News

Category: Flash

കുന്നതൃക്കോവ് ശാസ്താ ക്ഷേത്ര മണ്ഡല വിളക്കാഘോഷം ഡിസംബര്‍ 26,27 തിയ്യതികളില്‍

14122604മുരിയാട് : മുരിയാട് കുന്നതൃക്കോവ് ശാസ്താ ക്ഷേത്ര മണ്ഡല വിളക്കാഘോഷം ഡിസംബര്‍ 26,27 തിയ്യതികളില്‍ ആഘോഷിക്കും. ഡിസംബര്‍ 26 ന് വൈകുന്നേരം 6. 30 ന് ദീപാരാധന, വിലക്ക് വെയ്പ്പ്,നിറമാല ,പാനക പൂജ എന്നിവ നടക്കും തുടര്‍ന്ന് ഇരിങ്ങാലക്കുട സാഗാസ് അവതരിപ്പിക്കുന്ന ഗാനമേള. ഡിസംബര്‍ 27 ശനിയാഴ്ച രാവിലെ അഭിഷേകം ,വിശേഷാല്‍ പൂജകള്‍ ,നവകം പഞ്ചഗവ്യം .ഉച്ചയ്ക്ക് 1.20 മുതല്‍ 2. 40 വരെ കാവടി ആഘോഷങ്ങള്‍ ,വൈകുന്നേരം 5 മണി മുതല്‍ പറപ്പൂക്കര അയ്യപ്പ സേവാ സംഘത്തിന്റെ ഭജന ,നിറമാല ,ദീപാരാധന,വിളക്ക് വെയ്പ്പ് അയ്യപ്പന്‍ പാട്ട്, രാത്രി കാവടി ആഘോഷം എന്നിവ നടക്കും.

ക്രിസ്തുമസ് ആഘോഷ ലഹരിയില്‍ ഇരിങ്ങാലക്കുട

14122501ഇരിങ്ങാലക്കുട : നന്മയുടെയും സ്‌നേഹത്തിന്റെയും സന്ദേശമോതി മറ്റൊരു ക്രിസ്തുമസ് ദിനം കൂടി. ലോകനന്മയ്ക്കായി അവതരിച്ച യേശുദേവന്റെ തിരുപ്പിറവി സ്മരണയില്‍ ആഘോഷലഹരിയിലാണ് ഇരിങ്ങാലക്കുട. അര്‍ദ്ധരാത്രി മുതല്‍ ദേവാലയങ്ങളില്‍ പ്രത്യേക പ്രാര്‍ത്ഥനകളും കുര്‍ബാനകളും നടന്നു. വിവിധ ക്രിസ്ത്യന്‍ പള്ളികളില്‍ പ്രത്യേക പ്രാര്‍ത്ഥനയും വിശേഷ ചടങ്ങുകളും സംഘടിപ്പിച്ചു. പ്രാര്‍ത്ഥനയിലും ചടങ്ങുകളിലും നൂറുകണക്കിന് വിശ്വാസികള്‍ പങ്കെടുത്തു. നിരവധി വിശ്വാസികളാണ് പാതിരാ കുര്‍ബാനക്കായി എത്തിയത്. മറു നാടന്‍ മലയാളികളും ക്രിസ്തുമസ് ആഘോഷലഹരിയാലാണ്. എല്ലാ വായനക്കാര്‍ക്കും ഇരിങ്ങാലക്കുട ലൈവ് ഡോട്ട് കോമിന്റെ ക്രിസ്തുമസ് ആശംസകള്‍…..

ആഘോഷത്തില്‍ നിന്നും അനുഭവത്തിലേയ്ക്ക് കടന്നുവരിക ക്രിസ്തുമസ് സന്ദേശത്തില്‍ ബിഷപ്പ് മാര്‍ പോളി കണ്ണുക്കാടന്‍

ഇരിങ്ങാലക്കുട : ആഘോഷത്തില്‍ നിന്നും അനുഭവത്തിലേയ്ക്ക് കടന്നുവരണമെന്ന് ക്രിസ്തുമസ് സന്ദേശത്തില്‍ ബിഷപ്പ് മാര്‍ പോളി കണ്ണുക്കാടന്‍ പറഞ്ഞു. ആഘോഷങ്ങള്‍ ഇപ്പോഴും നൈമഷികമാണ് എന്നാല്‍ അനുഭവം എന്നെന്നും നിലനില്ക്കുന്നതാണ്. സന്തോഷത്തിന്റെ സത്വാര്‍ത്ഥ ഹൃദയങ്ങളെ ഉൾക്കൊള്ളാന്‍ സാധിക്കണ മെന്നുണ്ടെങ്കില്‍ നന്മയുല്ലവരായി തീരണം അതുകൊണ്ടാണ് ആട്ടിടയര്‍ക്ക് തിടുക്കത്തില്‍ ചെന്ന് രക്ഷകനെ ആരാധിക്കാനും സന്തോഷത്തില്‍ പങ്കുകൊള്ളാനും സാധിച്ചത്.അതുപോലെ തന്നെ ജ്യോതി ശാസ്ത്രജ്ഞര്‍ക്ക് നക്ഷത്രം കണ്ട് ഉണ്ണിയേശുവിനെ ആരാധിക്കാനും കാണാനും കാഴ്ചകള്‍ സമര്‍പ്പിക്കാനും കഴിഞ്ഞത് .ഹൃദയത്തില്‍ നന്മയുണ്ടെങ്കില്‍ ദൈവത്തെ ആരാധിക്കാനും വര്‍ദ്ധിച്ച സന്തോഷത്തിന്റെ ഉടമകളായി തിരാനും സാധിക്കും.ഈ ക്രിസ്തുമസ് ആഘോഷങ്ങള്‍ ഹൃദയത്തില്‍ നന്മ വരുത്തുവാനും അതുകൊണ്ട് വര്‍ദ്ധിച്ച സന്തോഷത്തിന്റെ ഉടമകളായി തിരാനും എല്ലാവര്‍ക്കും സാധിക്കട്ടെയെന്ന് ബിഷപ്പ് മാര്‍ പോളി കണ്ണുക്കാടന്‍ പറഞ്ഞു.

എസ് എന്‍ ഡി പി യോഗം പ്രവര്‍ത്തകര്‍ ജാതി പറയാന്‍ പാടില്ല എന്ന് വ്യഖ്യാനിക്കുന്നവരാണ് കൂടുതലും : തുഷാര്‍ വെള്ളാപ്പിള്ളി

20141224_114703ഇരിങ്ങാലക്കുട: എസ് എന്‍ ഡി പി യോഗം പ്രവര്‍ത്തകര്‍ ജാതി പറയാന്‍ പാടില്ല എന്ന് വ്യഖ്യാനിക്കുന്നവരാണ് കൂടുതല്‍ ആളുകളെന്ന് എസ് എന്‍ ഡി പി യോഗം വൈസ് പ്രസിഡണ്ട് തുഷാര്‍ വെള്ളാപ്പിള്ളി പറഞ്ഞു. എസ് എന്‍ ഡി പി യോഗം 3579 പൊറത്തിശ്ശേരി കിഴക്കുമുറി ശാഖയുടെ ഗുരുദേവ വെങ്കല വിഗ്രഹ പ്രതിഷ്ഠയും ക്ഷേത്ര സമര്‍പ്പണ സമ്മേളനവും ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം .എന്നാല്‍ എസ് എന്‍ ഡി പി യോഗത്തിന്റെ ഭരണഘടന ഈഴവന്റെ ആവശ്യങ്ങള്‍ നേടിയെടുക്കാനാണെന്ന് അദ്ദേഹം ഓര്‍മ്മിപ്പിച്ചു. ഗുരുദേവൻ സ്ഥാപിച്ച ക്ഷേത്രങ്ങളെല്ലാം ഹിന്ദു ക്ഷേത്രാചാരപ്രകാരമാണ് അതിനാല്‍ ഗുരുദേവൻ ഹിന്ദു ദൈവമാണെന്നും അദ്ദേഹം കൂട്ടിച്ചേര്‍ത്തു. സ് എന്‍ ഡി പി യോഗം അസിസ്റ്റന്റ് സെക്രട്ടറി കെ കെ ബിനു മുഖ്യപ്രഭാഷണം നടത്തി. കെ സി മോഹന്‍ലാല്‍ അദ്ധ്യക്ഷത വഹിച്ചു. പി കെ പ്രസന്നന്‍ ,സജീവ്‌ കുമാര്‍ കല്ലട, എം കെ സുബ്രഹ്മണ്യന്‍ ,സുബ്രഹ്മണ്യന്‍ വി ആര്‍ ,ദിനേശ് വി പി തുടങ്ങിയവര്‍ സംസാരിച്ചു.

കര്‍മ്മ 2014 :ആഡംബര വിവാഹത്തിനെതിരെ മൈം

14122405ഇരിങ്ങാലക്കുട : ആഡംബര വിവാഹത്തിനെതിരെ വിദ്യാര്‍ത്ഥികള്‍മൈം അവതരിപ്പിച്ചു. ഇരിങ്ങാലക്കുട ഗേള്‍സ്‌ വൊക്കേഷണല്‍ ഹയര്‍ സെക്കണ്ടറി സ്കൂളിലെ എന്‍ എസ് എസ് യൂണിറ്റിന്റെ സ്പെഷ്യല്‍ ക്യാമ്പ്‌ “കര്‍മ്മ 2014 ന്റെ ആഭിമുഖ്യത്തിലാണ് ഇരിങ്ങാലക്കുട ബസ്‌ സ്റ്റാന്‍ഡില്‍ മൈം അവതരിപ്പിച്ചത്. വി എച്ച് എസ് ഇ പ്രിന്‍സിപ്പാള്‍ ഹേന കെ ആര്‍ ,എന്‍ എസ് എസ് പ്രോഗ്രാം ഒഫീസര്‍ ബിന്ദു ഉണ്ണികൃഷ്ണന്‍ ,അദ്ധ്യാപകരായ സഗീര്‍ കെ വി ,ബിന്ദു സി ജി ,അബ്ദുള്‍ ഹക്ക് എന്നിവര്‍ നേതൃത്വം നല്‍കി.

കെ.എസ്‌.ആര്‍.ടി.സിയെ ജനങ്ങളുടെ പൊതുബാധ്യത എന്നതില്‍ നിന്നും സമ്പത്താക്കി മാറ്റാനാണ്‌ സര്‍ക്കാര്‍ ശ്രമമെന്ന്‌ മന്ത്രി തിരുവഞ്ചിയൂര്‍

14122314ഇരിങ്ങാലക്കുട: കെ.എസ്‌.ആര്‍.ടി.സിയെ ജനങ്ങളുടെ പൊതുബാധ്യത എന്നതില്‍ നിന്നും സമ്പത്താക്കി മാറ്റാനാണ്‌ സര്‍ക്കാര്‍ ശ്രമമെന്ന്‌ മന്ത്രി തിരുവഞ്ചിയൂര്‍ രാധാകൃഷ്‌ണന്‍ പറഞ്ഞു. ഇരിങ്ങാലക്കുട കെ.എസ്‌.ആര്‍.ടി.സി ഓപ്പറേറ്റിംഗ്‌ സെന്ററില്‍ ബസ്സ്‌ ടെര്‍മിനല്‍ കം ഷോപ്പിംഗ്‌ കോംപ്ലക്‌സ്‌ ശിലാസ്ഥാപനം നടത്തി സംസാരിക്കുകയായിരുന്നു മന്ത്രി. യാത്രക്കാര്‍ക്ക്‌ ഇന്‍ഷ്യൂറന്‍സ്‌ അടക്കമുള്ള സര്‍ക്കാറിന്റെ പുതിയ പദ്ധതികള്‍ നടപ്പിലാകുന്നതോടെ കെ.എസ്‌.ആര്‍.ടി.സിയ്‌ക്ക്‌ പുതിയ മുഖം കൈവരുമെന്നും മന്ത്രി വ്യക്തമാക്കി. അഡ്വ. തോമസ്‌ ഉണ്ണിയാടന്‍ എം.എല്‍.എ അദ്ധ്യക്ഷത വഹിച്ചു. നഗരസഭ ചെയര്‍പേഴ്‌സന്‍ മേരിക്കുട്ടി ജോയ്‌, കെ.എസ്‌.ആര്‍.ടി.സി എക്‌സി. ഡയറക്ടര്‍ ജി. അനില്‍കുമാര്‍, എം.ബി ശ്രികുമാര്‍, വി. പീതാംബരന്‍, ആന്റോ പെരുമ്പിള്ളി, ടി.കെ സുധീഷ്‌, റോക്കി ആളൂക്കാരന്‍, ഇ. മുരളീധരന്‍, കെ.എ റിയാസുദ്ദിന്‍, ടി. ശിവന്‍, ബിജു ആന്റണി, കെ.പി വിന്‍സന്റ്‌ തുടങ്ങിയവര്‍ സംസാരിച്ചു. എം.എല്‍.എയുടെ ആസ്ഥി വികസന ഫണ്ടില്‍ നിന്നും ഒരു കോടി നാല്‍പത്‌ ലക്ഷം രൂപ ചിലവഴിച്ചാണ്‌ ടെര്‍മിനല്‍ നിര്‍മ്മിക്കുന്നത്‌.

കെ.കരുണാകരന്‍ സ്മൃതി സംഗമം

14122313ഇരിങ്ങാലക്കുട: ദേശീയ രാഷ്ട്രീയത്തില്‍ കിംഗ്‌ മേക്കരും ഭരണ രംഗത്ത് പ്രായോഗിക തന്ത്രജ്ഞനുമായിരുന്നു കെ.കരുണാകരന്‍ എന്ന് സി.പി.ഐ.(എം) നേതാവ് പോള്‍ കോക്കാട്ട് അഭിപ്രായപ്പെട്ടു. കേരള സിറ്റിസണ്‍ ഫോറം സംഘടിപ്പിച്ച ലീഡര്‍ സ്മൃതി സംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.  മാളയില്‍ കരുണാകരനെതിരെ നിയമ സഭാ തിരഞ്ഞെടുപ്പില്‍ മത്സരിച്ചു പരാജയപ്പെട്ടുവെങ്കിലും ലീഡറുമായി അന്ത്യ നിമിഷം വരെ ആത്മബന്ധം പുലര്‍ത്താന്‍ കഴിഞ്ഞുവെന്നും പോള്‍ കോക്കാട്ട് കൂട്ടിച്ചേര്‍ത്തു. കേരള സിറ്റിസണ്‍ ഫോറം സംസ്ഥാന പ്രസിഡണ്ട് പി.എം.ഷാഹുല്‍ ഹമീദ് അദ്ധ്യക്ഷത വഹിച്ചു. ഡോ. എ.എം. ഹരീന്ദ്രനാഥ്, പോള്‍ എ.തട്ടിൽ, വി.പി.ആര്‍.മേനോൻ,കെ.കെ.ബാബു, പോൾസണ്‍ പറപ്പുള്ളി, ടി.ആര്‍.ഗോപി മാസ്റ്റര്‍ എന്നിവര്‍ സംസാരിച്ചു.

സോളാര്‍ ഉദ്ഘാടന മാമാങ്കം: ഒടുവില്‍ പിരിവിന്റെ കണക്കുകള്‍ പുറത്തു വന്നു

14122309 ഇരിങ്ങാലക്കുട: നഗരസഭയുടെ സോളാര്‍വത്ക്കരണവുമായി ബന്ധപ്പെട്ട നടന്ന ഉദ്ഘാടനത്തില്‍ പിരിവ് നടന്നിട്ടില്ലെന്ന് കൗണ്‍സിലില്‍ ആദ്യം മറുപടി പറഞ്ഞ ഭരണപക്ഷം പിന്നീട് പിരിവ് നടന്നെന്നും അതിന്റെ കണക്കുകള്‍ അവതരിപ്പിക്കാമെന്നു പറഞ്ഞിട്ട് മാസങ്ങള്‍ കഴിഞ്ഞും അവതരിപ്പിക്കാതെ വന്നപ്പോള്‍ ചൊവ്വാഴ്ച്ച ചേര്‍ന്ന കൗണ്‍സിലില്‍ ബി.ജെ.പി അംഗങ്ങള്‍ ഇത് വീണ്ടും ആവശ്യപ്പെട്ട് നടുത്തളത്തില്‍ ഇറങ്ങിയത് കൗണ്‍സിലിനെ പ്രക്ഷുബ്ദമാക്കി. ചില വനിതാ കൗണ്‍സിലര്‍മാരുടെയും സ്റ്റാന്റിംഗ് കമ്മിറ്റി ചെയര്‍മാന്‍മാരുടെയും നേതൃത്വത്തിലാണ് പിരിവ് നടന്നതെന്നും നഗരസഭയുടെ ഒരു പൊതു പരിപാടിക്ക് ഇത്തരത്തില്‍ ഒരു പിരിവ് നടത്താന്‍ ആര് അധികാരം നല്കിയെന്നുമായിരുന്നു പ്രതിപക്ഷത്തിന്റെ പ്രധാന ചോദ്യം. “പ്രസിദ്ധി മോഹികളായ” ചിലരെ മുതലെടുത്ത്‌ ഭരണ സമിതിയിലെ ചില കൗണ്‍സിലര്‍മാരുടെ നേതൃത്വത്തിലാണ് പണപ്പിരിവ് നടത്തിയതെന്ന് അന്ന് തന്നെ ആരോപണമുണ്ടായിരുന്നു. ഒഴുക്കന്‍ മട്ടിലുള്ള ചില മറുപടികളായിരുന്നു അന്ന് ഭരണപക്ഷം നല്കിയത്. ഇന്ന് ചേംബറില്‍ ചെയര്‍പേഴ്സണ്‍ മേരിക്കുട്ടി ജോയ് കണക്കുകള്‍ അവതരിപ്പിച്ചപ്പോള്‍ പിരിവ്14110111നടന്നത് ലക്ഷങ്ങളാണെന്നും മനസിലായി. കണക്കില്‍ വരവ് കുറവും ചിലവ് കൂടുതലും ആയിട്ടാണെങ്കിലും ഒരു പൊതു പരിപാടിക്ക് കൗണ്‍സിന്റെ അനുമതിയില്ലാതെ ഇത്തരത്തില്‍ ഒരു പിരിവ് നടന്നതിന്റെ പുറകില്‍ അഴിമതിയുണ്ടെന്നുമാണ് ബി.ജെ.പി കൗണ്‍സിലര്‍മാരുടെ ആരോപണം. തനിക്ക് മുമ്പുള്ള യു.ഡി.എഫ് ചെയര്‍പേഴ്സണ്‍മാരും ഇത്തരത്തില്‍ പിരിവ് നടത്തിയ കീഴവഴക്കമുണ്ടെന്നാണ് ചെയര്‍പേഴ്സണ്‍ മേരിക്കുട്ടി ജോയിയുടെ പ്രതികരണം. എന്നാല്‍ ഈ വിഷയത്തില്‍ ഇടതുപക്ഷ കൗണ്‍സിലര്‍മാരുടെ മൗനം ശ്രദ്ധേയമാണ്.

വഴി വിളക്ക് നവീകരണം: പ്രതിപക്ഷ വാര്‍ഡുകള്‍ അവഗണിക്കുന്നതായി പരാതി

14122308ഇരിങ്ങാലക്കുട: ഇരിങ്ങാലക്കുട നഗരസഭയിലെ വഴി വിളക്ക് നവീകരണത്തില്‍ പ്രതിപക്ഷ കൗണ്‍സിലര്‍മാരുടെ വാര്‍ഡുകളെ അവഗണിക്കുന്നു എന്നാരോപിച്ച് കൗണ്‍സില്‍ യോഗത്തില്‍ പ്രതിപക്ഷ ബഹളം. പ്രതിപക്ഷത്തിന്റെ വാര്‍ഡുകളില്‍ വഴി വിളക്ക് സ്ഥാപിക്കുന്ന പ്രവര്‍ത്തനങ്ങള്‍ മന്ദഗതിയിലാണെന്നു കൗണ്‍സിലര്‍മാര്‍ ആരോപിച്ചു. ക്രിസ്തുമസിനു മുമ്പ് വഴി വിളക്കുകള്‍ സ്ഥാപിക്കുമെന്നും നിലവിലുള്ള കരാറുകാരന് അടുത്ത മാര്‍ച്ച് വരെ അനുമതിയുണ്ടെന്നും ചെയര്‍പേഴ്സണ്‍ മറുപടി പറഞ്ഞു. ഏറെ വിവാദമായ നഗരസഭാ സോളാര്‍വത്ക്കരണ ചടങ്ങിന്റെ വരവ് ചിലവ് കണക്കുകള്‍ ബി.ജെ.പി അംഗങ്ങളുടെ പ്രതിഷേധത്തെ തുടര്‍ന്ന് ചെയര്‍പേഴ്സണ് കൗണ്‍സില്‍ യോഗത്തിനു ശേഷം അവതരിപ്പിക്കേണ്ടി വന്നു. ഈ വിഷയത്തില്‍ ഇടതുപക്ഷ കൗണ്‍സിലര്‍മാരുടെ മൗനം ശ്രദ്ധേയമായി.

ലോകത്തിലെ ഭൂരിഭാഗം ശാസ്ത്ര സംഭാവനകളുടെ പിറകിലും ഭാരതീയര്‍ : എം സി ദിലീപ് കുമാര്‍

14122203ഇരിങ്ങാലക്കുട: ലോകത്തിലെ ഭൂരിഭാഗം ശാസ്ത്ര സംഭാവനകളുടെ പിറകിലും ഭാരതിയരാണെന്ന് കാലടി സംസ്കൃത സര്‍വ്വകലാശാല വൈസ് ചാന്‍സലര്‍ ഡോ എം സി ദിലീപ്കുമാര്‍ സംഗമ ഗ്രാമ മാധവ ഭാരതിയ ഗണിത കേന്ദ്രത്തിന്റെ മാധവ ഗണിത പുരസ്കാരം കൊച്ചിന്‍ യൂണിവേഴ്സിറ്റിയിലെ ഇന്റര്‍നാഷണല്‍ സ്കൂള്‍ ഓഫ് ഫോട്ടോനിക്സിലെ ഡോ വി പി എന്‍ നമ്പൂതിരിക്ക് നല്കിക്കൊണ്ട് സംസാരിക്കുകയായിരുന്നു അദ്ദേഹം എന്നാല്‍ ഈ ശാസ്ത്ര സംഭാവനകളില്‍ രണ്ടു ശതമാനം മാത്രമാണ് നമ്മുടെ രാജ്യത്തിന്റെ പേരില്‍ വരുന്നതെന്നും ദിലീപ് കുമാര്‍കൂട്ടിച്ചേര്‍ത്തു. ആര്‍ എസ് എസ് സംസ്ഥാന സഹ കാര്യവാഹക് പി എന്‍ ഈശ്വരന്‍ അദ്ധ്യക്ഷത വഹിച്ചു. വി പി എന്‍ നമ്പൂതിരി എ വിനോദ് ,ജാതവേതന്‍ നമ്പൂതിരി,ഇ വി നാരായണന്‍ ,ഷീല പുരുഷോത്തമന്‍ തുടങ്ങിയവര്‍ സംസാരിച്ചു.

വിദ്യാര്‍ത്ഥികള്‍ ഹൈസ്കൂള്‍ ,ഡിഗ്രി തലം തൊട്ടുതന്നെ സിവില്‍ സര്‍വ്വീസ് ലക്‌ഷ്യം വക്കണം : ഡോ കെ എന്‍ രാഘവന്‍ IRS

141222112ഇരിങ്ങാലക്കുട : വിദ്യാര്‍ത്ഥികള്‍ ഹൈസ്കൂള്‍ ,ഡിഗ്രി തലം തൊട്ടുതന്നെ സിവില്‍ സര്‍വ്വീസ് ലക്‌ഷ്യം വക്കുകയാണെങ്കില്‍ യോഗ്യത നേടുവാനുള്ള സാദ്ധ്യത വളരെ കൂടുതലാണെന്ന് കൊച്ചിന്‍ കസ്റ്റംസ് കമ്മിഷ്ണറും മുന്‍ അന്താരാഷ്‌ട്ര ക്രിക്കറ്റ് അമ്പയറുമായ ഡോ കെ എന്‍ രാഘവന്‍ IRS അഭിപ്രായപ്പെട്ടു. വിവേകാനന്ദ ഐ.എ.എസ്‌ അക്കാഡമി ഐ.എ.എസ്‌ ഫൗണ്ടേഷന്‍ കോഴ്സിന്റെ ഭാഗമായി ജില്ലയിലെ മറ്റു വിദ്യാര്‍ത്ഥികളെ കൂടി പങ്കെടിപ്പിച്ച്‌ കൊണ്ട്‌ എല്ലാ മാസവും സൗജന്യമായി സംഘടിപ്പിക്കുന്ന വിദ്യാസാഗരം പഠനവേദിയില്‍ പങ്കെടുത്ത് സംസാരിക്കുകയയായിരുന്നു അദ്ദേഹം. ചടങ്ങില്‍ അക്കാഡമി ഡയറക്ടര്‍ എം.ആര്‍ മഹേഷ്‌ സംസാരിച്ചു.

സി പി ഐ (എം) ജില്ലാ സമ്മേളനം : ഹുണ്ടിക പിരിവ് നടത്തി

14122209ഇരിങ്ങാലക്കുട: തൃശൂര്‍ ജില്ല സമ്മേളനത്തിന്റെ ഭാഗം,ആയി സി പി ഐ (എം) ഇരിങ്ങാലക്കുട ഏരിയ കമ്മിറ്റിയുടെ കീഴില്‍ ഹുണ്ടിക പിരിവ് നടത്തി. സമ്മേളനത്തിന്റെ ഒരുക്കങ്ങള്‍ പ്രവര്‍ത്തകരുടെ നേതൃത്വത്തില്‍ സജീവമായി നടന്ന് വരികയാണ്. ഡിസംബര്‍ 21,22 തിയ്യതികളിലായി പാര്‍ട്ടി ബ്രാഞ്ച് തല സംഘാടക സമിതിയുടെ നേതൃത്വത്തില്‍ ഏരിയയിലെ മുഴുവന്‍ വീടുകളിലും കയറി സമ്മേളന ഫണ്ട് ശേഖരിച്ചത് . ജനുവരി 22,23,24 തിയ്യതികളിലാണ് സമ്മേളനം.  പിണറായി വിജയന്‍ ,വി എസ് അച്ച്യുതാനന്ദന്‍ തുടങ്ങിയവര്‍ പങ്കെടുക്കും .സമ്മേളനത്തോടനുബന്ധിച്ച് പ്രകടനവും ചുവപ്പ് വളണ്ടിയര്‍ മാര്‍ച്ചും ഉണ്ടായിരിക്കും. സി പി ഐ (എം) ഇരിങ്ങാലക്കുട ഏരിയ സെക്രട്ടറി ഉല്ലാസ് കളക്കാട്ട് ,ഏരിയ കമ്മിറ്റി അംഗങ്ങളായ കെ സി പ്രേമരാജന്‍ ,ലത ചന്ദ്രന്‍, എം ബി രാജു മാസ്റ്റര്‍ ,കെ ഗോവിന്ദന്‍ കുട്ടി ,കെ എ ഗോപി തുടങ്ങിയവര്‍ പങ്കെടുത്തു.

അനധികൃത പാടം നികത്തല്‍ ട്രാക്ടര്‍ കസ്റ്റഡിയിലെടുത്തു

14122208വെള്ളാങ്കല്ലുര്‍ :വെള്ളാങ്കല്ലൂരില്‍ അനധികൃതമായി പാടം നികത്തിയ കേസില്‍ ട്രാക്ടര്‍ ഇരിങ്ങാലക്കുട പോലീസ് കസ്റ്റഡിയിലെടുത്തു. വെള്ളാങ്കല്ലുര്‍ എം ആര്‍ ബാറിന് പിന്നിലെ കൃഷി നടക്കുന്ന പാടം നികത്തുന്നതിനിടയിലാണ് KL45 L 1215 എന്ന ട്രാക്ടര്‍ പോലിസ് പിടികൂടിയത്.

ജനനേതാക്കളുടെ നേതൃത്വമാണ്‌ തനിമയുടെ വിജയമെന്ന്‌ ഉണ്ണിയാടന്‍ എം.എല്‍.എ

14122206ഇരിങ്ങാലക്കുട: വിവിധ തലത്തിലുള്ള ജനപ്രതിനിധികളുടേയും, ജനനേതാക്കളുടേയും നേതൃത്വമാണ്‌ തനിമയുടെ വിജയകാരണമെന്ന്‌ അഡ്വ. തോമസ്‌ ഉണ്ണിയാടന്‍ എം.എല്‍.എ പറഞ്ഞു. തനിമ 2015ന്റെ ഭാഗമായി നടത്തിയ ജനപ്രതിനിധി സംഗമം ഉദ്‌ഘാടനം ചെയ്‌ത്‌ സംസാരിക്കുകയായിരുന്നു അദ്ദേഹം. നഗരസഭ വൈസ്‌ ചെയര്‍മാന്‍ ആന്റോ പെരുമ്പിള്ളി അദ്ധ്യക്ഷത വഹിച്ചു. ബ്ലോക്ക്‌ പഞ്ചായത്ത്‌ പ്രസിഡന്റ്‌ ആലിസ്‌ തോമസ്‌, പഞ്ചായത്ത്‌ പ്രസിഡന്റുമാരായ എന്‍.ജി ശശീധരന്‍, ബേബി ലോഹിതാക്ഷന്‍, ശ്രീരേഖ ഷാജി, അയ്യപ്പന്‍ അങ്കാരത്ത്‌, അഡ്വ. ജോസ്‌ മൂഞ്ഞേലി, വൈസ്‌ പ്രസിഡന്റ്‌ പി.കെ വിജയഘോഷ്‌, സിനിമാതാരം ഇടവേള ബാബു, വിനു സുബ്രഹ്മണ്യന്‍, എ.ഡി ഫ്രാന്‍സിസ്‌, പ്രമീള അശോകന്‍, കെ.പി ദേവദാസ്‌, ബോബി ജോസ്‌, എം.എന്‍ തമ്പാന്‍ തുടങ്ങിയവര്‍ സംസാരിച്ചു.

വര്‍ണ്ണപൊലിമയോടെ സി എല്‍ സി യുടെ ക്രിസ്തുമസ് കരോള്‍ മത്സരഘോഷയാത്ര

14122201ഇരിങ്ങാലക്കുട: കത്തീഡ്രല്‍ പ്രോഫഷണല്‍ സി.എല്‍.സി യുടെ ആഭിമുഖ്യത്തില്‍ ക്രിസ്തുമസ് കരോള്‍ മത്സരഘോഷയാത്ര നടന്നു.വൈകീട്ട് ടൌണ്‍ ഹാള്‍ പരിസരത്ത് നിന്നും ആരംഭിച്ച വര്‍ണ്ണാഭമായ ഘോഷയാത്ര നൂറുകണക്കിന് ആളുക ളുടെ അകമ്പടിയോടെ കത്തീഡ്രല്‍ ജംഗ്ഷനില്‍ എത്തിച്ചേര്‍ന്നു . മുന്‍ എം.പി ഫ്രാന്‍സീസ് ജോര്‍ജ്‌ ഉദ്ഘാടനം നിര്‍വഹിച്ച ഘോഷയാത്രയില്‍ ഇരിങ്ങാലക്കുട, തൃശൂര്‍, കോട്ടപ്പുറം രൂപതകളില്‍ നിന്നുള്ള 10 ടീമുകളാണ് പങ്കെടുത്തത്. കത്തീഡ്രല്‍ വികാരി ഫാ. ജോയ് കടംബട്ട്, സി.എല്‍.സി വര്‍ക്കിംഗ് ഡയറക്ടർ ഫാ. ഷെറന്‍സ് എളംത്തുരുത്തി രൂപത സി.എല്‍.സി പ്രസിഡന്റ്‌ ഷോബി കെ.പോള്‍, ഒ.എസ്.ടോമി, ഡേവിസ് ചക്കാലക്കല്‍ തുടങ്ങിയവര്‍ ഘോഷയാത്രയ്ക്ക് നേതൃത്വം നല്കി.ക്രിസ്തുമസ് കരോള്‍ മത്സരഘോഷയാത്രയില്‍ ഒന്നാം സ്ഥാനം കരസ്ഥമാക്കിയ ഡോള്ലെര്‍സ് ചര്‍ച്ച് താണിശേരി ടിമിന് 35000 രൂപയും രണ്ടാം സ്ഥാനം കരസ്ഥമാക്കിയ അങ്കമാലി നടുവണ്ണൂര്‍ ചര്‍ച്ചിന് യഥാക്രമം 25000 രൂപയും പങ്കെടുത്ത മറ്റ് ടീമുകള്‍ക്ക് പ്രോത്സാഹന സമ്മാനമായി 15000 രൂപയും ലഭിച്ചു .

Top
Menu Title