News

സംസ്ഥാനപാതയിലെ ‘അഴിമതിക്കുഴികള്‍’ അടച്ചുതുടങ്ങി

ഇരിങ്ങാലക്കുട : കോടികള്‍ മുടക്കി റീടാര്‍ ചെയ്ത പോട്ട-മൂന്നുപീടിക സംസ്ഥാനപാതയില്‍ ആളൂര്‍ മുതല്‍ ഇരിങ്ങാലക്കുട വരെയുള്ള ഭാഗത്തും ടാറിങ്ങിലെ നിലവാര തകര്‍ച്ച മൂലം  പലയിടത്തും റോഡ് ഭാഗികമായി തകര്‍ന്നു രൂപപ്പെട്ട കുഴിക്കള്‍ അറ്റകുറ്റ പണികള്‍ നടത്തി അടച്ചു തുടങ്ങി.  പലയിടത്തും പൊളിഞ്ഞ് പോയ ടാറിങ്ങിന് താഴെ പത്ത് വര്‍ഷം മുമ്പ് ചെയ്ത റോഡിന്റെ ഉപരിതലം ഇപ്പോഴും കേടുകൂടാതെ നില്ക്കുകയാണ് എന്നതാണ് ഇതിലെ വിരോധാഭാസം .  മെറ്റലിളകി റോഡിന്റെ വശങ്ങളിലേയ്ക്ക് തള്ളിപ്പോയ അവസ്ഥയിലാണ്. ഈ റോഡില്‍ മെറ്റലില്‍ വണ്ടി തെന്നി വിണ് അപകടം പതിവാണെന്ന് നാട്ടുകാര്‍ പറഞ്ഞു.

മെക്കാഡം ടാറിങ്ങിലെ അഴിമതിയും നിലവാര തകര്‍ച്ചയുമാണ് റോഡ് തകരാന്‍ കാണമെന്നാണ് നാട്ടുകാരുടെ ആക്ഷേപം. കഴിഞ്ഞ സര്‍ക്കാരിന്റെ കാലത്തു ടാറുചെയ്‌തു ഒരു മാസത്തിനകം തന്നെ അഴിമതി വ്യക്തമാക്കുന്ന തരത്തില്‍ പുതിയ ടാറിങ് ഇളകി തുടങ്ങിയിരുന്നു. വെറും 3 വര്‍ഷത്തിനകം തന്നെ റോഡ് പൂര്‍ണ്ണമായും തകര്‍ന്നു. ആദ്യം മെക്കാഡം ടാറിങ്ങ് നടത്തിയപ്പോള്‍ 7 വര്‍ഷം ഒരു കേടുപാടുകളും ഇല്ലാതെ നിലനിന്ന റോഡാണ്  ഇത്. 3  വര്‍ഷത്തിനിടെ നടത്തുന്ന മൂന്നാമത്തെ റീടാറിങ്‌ ആണ് ഇത് .  നിരന്തരം അപകടങ്ങള്‍ ഉണ്ടാകുന്ന സാഹചര്യത്തില്‍ അടിയന്തിരമായി കുഴികളടയ്ക്കാന്‍ പി.ഡബ്ലിയു.ഡി അധികാരികള്‍ നിര്‍ബന്ധിതര്‍ ആകുകയായിരുന്നു ഇപ്പോള്‍. ഠാണാ മുതല്‍ പുല്ലൂര്‍ ആശുപത്രിവരെ ചൊവാഴ്ച  കുഴിക്കള്‍ അറ്റകുറ്റപണികള്‍ നടത്തി അടച്ചു .


Comments

Comments are closed.

Top
Menu Title