News

ഇരിങ്ങാലക്കുടയിലെ ജോസ്ലിന് റ്റാക്ക്വോണ്ടോയില്‍ ഗിന്നസ്‌ റെക്കോഡ്


ഇരിങ്ങാലക്കുട : മാര്‍ഷ്യല്‍ ആര്‍ട്‌സ് വിഭാഗത്തില്‍ ഇരിങ്ങാലക്കുടയിലേയ്ക്ക് ഗിന്നസ് റെക്കോഡ്. ക്രൈസ്റ്റ് കോളേജിനടുത്ത് താമസിക്കുന്ന കുട്ടിക്കാട്ട് നെയ്യന്‍ ജോയ് വര്‍ഗീസിന്റെയും സെലിന്റെയും മകള്‍ ജോസ്ലിനാണ് മാര്‍ഷ്യല്‍ ആര്‍ട്‌സ് വിഭാഗത്തിലുള്ള റ്റാക്ക്വോണ്ടോയില്‍ ഗിന്നസ് വേള്‍ഡ് റെക്കോഡ് കിട്ടിയിരിക്കുന്നത്. ജെ.ആര്‍. ഇന്റര്‍നാഷണല്‍ റ്റാക്ക്വോണ്ടോ അക്കാദമിയുടെ നേതൃത്വത്തില്‍ ഗിന്നസ് വേള്‍ഡ് റെക്കോഡിനുവേണ്ടി ഇന്ത്യയിലെ ആറു പ്രധാന വേദികളിലായി നടത്തിയ മത്സരത്തില്‍ 1016 പേര്‍ പങ്കെടുത്തിരുന്നു. ഇതില്‍ മധുരയില്‍നിന്ന് മത്സരിച്ച ജോസ്ലിന്‍ നെയ്യന്‍ ലോകചാമ്പ്യനായി തിരഞ്ഞെടുക്കപ്പെടുകയായിരുന്നു. ബി.ടെക് ബിരുദത്തിന് ശേഷം ചെന്നൈയില്‍ ഒരു അമേരിക്കന്‍ കമ്പനിയില്‍ ഉണ്ടായിരുന്ന ജോലി രാജിവെച്ചിട്ടാണ് ഗിന്നസ് പുരസ്‌കാരത്തിന് വേണ്ടിയുള്ള പരിശ്രമം ജോസ്ലിന്‍ പൂര്‍ത്തീകരിച്ചത്. മുന്‍പ് രണ്ട് തവണ തമിഴ്‌നാടിനെ പ്രതിനിധാനംചെയ്ത് മത്സരിച്ച് ജോസ്ലിന്‍ ഗോള്‍ഡ് മെഡല്‍ നേടിയിട്ടുണ്ട്.

Comments

Top
Menu Title