News

ശ്രീ കൂടല്‍മാണിക്യം ഉത്സവം ദീപകാഴ്ച്ച 2017 ഓഫീസ് തുറന്നു

ഇരിങ്ങാലക്കുട : ശ്രീ കൂടല്‍മാണിക്യം ക്ഷേത്രോത്സവത്തോടനുബന്ധിച്ച്  ഠാണാ മുതല്‍ ക്ഷേത്രം വരെ വീഥികള്‍ ആധുനികരീതിയിലുള്ള പിക്‌സല്‍ എല്‍ഇഡി ദീപങ്ങളെ കൊണ്ട് അലങ്കരിച്ച് ദീപകാഴ്ചയൊരുക്കുന്നു. ദീപകാഴ്ച 2017 എന്ന പേരിലാണ് പരിപാടി നടക്കുന്നത്.  കൂടാതെ ദീപാലങ്കാരത്തോടെയുള്ള ബഹുനില പന്തല്‍, കടകളും കെട്ടിടങ്ങളും അലങ്കരിക്കല്‍ തുടങ്ങിയവയും ഇത്തവണത്തെ പ്രത്യേകതയാണ്. ദീപകാഴ്ച 2017ന്റെ ഓഫീസ് ഉദ്ഘാടനം മുന്‍സിപ്പല്‍ ചെയര്‍പേഴ്‌സണ്‍ നിമ്യാ ഷിജു നിര്‍വഹിച്ചു. ആല്‍ത്തറയ്ക്ക് സമീപം അമ്പിളി ജ്വല്ലറിക്കു മുകളിലാണ്  ഓഫീസ് പ്രവര്‍ത്തിക്കുന്നത്. യോഗത്തില്‍ സ്വാഗതസംഘം ചെയര്‍മാന്‍ റോളി ചന്ദ്രന്‍ അദ്ധ്യക്ഷത വഹിച്ചു. ശ്രീകൂടല്‍മാണിക്യം ദേവസ്വം ചെയര്‍മാന്‍ പനമ്പിള്ളി രാഘവമേനോന്‍, സംഘാടകസമിതി ചീഫ് കോഡിനേറ്റര്‍ കൃപേഷ് ചെമ്മണ്ട, സ്വാഗതസംഘം ജനറല്‍ കണ്‍വീനര്‍ സന്തോഷ് ചെറാക്കുളം, ഡോ.ഇ.പി. ജനാര്‍ദ്ദനന്‍, കൃഷ്ണകുമാര്‍ വല്ലൂപറമ്പില്‍, കല്ലിങ്ങപ്പുറം ചന്ദ്രന്‍, എം.കെ.സുബ്രഹ്മണ്യന്‍, കൗണ്‍സിലര്‍ മാരായ സോണിയ ഗിരി, അമ്പിളിജയന്‍, സന്തോഷ് ബോബന്‍, സരസ്വതി ദിവാകരന്‍ തുടങ്ങിയവര്‍ സംസാരിച്ചു. ഇരിങ്ങാലക്കുടയിലെ പൗരപ്രമുഖരും ബിസിനസ്, പ്രവാസി പ്രമുഖരും, പൊതുജനങ്ങളും ഒത്തുചേര്‍ന്നാണ് പരിപാടി സംഘടിപ്പിക്കുന്നത്.


Comments

Top
Menu Title