News

പൊള്ളും വിലയെങ്കിലും ഓണവിപണിയില്‍ ചിപ്സിന്റെ ആധിപത്യം


ഇരിങ്ങാലക്കുട : ഇത്തവണ ഓണത്തിന് വറക്കുന്ന വെളിച്ചെണ്ണയെക്കാളും ചൂടാണ് കായ വറുത്തതിന്റെ വില. എന്നാലും ഓണമല്ലേ, ഒഴിവാക്കാന്‍ പറ്റാത്ത വിഭവമായതിനാല്‍ വാങ്ങിയല്ലേ പറ്റൂ. 360 രൂപ മുതല്‍ 380 രൂപ വരെയാണ് ഓണത്തലേന്ന് കായ വറുത്തത്തിന്റെയും ശര്‍ക്കര വരട്ടിയുടെയും വില. പഴം ചിപ്സിനാകട്ടെ 400 രൂപയും. നാല് നുറുക്കിനും 400 രൂപയാണ് വില. ചിപ്സിനു പേരു കേട്ട പാലക്കാട് ആലത്തൂരില്‍ നിന്ന് വിദഗ്ധരെ വരുത്തിയാണ് ഇരിങ്ങാലക്കുടയില്‍ ബേക്കറികള്‍ ‘ലൈവ് ചിപ്സ്’ വിപണി സജീവമാക്കുന്നത്. വെളിച്ചെണ്ണയുടെ നാടായതു കൊണ്ടാകാം ഒന്നാംതരം എണ്ണയിലാണ് ചിപ്‌സെല്ലാം വറുത്തെടുക്കുന്നത്. മാത്രമല്ല പഴകിയ എണ്ണ ഉപയോഗിക്കുന്നുമില്ല. നഗരസഭാ ആരോഗ്യവിഭാഗത്തിന്റെ കൃത്യമായ നിരീക്ഷണവും ഇക്കാര്യത്തിലുണ്ട്. വില കൂടിയാലും ഗുണനിലവാരമുള്ള ചിപ്സ് കിട്ടുമെന്ന ആശ്വാസത്തില്‍ ഓണം ആഘോഷിക്കാന്‍ ചിപ്സ് പാക്കെറ്റുകള്‍ വാങ്ങുവാനുള്ള തിരക്കിലാണ് എല്ലാവരും…

Comments

Top
Menu Title