News

മലയാള സിനിമയുടെ സുവര്‍ണ്ണ പുരുഷന് ഇരിങ്ങാലക്കുടയുടെ സ്നേഹോപഹാരം


ഇരിങ്ങാലക്കുട : മോഹന്‍ലാലിന്‍റെ ജന്മദിനം വ്യത്യസ്തമായി ആഘോഷിക്കുവാനുള്ള തീരുമാനത്തിന്റെ ഭാഗമായി  ഇരിങ്ങാലക്കുട  മോഹന്‍ലാല്‍ ഫാന്‍സ്‌ അസോസിയേഷന്‍  ജെ എല്‍ ഫിലിംസിന്റെ ബാനറില്‍ സുനില്‍ ശക്തിധരന്‍ പൂവ്വേലി രചനയും സംവിധാനവും നിര്‍വ്വഹിക്കുന്ന ‘സുവര്‍ണ്ണ പുരുഷന്‍ ‘ എന്ന സിനിമയുടെ ടൈറ്റില്‍ അവതരണവും മോഹന്‍ലാലിന്‍റെ ജന്മദിനാഘോഷവും കൂടെ സംയുക്തമായി ആഘോഷിക്കുവാന്‍ തീരുമാനിച്ചതായി പത്രസമ്മേളനത്തില്‍ ഭാരവാഹികള്‍  അറിയിച്ചു. മെയ് 21 ന് രാവിലെ 9 മണിക്ക് സിന്ധു തീയറ്ററില്‍ ഇന്ത്യയാകെ ചര്‍ച്ച ചെയ്ത നരസിംഹം സിനിമയുടെ റീറിലീസും ഇരിങ്ങാലക്കുടയിലെ എല്ലാ ആരാധകരെയും പങ്കെടുപ്പിച്ചുകൊണ്ട് ഈ സിനിമയുടെ പ്രദര്‍ശനത്തോടനുബന്ധിച്ചു ആണ് സുവര്‍ണപുരുഷന്‍ എന്ന സിനിമയുടെ ഒഫീഷ്യല്‍ ടൈറ്റില്‍ ലോഞ്ചിങ് നടത്തുന്നത് എന്ന് കൃഷ്ണപ്രസാദ് , ഡാനിയല്‍ ഡേവിസ് , അഡ്വ. ഫിജോ ജോസഫ് , ഗോകുല്‍ ദാസ് , രാഹുല്‍ എ ആര്‍, സുമോദ് മോഹന്‍ദാസ് എന്നിവര്‍ അറിയിച്ചു.
ഒരു മോഹന്‍ലാല്‍ ചിത്രത്തിന്റെ റിലീസിന്റെ അന്നും തലേന്നും നടക്കുന്ന ചില സംഭവങ്ങളെ ആസ്പദമാക്കിയുള്ളതാണ് സിനിമയുടെ ഇതിവൃത്തം.സിനിമയുടെ സാങ്കേതിക പ്രവര്‍ത്തകരും അഭിനേതാക്കളും ഇരിങ്ങാലക്കുടയില്‍ നിന്നുള്ളവരാണ് എന്നതാണ് മറ്റൊരു പ്രത്യേകത .

Comments

Top
Menu Title