News

ഡിജിറ്റല്‍ യുഗത്തില്‍ ഹാന്‍ഡ് മെയ്ഡ് ആശംസാകാര്‍ഡുകള്‍ക്കു പുതുജീവന്‍

ഇരിങ്ങാലക്കുട : ഡിജിറ്റല്‍ യുഗത്തില്‍ പലരും മറന്നു പോയ ഹാന്‍ഡ്മെയ്ഡ് ആശംസാകാര്‍ഡുകള്‍ വിദ്യാര്‍ത്ഥികളുടെ കൂട്ടായ്മയില്‍ തിരിച്ചുവരുന്നു. ഇരിങ്ങാലക്കുട എയ്‌സ്‌ മള്‍ട്ടീമീഡിയ കോളേജിലെ വിദ്യാര്‍ഥികള്‍ പേപ്പറില്‍ തങ്ങളുടെ കരവിരുത് പ്രകടമാക്കിയപ്പോള്‍ പിറന്നത് വ്യത്യസ്തമായ പുതുവത്സരകാര്‍ഡുകളാണ്. വിവിധ വലുപ്പത്തിലും തരത്തിലും ഉള്ള കാര്‍ഡുകള്‍ കോളേജില്‍ പ്രദര്‍ശനത്തിനുണ്ടായിരുന്നു . പുതുവത്സരത്തിനു തങ്ങളുടെ സുഹൃത്തുക്കള്‍ക്ക് ഇവരില്‍ പലരും ഇത്തവണ ഹാന്‍ഡ് മെയ്ഡ് കാര്‍ഡുകളാണ് നല്‍കിയത്. ഓണ്‍ലൈനിലും കടകളിലും ലഭിക്കുന്ന കാര്‍ഡിനേക്കാള്‍ സ്നേഹസ്പര്‍ശം ഇത്തരം ഹാന്‍ഡ് മെയ്ഡ് കാര്‍ഡുകള്‍ക്കുണ്ടെന്ന് കാര്‍ഡുകള്‍ ലഭിച്ചവര്‍ പറയുന്നു.


Comments

Top
Menu Title