാല്‍ ബേസ് ചെട്ടിപ്പറബ് , സിന്ധു തിയേറ്റര്‍ കെ എസ ഇ സൗത്ത് നട, പേഷ്കാര്‍ റോഡ് പൊറുത്തിശ്ശേരി, കണ്ടാരംതറ എന്നിവിടങ്ങളില്‍ 6- ാം തിയതി വ്യാഴാഴ്ച്ച 11 കെ വി ലൈനില്‍ അറ്റകുറ്റപണികള്‍ നടക്കുന്നതിനാല്‍ രാവിലെ 8 മുതല്‍ 5 വരെ വൈദുതി വിതരണം മുടങ്ങുമെന്ന് വൈദുതി അധികൃതര്‍ അറിയിച്ചു.

എസ് എന്‍ വൈ എസ് അഖിലകേരള പൂക്കള മത്സരം സെപ്റ്റംബര്‍ 16ന്

16091203ഇരിങ്ങാലക്കുട : ശ്രീനാരായണ ഗുരുജയന്തി ആഘോഷത്തോടു അനുബന്ധിച്ചു എസ് എന്‍ വൈ എസ് അഖിലകേരള പൂക്കള മത്സരം നടത്തുമെന്ന് ഭാരവാഹികള്‍ പത്രസമ്മേളനത്തില്‍ അറിയിച്ചു . സെപ്റ്റംബര്‍ 16 വെള്ളിയാഴ്ച ഗുരുജയന്തി ദിനത്തില്‍ രാവിലെ 10 മുതല്‍ ശ്രീനാരായണ മിനി ഹാളിലാണ് മത്സരം . വിജയികള്‍ക്ക് അന്ന് വൈകീട്ട് 7 മണിക്ക് ജയന്തി സമാപന സമ്മേളനത്തില്‍ സമ്മാനം നല്‍കും .

snysഒന്നാം സമ്മാനം എളയേടത്ത് സിദ്ധാര്‍ത്ഥന്‍ മെമ്മോറിയല്‍ ട്രോഫിയും 10001 രൂപ ക്യാഷ് അവാര്‍ഡും , രണ്ടാം സമ്മാനം സി കെ കുമാരന്‍ മെമ്മോറിയല്‍ ട്രോഫിയും 5001 രൂപ ക്യാഷ് അവാര്‍ഡും , മൂന്നാം സമ്മാനം 3001 രൂപ ക്യാഷ് അവാര്‍ഡും ട്രോഫിയും കൂടാതെ പ്രോത്സാഹന സമ്മാനങ്ങളും ഉണ്ടാക്കുമെന്ന് എസ് എന്‍ വൈ എസ് പ്രസിഡന്റ് ബിന്നി അതിരിങ്ങല്‍, സെക്രട്ടറി വിജീഷ് എളയേടത്ത്, ഖജാന്‍ജി ഷാജു മുകുളം, വൈസ് പ്രസിഡന്റ് സജീഷ് വി ച്ച്, ജോയിന്റ് സെക്രട്ടറി കൃഷ്ണകുമാര്‍ പാണാട്ടില്‍ എന്നിവര്‍ അറിയിച്ചു . രജിസ്ട്രേഷന് 9495423133, 9539677570.

ആളൂര്‍ പഞ്ചായത്തിലെ തൊഴില്‍രഹിതവേതനം വിതരണം 7,8,9 തിയതികളില്‍

aloor-panchayath-officeകല്ലേറ്റുംകര : ആളൂര്‍ ഗ്രാമപഞ്ചായത്തിലെ തൊഴില്‍രഹിതവേതനം 7,8,9 തിയതികളില്‍ 11 മണി മുതല്‍ 3 മണി വരെ വിതരണം ചെയ്യുന്നതാണ് എന്ന് പഞ്ചായത്ത് സെക്രട്ടറി അറിയിച്ചു .

നഗരസഭയില്‍ തൊഴില്‍രഹിത വേതനവിതരണം സെപ്റ്റംബര്‍ 7, 8 തീയതികളില്‍

municipality-350ഇരിങ്ങാലക്കുട : 2015 ഡിസംബര്‍ മുതല്‍ 2016 ജൂലൈ വരെയുള്ള മാസങ്ങളിലെ തൊഴില്‍രഹിത വേതനം ഇരിങ്ങാലക്കുട നഗരസഭയില്‍നിന്നും സെപ്റ്റംബര്‍ 7, 8 തീയതികളില്‍ രാവിലെ 11 മണി മുതല്‍ ഉച്ചക്ക് 3 മണിവരെ വിതരണം ചെയ്യും. അര്‍ഹതയുള്ളവര്‍ എസ്‌ എസ്‌ എല്‍ സി ബുക്ക്, എംപ്ലോയ്‌മെന്റ് റെജിസ്ട്രഷന്‍ കാര്‍ഡ്, ടി സി വേതനവിതരണ കാര്‍ഡ്, റേഷന്‍ കാര്‍ഡ്, എന്നി രേഖകള്‍ സഹിതം നഗരസഭാ ഓഫീസില്‍ നേരില്‍ ഹാജരായി തുക കൈപ്പറ്റണമെന്നു നഗരസഭാ സെക്രട്ടറി അറിയിച്ചു .

ഫേസ്ബുക്ക് കൂട്ടായ്മ്മയുടെ നേത്രത്വത്തില്‍ പൂക്കള മത്സരം നടത്തുന്നു

16090206ഇരിങ്ങാലക്കുട : ഫേസ്ബുക്ക് കൂട്ടായ്മ്മയായ മൈ ഐ.ജെ.കെയുടെ നേത്രത്വത്തില്‍ സെപ്റ്റംബര്‍ 11 ഞായറാഴ്ച ഓണം പൂക്കള മത്സരം നടത്തുന്നു. കൂടല്‍മാണിക്യം ക്ഷേത്രത്തിനു സമീപം നമ്പൂതിരീസ്‌ ഇന്സ്ടിട്യൂട്ടില്‍  നടക്കുന്ന മത്സരത്തില്‍  ഒന്നും രണ്ടും മൂന്നും സ്ഥാനങ്ങള്‍ നേടുന്നവര്‍ക്ക് യഥാക്രമം 10000, 5000, 2500 രൂപ വീതം സമ്മാനമായി നല്‍കുമെന്ന് സംഘാടകര്‍ പത്രക്കുറിപ്പിലൂടെ അറിയിച്ചു . കൂടുതല്‍ വിവരങ്ങള്‍ക്കും റെജിസ്ട്രേഷനും 9995755144 (ഹരികൃഷ്ണന്‍), 9846056056 (സുമേഷ്) എന്നി നമ്പറുകളില്‍ ബന്ധപെടുക .

വൈദ്യുതി മുടങ്ങും : ശനിയാഴ്ച രാവിലെ 8:30 മുതല്‍ വൈകീട്ട് 5 വരെ

powercut-redഇരിങ്ങാലക്കുട ഇലക്ട്രിക്‌  സെക്‌ഷന്‍ നംബര്‍ 1 വൈദ്യുത ഓഫീസ്   അധികാര പരിധിയില്‍ വരുന്ന ടൌണ്‍ ഹാള്‍, ബസ് സ്റ്റാന്‍ഡ്,  കൂടല്‍മാണിക്യം ക്ഷേത്രം , കണ്ടേശ്വരം , കവുപുര , മച് സെന്റെര്‍ ഭാഗങ്ങളില്‍ 11 കെ.വി. ലൈനില്‍ അറ്റകുറ്റപ്പണികള്‍ നടക്കുന്നതിനാല്‍ ശനിയാഴ്ച ഓഗസ്റ്റ് 27  രാവിലെ 8:30 മുതല്‍ വൈകീട്ട് 5 വരെ  വൈദ്യുതി ഭാഗികമായി തടസ്സപ്പെടും എന്ന് വൈദ്യുതി വകുപ്പ് അറിയിച്ചു .

Top
Menu Title