News

എസ്.ബി.ഐ യിലേക്ക് പ്രതിഷേധമാര്‍ച്ചും ധര്‍ണ്ണയും നടത്തി

ഇരിങ്ങാലക്കുട : ഉപഭോക്താളുടെ മേല്‍ ബാങ്കിംഗ് സേവനകള്‍ക്കു സര്‍വീസ് ചാര്‍ജും, ബാങ്കിംഗ് സേവനമുപയോഗിക്കാതിരുന്നാല്‍ പിഴയും ഏര്‍പ്പെടുത്തിയ സ്റ്റേറ്റ് ബാങ്ക് ഓഫ് ഇന്ത്യയുടെ ജനദ്രോഹ നടപടിയില്‍ പ്രതിഷേ ധിച്ച് ജോയിന്റ് കൗണ്‍സില്‍ ഇരിങ്ങാലക്കുട മേഖലാകമ്മറ്റിയുടെ നേതൃത്വത്തില്‍ എസ്.ബി.ഐ മെയിന്‍ ബ്രാഞ്ചിലേക്ക് പ്രതിഷേധ പ്രകടനവും ബാങ്കിനുമുമ്പില്‍ ധര്‍ണ്ണയും നടത്തി. കഴിഞ്ഞ മൂന്ന് ദിവസങ്ങളിലായി സംസ്ഥാനമൊട്ടുക്കും ജോയിന്റ് കൗണ്‍സിലിന്റെ നേതൃത്വത്തില്‍ സ്‌റ്റേറ്റ് ബാങ്കു കളിലേക്ക് മേഖലാ അടിസ്ഥാനത്തില്‍ പ്രതിഷേധസമരങ്ങള്‍ നടന്നുവരുന്നുണ്ട്. ഇരിങ്ങാലക്കുട ആല്‍ത്തറ പരിസരത്തുനിന്നാരംഭിച്ച മാര്‍ച്ചില്‍ വനിതകളുൾപ്പടെ നിരവധി സര്‍ക്കാര്‍ജീവനക്കാര്‍ പങ്കെടുത്തു. ബാങ്കിനുമുമ്പില്‍ നടന്ന ധര്‍ണ്ണ സംസ്ഥാനസെക്രട്ടേറിയറ്റ് അംഗം കെ.എ.ശിവന്‍ ഉദ്ഘാടനം ചെയ്തു. മേഖലാ സെക്രട്ടറി എ.എം.നൗഷാദ് അദ്ധ്യക്ഷത വഹിച്ചു. എം.കെ.ഉണ്ണി,കെ.ജെ.ക്ലീറ്റസ്, വി.എന്‍.സുനില്‍, പി.കെ.ഉണ്ണികൃഷ്ണന്‍, സി.കെ.സുഷമ, ഇ.ജി.റാണി തുടങ്ങിയവര്‍ സംസാരിച്ചു.


Comments

Top
Close
Menu Title