News

വീടുകളില്‍ മാലിന്യം എടുക്കാന്‍ വൈകുന്നതായി പരാതി

ഇരിങ്ങാലക്കുട: നഗരത്തിലെ വീടുകളില്‍ നിന്നും മാലിന്യം സംഭരിക്കുന്നത് ആഴ്ചയില്‍ ഒരുദിവസമാക്കിയത് ബുദ്ധിമുട്ടുണ്ടാക്കുന്നതായി പരാതി. നഗരത്തിലെ ചന്തപ്പുര, എം.എല്‍.എ റോഡ് ഭാഗങ്ങളിലെ വീടുകളില്‍ നിന്നാണ് മാലിന്യം സംഭരിക്കാന്‍ വൈകുന്നത്. കുടുംബശ്രി പ്രവര്‍ത്തകരാണ് വീടുകളില്‍ നിന്നും മാലിന്യം സംഭരിച്ചിരുന്നത്. നേരത്തെ ചൊവ്വ, ശനി എന്നിങ്ങനെ ആഴ്ചയില്‍ രണ്ട് ദിവസങ്ങളില്‍ വീടുകളില്‍ നിന്നും മാലിന്യം കൊണ്ടുപോയിരുന്നതായി പ്രദേശവാസികള്‍ പറഞ്ഞു. എന്നാല്‍ ഇപ്പോള്‍ ശനിയാഴ്ചകളില്‍ മാത്രമാണ് ഇവര്‍ എത്തുന്നത്. ഇതുമൂലം ദിവസേനെയുണ്ടാകുന്ന ഭക്ഷണ മാലിന്യം അടക്കമുള്ളവ വീട്ടില്‍ സംഭരിച്ച് വയ്‌ക്കേണ്ട അവസ്ഥയിലാണ്. ഇത്തരത്തില്‍ ഒരാഴ്ചയോളം മാലിന്യങ്ങള്‍ വീടുകളില്‍ സൂക്ഷിക്കേണ്ടിവരുന്നത് ബുദ്ധിമുട്ടും ആരോഗ്യപ്രശ്‌നങ്ങള്‍ ഉണ്ടാക്കുന്നുണ്ടെന്നും ആളുകള്‍ പറഞ്ഞു. മാലിന്യം എടുക്കാന്‍ വൈകുന്നത് റോഡരുകുകളില്‍ മാലിന്യം കുമിഞ്ഞുകൂടാന്‍ ഇടയാക്കും. അതിനാല്‍ നേരത്തെ സംഭരിച്ചിരുന്നതുപോലെ ആഴ്ചയില്‍ രണ്ട് ദിവസം മാലിന്യം സംഭരിച്ചിരുന്ന രീതി പുനസ്ഥാപിക്കണമെന്നും ജനങ്ങള്‍ ആവശ്യപ്പെട്ടു.


Comments

Top
Menu Title