News

കനത്ത കാറ്റില്‍ തെങ്ങ് വീണു

14061807ഇരിങ്ങാലക്കുട: ബുധനാഴ്ച നാലരയോടുകൂടി ഇരിങ്ങാലക്കുടയില്‍ മഴയുടെ അകമ്പടിയോടുകൂടി വീശിയടിച്ച കനത്ത കാറ്റില്‍  ഠാണാവ് മറീന ആശുപത്രിക്ക് സമീപം റയില്‍വേ സ്റ്റേഷൻ റോഡിനു   എതിർവശത്തുള്ള മതിലിലേക്ക് തെങ്ങ് ഒടിഞ്ഞു വീണു. നാശനഷ്ടങ്ങള്‍ ഒന്നും ഉണ്ടായിട്ടില്ല.

വല്ലക്കുന്നില്‍ വീണ്ടും അപകടം

14061806വല്ലക്കുന്ന് : വല്ലക്കുന്നില്‍ പാരടിച്ചിറ ഇറക്കത്തില്‍ നിയന്ത്രണം വിട്ട  ടിപ്പര്‍ ലോറി  മതിലും  പോസ്റ്റും തകര്‍ത്തു.ബുധനാഴ്ച രാവിലെ ആറരക്കായിരുന്നു അപകടം .വല്ലക്കുന്ന് ഇറക്കത്തുള്ള സര്‍വ്വീസ് സ്റ്റേഷന് മുമ്പില്‍ അമിത വേഗതയില്‍ വന്ന ലോറി നിയന്ത്രണം വിടുകയായിരുന്നു. അപകടത്തില്‍ ആര്‍ക്കും പരിക്കില്ല . അപകട മേഖലയായ വല്ലക്കുന്നില്‍ കഴിഞ്ഞ രണ്ടു മാസത്തിനുള്ളിൽ നടക്കുന്ന മൂന്നാമത്തെ അപകടമാണിത്.

കരുപ്പടന്ന ഗവ .ഹൈസ്കൂളില്‍ സമ്പൂര്‍ണ്ണ അദാലത്ത് നടന്നു

14061803കരുപ്പടന്ന : ജില്ലയിലെ പ്രശ്നപരിഹാര നിര്‍വ്വഹണം കരുപ്പടന്ന ഗവ .ഹൈസ്കൂളില്‍ നടന്നു. കൊടുങ്ങല്ലൂര്‍ വിദ്യാഭ്യാസ ഉപജില്ല ഒഫീസര്‍  ഗീതാലക്ഷ്മി ചടങ്ങ് ഉദ്ഘാടനം ചെയ്തു. എച്ച് എം ഇന്‍ചാര്‍ജ് ദിവാകരന്‍ എം വി അദ്ധ്യക്ഷത വഹിച്ചു.എഴുപതോളം സ്കൂളുകളില്‍ നിന്ന് എത്തിയ അദ്ധ്യാപകരുടെ സഹായത്താല്‍ അവരവരുടെ സ്കൂളിലെ കുട്ടികളുടെ വിവരങ്ങള്‍ സമ്പൂര്‍ണ്ണ സോഫ്റ്റ്‌വെയര്‍ വഴി  ഓണ്‍ലൈന്‍ ചെയ്ത വിവരങ്ങളിലെ  പ്രശ്നങ്ങളും പരിഹാരങ്ങളും ഐ ടി സ്കൂള്‍ മാസ്റ്റര്‍  ട്രെയിനര്‍മാരുടെ  സഹായത്താൽ പരിഹരിച്ചു. അനില്‍ കുമാര്‍ ,ശശിധരന്‍ ,രാധാകൃഷ്ണന്‍, വാസുദേവന്‍ , രാജീവ്,രവി കുമാര്‍ ,ജോബ്സണ്‍,അബ്രഹാം ,അഷറഫ് എന്നിവര്‍ നേതൃത്വം നല്കി.

വായനാദിനം ആചരിക്കുന്നു

13061802എടക്കുളം : എസ് എന്‍  ജി എസ് എസ് എടക്കുളം സ്കൂളില്‍  വായനാദിനം ആചരിക്കുന്നു.ജൂണ്‍ 19 മുതല്‍ 25 വരെ ആചരിക്കുന്ന വായനാവാരത്തിന്റെ ഉദ്ഘാടനം സംസ്ഥാന അദ്ധ്യാപക അവാര്‍ഡ് ജേതാവ് കെ മായ ടീച്ചര്‍ നിര്‍വഹിക്കും  .സ്കൂളില്‍ നടക്കുന്ന ചടങ്ങിന്  പി കെ സുജിത്ത് അദ്ധ്യക്ഷത വഹിക്കും.പി ടി എ കമ്മിറ്റി ഭാരവാഹികളും പൂര്‍വ്വ
വിദ്യാര്‍ത്ഥി സംഘടനാ പ്രതിനിധികളും ചടങ്ങില്‍ പങ്കെടുക്കും.

48 മണിക്കൂര്‍ ചക്രസ്തംഭന സമരം: പ്രചാരണ വാഹനജാഥയ്ക്ക് സ്വീകരണം

14061805ഇരിങ്ങാലക്കുട: മോട്ടോര്‍ വാഹന തൊഴിലാളി സംയുക്ത സമര സമിതിയുടെ നേതൃത്വത്തില്‍  ജൂലൈ 1,2 തിയ്യതികളില്‍ സംഘടിപ്പിക്കുന്ന 48 മണിക്കൂര്‍  ചക്രസ്തംഭന സമരത്തിന്റെ പ്രചരണാര്‍ത്ഥം ഇരിങ്ങാലക്കുടയിലെത്തിയ ജില്ല സമര പ്രചരണ വാഹനജാഥയ്ക്ക് ബസ്‌ സ്റാന്‍ന്റ്  പരിസരത്ത് സ്വീകരണം നല്കി. അന്യായമായ മോട്ടോര്‍ വാഹന നികുതി പിന്‍വലിക്കുക, ക്ഷേമനിധിയിലെ അപാകതകള്‍ പരിഹരിക്കുക , പെട്രോളിയം ഉത്പന്നങ്ങളുടെ വില നിയന്ത്രിക്കാന്‍ സര്‍ക്കാര്‍ ഇടപെടുക തുടങ്ങിയ ആവശ്യങ്ങള്‍ ഉന്നയിച്ചാണ് പണിമുടക്ക്‌. ഇതിന് മുന്നോടിയായി  ജൂണ്‍ 24 ന് ആര്‍ ടി ഓ ഓഫീസ് മാര്‍ച്ച് സംഘടിപ്പിക്കുന്നുണ്ട് ,കൂടാതെ ഉച്ചവരെ സര്‍വ്വീസ് നിര്‍ത്തിവച്ച് എല്ലാ മോട്ടോര്‍ വാഹന തൊഴിലാളികളും പണിമുടക്കില്‍ പങ്കെടുക്കും.ജാത ക്യാപ്റ്റന്‍ ഹരിദാസ് ,സി ഐ ടി യു ,ഐ എന്‍ ടി യു സി ,ബി എം എസ് ,എ ഐ ടി യു സി  നേതാക്കള്‍ ചേര്‍ന്നാണ് ജാഥയ്ക്ക്  സ്വീകരണം നല്കിയത്.

വിലകൂടിയ പ്രാവുകളെ മോഷ്ടിക്കുന്ന യുവാവ് അറസ്റ്റില്‍

14061804ഇരിങ്ങാലക്കുട: വിവിധ ഇടങ്ങളില്‍ നിന്നായി ലക്ഷങ്ങള്‍ വിലവരുന്ന ആഡംബരപ്രാവുകളെ മോഷ്ടിച്ച യുവാവിനെ ഇരിങ്ങാലക്കുട പോലീസ് അറസ്റ്റ് ചെയ്തു. എസ് എന്‍ പുരം കണിയത്ത് വീട്ടില്‍ ജോസഫ് ഗ്രിഗറി (28)നെയാണ്
ഇരിങ്ങാലക്കുട എസ് ഐ. പി ആര്‍ ജിജോയുടെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. പൗട്ടര്‍ ,ഹിപ്പി, ജാക്ക് ഹോര്‍മിന്‍ തുടങ്ങിയ വിലകൂടിയ പ്രാവുകളെയാണ് ഇയാള്‍ മോഷ്ടിച്ചത്. പട്ടേപ്പാടം അന്‍വറിന്റെ വീട്ടില്‍നിന്ന് 4 പ്രാവ് ,പുത്തൻചിറ പറക്കാപ്പിള്ളി സലിം,മങ്കിടി മന്‍സൂര്‍ ,കണ്ണിക്കുളങ്ങര മുബീന ,എന്നിവരുടെ വീട്ടില്‍ നിന്നും രണ്ടു പ്രാവുകളെ വീതനാണ് ഇയാള്‍ മോഷ്ടിച്ചത്. പ്രാവുകളെ വളര്‍ത്തുന്നതില്‍ കമ്പമുള്ള ഗ്രിഗറി തന്റെ 2 പ്രാവുകള്‍ ചത്തു പോയപ്പോള്‍ അതിനു പകരം വളര്ത്താനാണ് പ്രാവ് മോഷണം ആരംഭിച്ചത്.

കരുവന്നൂര്‍ സര്‍വ്വീസ് സഹകരണ ബാങ്ക് ഞാറ്റുവേല ചന്ത സംഘടിപ്പിക്കുന്നു

14061802കരുവന്നൂര്‍: തിരുവാതിര ഞാറ്റുവേല കാര്‍ഷിക സമൃദ്ധമാക്കാന്‍ കരുവന്നൂര്‍  സര്‍വ്വീസ് സഹകരണ ബാങ്ക് ഞാറ്റുവേല ചന്ത സംഘടിപ്പിക്കുന്നു. കരുവന്നൂര്‍ ഹെഡ് ഓഫീസ് പരിസരത്ത് സംഘടിപ്പിക്കുന്ന പരിപാടി പുതുക്കാട് എം എല്‍ എ പ്രൊഫ. സി രവീന്ദ്രനാഥ് ഉദ്ഘാടനം ചെയ്യും.ഇരിങ്ങാലക്കുട ബ്ലോക്ക്‌ പഞ്ചായത്ത് പ്രസിഡണ്ട്  ടി ജി ശങ്കരനാരായണന്‍ അദ്ധ്യക്ഷത വഹിക്കും. ഉദ്ഘാടന ചടങ്ങില്‍ പങ്കെടുക്കുന്ന കര്‍ഷകര്‍ക്ക്  സൗജന്യ പച്ചക്കറി തൈകളുടെ വിതരണം ഇരിങ്ങാലക്കുട കൃഷി അസിസ്റ്റന്റ് ഡയറക്ടര്‍ എന്‍ സി കൃഷ്ണകുമാറും തിരഞ്ഞെടുത്ത കര്‍ഷകര്‍ക്കുള്ള സൗജന്യ വലം വിതരണം നഗരസഭാ വൈസ് ചെയര്‍മാന്‍ ആന്റോ പെരുമ്പിള്ളിയും നിര്‍വഹിക്കും. “മീറ്റ്‌ പ്രൊഡക്ട്സ് ഓഫ് ഇന്ത്യ” – മാസോത്പ്പന്നങ്ങളുടെ സ്റ്റാള്‍ ബാങ്ക് മുന്‍  പ്രസിഡണ്ട് സി കെ ചന്ദ്രന്‍ ഉദ്ഘാടനം ചെയ്യും. പുഷ്പ-ഫലസസ്യങ്ങള്‍ ,ഔഷധ സസ്യങ്ങള്‍ , മുട്ടകോഴികള്‍ ശാസ്ത്രീയമായി നിര്‍മ്മിച്ച കോഴിക്കൂട് ,കാര്‍ഷിക  ഉപകരണങ്ങള്‍ എന്നിവയുടെ പ്രദര്‍ശനവും വില്പനയും ഞാറ്റുവേല ചന്തയിലുണ്ടാകും. ജൂണ്‍ 21 ശനിയാഴ്ച 3 മണിക്ക് നടക്കുന്ന ഉദ്ഘാടന ചടങ്ങില്‍ കൌണ്‍സിലര്‍ വി കെ സരള,മുന്‍  പ്രസിഡണ്ട്മാരായ എം വി ജസ്റിന്‍ ,എ സി ഷണ്‍മുഖന്‍ മാസ്റ്റര്‍ ,   മുന്‍  പ്രസിഡണ്ട്എം ബി രാജു മാസ്റ്റര്‍ തുടങ്ങിയവര്‍ ചടങ്ങില്‍ പങ്കെടുത്ത് സംസാരിക്കും. പൊറത്തിശ്ശേരി കൃഷി ഒഫീസർ എം മുരളിധരമേനോന്‍ നയിക്കുന്ന ശാസ്ത്രിയ കൃഷി രീതികളെ കുറിച്ചും  വിള  സംരക്ഷണത്തെ കുറിച്ചുമുള്ള ഡോക്യുമെന്ററി    പ്രദര്‍ശനവും അവതരണവും  ഉദ്ഘാടന ചടങ്ങിനോടനുബന്ധിച്ച്  സംഘടിപ്പിച്ചിട്ടുണ്ട്.

കേരള വ്യാപാരി വ്യവസായി ഏകോപന സമിതി വാര്‍ഷിക സമ്മേളനം ആഘോഷിച്ചു

14061801വെള്ളാങ്കല്ലുര്‍:കേരള വ്യാപാരി വ്യവസായി ഏകോപന സമിതി സ്ഥാപക നേതാക്കളായ  സി  എം  ജോര്‍ജിന്റെയും  എം വി ജോണിന്റെയും ഓര്‍മ ദിനത്തില്‍ കാരുണ്യ സ്മൃതി എന്ന പേരില്‍  ജില്ലയില്‍ മൂന്നു കോടി രൂപയുടെ  ജീവകാരുണ്യ സേവന പ്രവര്‍ത്തനങ്ങള്‍ നടത്തുമെന്ന് ജില്ല പ്രസിഡണ്ട്  കെ വി അബ്ദുൽ ഹമീദ് പറഞ്ഞു. കേരള വ്യാപാരി വ്യവസായി ഏകോപന സമിതി വെള്ളാങ്കല്ലുര്‍ യൂണിറ്റിന്റെ വാര്‍ഷിക സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.  യൂനിറ്റ് പ്രസിഡണ്ട് വി വി സോമന്‍ അദ്ധ്യക്ഷത വഹിച്ചു. ജില്ല ജനറല്‍ സെക്രട്ടറി വിനോദ് കുമാര്‍ എന്‍ന്റോമെന്റ്  വിതരണവും  ,നിയോജകമണ്ഡലം  കണ്‍ വീനര്‍ കെ ഐ നജാഹ്  സര്‍ട്ടിഫിക്കറ്റ് വിതരണം നടത്തി.  ജോസ് മാളിയേക്കല്‍ ,കെ ജെ ജോണ്‍ , പി പി ജോസ് തുടങ്ങിയവര്‍ സംസാരിച്ചു. പുതിയ ഭാരവാഹികളായി  വി വി സോമന്‍ (പ്രസിഡണ്ട്) , എം കെ സണ്ണി (സെക്രട്ടറി)ജോര്‍ജ്ജ് പാറയില്‍ (ട്രഷറര്‍)  , ജോന്സണ്‍  ജോസഫ്  (ജോയിന്റ്  സെക്രട്ടറി) എന്നിവരെ തിരഞ്ഞെടുത്തു.

നഗരസഭ ഓഫീസ് സോളാര്‍വത്കരണം: തണല്‍ മരങ്ങള്‍ വെട്ടി മാറ്റാന്‍ ഒരുങ്ങുന്നു

14061720ഇരിങ്ങാലക്കുട: കേരളത്തിലെ പ്രഥമ സമ്പൂര്‍ണ്ണ സോളാര്‍ നഗരസഭ ഓഫീസ് എന്ന ഖ്യാതി പിടിച്ചുപറ്റാന്‍ ഇരിങ്ങാലക്കുട നഗരസഭ ഓഫിസിന് മുന്നിൽ ബാക്കി നില്ക്കുന്ന തണല്‍ മരങ്ങള്‍ കൂടെ വെട്ടി മാറ്റാന്‍ നഗരസഭ ഒരുങ്ങുന്നു. സോളാര്‍ പാനല്‍  കെട്ടിടത്തിന്  മുകളിൽ സ്ഥാപിക്കാന്‍   തണല്‍ മരങ്ങള്‍  വെട്ടി മാറ്റിയാല്‍ മാത്രമേ സാധിക്കുകയുള്ളൂവെന്ന്  നഗരസഭ ചെയര്‍പേഴ്സണ്‍ ചൊവ്വാഴ്ച ചേർന്ന കൌണ്‍സിൽ യോഗത്തിൽ പറഞ്ഞു. ആഴ്ചകള്‍ക്ക്ന് മുമ്പ് പ്രകൃതി സംരക്ഷണ പ്രതിജ്ഞ എടുത്ത ഭരണ-പ്രതിപക്ഷ കൌണ്‍സിലര്‍മാര്‍  ആരും തന്നെ മരങ്ങള്‍ വെട്ടുന്നതിന് കൌണ്‍സിലില്‍ എതിര്‍ അഭിപ്രായം പറഞ്ഞില്ല എന്നതും ശ്രദ്ധേയമായി. തന്റെ ഭരണകാലത്ത്  സോളാര്‍ സ്ഥാപിക്കുന്നതിനായി കെട്ടിടത്തിന് മുകളില്‍ കയറ്റിയ ബാറ്ററികള്‍ എല്ലാം പദ്ധതികള്‍ വൈകിപ്പിക്കുന്നതിനായി നഗരസഭയിലെ കൌണ്‍സിലര്‍മാരുടെ ഒത്താശയോടെ ചിലര്‍ വീണ്ടും താഴെ ഇറക്കിയതായി  ബെന്‍സി ഡേവിഡ്‌   കൌണ്‍സിലിൽ പരാതി പറഞ്ഞു. സോളാറിന് വേണ്ടി തണൽ മരങ്ങളുടെ കീഴെ കോടാലി വീഴുമെന്നു ഏകദേശം ധാരണയായിട്ടുണ്ട്.

ഇരിങ്ങാലക്കുടയില്‍ ആര്‍ ഡി ഓ ഓഫീസ് ആരംഭിക്കണം: അഡ്വ തോമസ്‌ ഉണ്ണിയാടന്‍ എം എല്‍ എ

13092005ഇരിങ്ങാലക്കുട: ആര്‍ ഡി ഓ ഓഫീസ്  ഇരിങ്ങാലക്കുടയില്‍
ആരംഭിക്കണമെന്ന് അഡ്വ തോമസ്‌ ഉണ്ണിയാടന്‍ എം എല്‍ എ നിയമസഭയില്‍
സബ്മിഷന്‍ അവതരിപ്പിച്ചു. ജനസംഖ്യയിലും ഭൂവിസ്തൃതിയിലും മുമ്പില്‍ നില്ക്കുന്ന ജില്ലകളില്‍  ഒന്നായ തൃശൂര്‍  ജില്ലയെ അപേക്ഷിച്ച് ജനസംഖ്യയിലും ഭൂവിസ്തൃതിയിലും കുറവായ പല ജില്ലകളിലും ഒന്നിലധികം റവന്യു ഡിവിഷനുകള്‍ പ്രവര്‍ത്തിക്കുന്ന കാര്യം  എം എല്‍ എ സബ്മിഷനില്‍ ചൂണ്ടിക്കാട്ടി. സംസ്ഥാനത്ത് പുതിയ റവന്യു ഡിവിഷനുകളുടെ രൂപികരണം വളരെ അനിവാര്യമാണെന്ന് സംസ്ഥാന റവന്യു മന്ത്രി അടൂര്‍ പ്രകാശ്    ഉണ്ണിയാടന്റെ സബ്മിഷന് മറുപടിയായി നിയമസഭയെ അറിയിച്ചു.

യൂറോപ്പിന്റെ നാടകവേദിയില്‍ മിഴാവിന്റെ നാദം അവതരിപ്പിക്കാന്‍ സംഘം പുറപ്പെട്ടു

14061723ഇരിങ്ങാലക്കുട: കൂത്തിന്റെയും കൂടിയാട്ടത്തിന്റെയും പശ്ചാത്തലവാദ്യമായ മിഴാവിന്റെ നാദം യൂറോപ്പിന്റെ നാടകവേദിയില്‍ മുഴങ്ങുന്നു. പ്രശസ്ത നാടകസംവിധായകന്‍ റോയസ്റ്റന്‍ ആബേന്‍ ഒരുക്കിയ ‘ദി കിച്ചണ്‍’ എന്ന നാടകത്തിന്റെ ഭാഗമായാണ് ചരിത്രത്തിലാദ്യമായി ഇരിങ്ങാലക്കുട അമ്മന്നൂര്‍ ഗുരുകുലത്തിലെ കലാകാരന്മാരടക്കം പന്ത്രണ്ട് മിഴാവ് കലാകാരന്മാര്‍ ഒരുമിച്ച് വിദേശത്ത് ഒരു അവതരണത്തില്‍ പങ്കെടുക്കുന്നത്. ഫ്രാന്‍സ്, ഹോളണ്ട് എന്നിവിടങ്ങളില്‍ നടക്കുന്ന ഫെസ്റ്റിവലുകളിലാണ് ദി കിച്ചണ്‍ അരങ്ങേറുന്നത്.ജൂണ്‍ 20, 21 തീയതികളില്‍ ഫ്രാന്‍സിലും 24, 25 തീയതികളില്‍ 14061724ഹോളണ്ടിലുമാണ് നാടകം അരങ്ങേറുക . കലാമണ്ഡലം രാജീവ്, കലാമണ്ഡലം എ.എന്‍. ഹരിഹരന്‍, കലാമണ്ഡലം കെ.പി. നാരായണന്‍ നമ്പ്യാര്‍, കലാമണ്ഡലം ധനരാജന്‍, കലാമണ്ഡലം രതീഷ് ദാസ്, കലാമണ്ഡലം രവികുമാര്‍, കലാമണ്ഡലം സജിത്ത് വിജയന്‍, കലാമണ്ഡലം വിനീഷ്, കലാമണ്ഡലം ജയരാജ്, കലാമണ്ഡലം വിനീത്, കലാമണ്ഡലം മണികണ്ഠന്‍, കലാമണ്ഡലം സജികുമാര്‍ എന്നിവരാണ് മിഴാവ് വാദനത്തിനായി യൂറോപ്പിലേക്ക് പോകുന്നത്.  സംഘം ഇന്ന്  കൊച്ചിയില്‍നിന്ന് പുറപ്പെട്ടു.

നഗരസഭ മിനിട്സില്‍ കൃത്രിമത്തിന് സാദ്ധ്യതയെന്ന് കൌണ്‍സിലര്‍മാര്‍

14061722ഇരിങ്ങാലക്കുട: നഗരസഭ കൌണ്‍സില്‍ മിനിട്സില്‍ ഭാവിയില്‍ കൃത്രിമം കാണിക്കാന്‍ പറ്റുന്ന തരത്തില്‍ ഗ്യാപ് ഇട്ട് എഴുതുന്നു എന്ന് കൌണ്‍സില്‍ അംഗങ്ങള്‍ക്ക് പരാതി. ഇന്ന് ചേര്‍ന്ന കൌണ്‍സിലില്‍ നഗരസഭാ കൌണ്‍സില്‍ അംഗങ്ങള്‍ക്ക് ലഭിക്കുന്ന മിനിട്സിന്റെ കോപ്പിയില്‍ സംശയം സാധൂകരിക്കുന്ന രീതിയിലാണ് എഴുതിയിരിക്കുന്നത്. കഴിഞ്ഞ കാലങ്ങളില്‍ നഗരസഭയില്‍ എടുക്കാത്ത പല തീരുമാനങ്ങളും മിനിട്സില്‍ പിന്നിട് എഴുതി ചേര്‍ത്തത് വന്‍ വിവാദങ്ങള്‍ക്ക് വഴി തെളിച്ചിരുന്നു. ചൊവ്വാഴ്ച ചേര്‍ന്ന കൌണ്‍സിലില്‍ ബി ജെ പി കൌണ്‍സിലര്‍ സന്തോഷ്‌ ബോബനാണ് ര്ചെയര്‍പേഴ്സറെ മുമ്പില്‍ ഈ വിഷയം ചൂണ്ടിക്കാണിച്ചത്. ഈ കാര്യത്തിൽ നഗരസഭാ ഉദ്യോഗസ്ഥര്‍ ശ്രദ്ധിക്കണമെന്ന് ചെയര്‍പേഴ്സണ്‍ മേരിക്കുട്ടി ജോയ് പറഞ്ഞു.

നഗരസഭയില്‍ “she” തര്‍ക്കം : ചെയര്‍പേഴ്സനും മുന്‍ ചെയര്‍പേഴ്സനും നേര്‍ക്കുനേര്‍

14061721ഇരിങ്ങാലക്കുട: മുന്‍ നഗരസഭാ ചെയര്‍പേഴ്സണ്‍ ബെന്‍സി ഡേവിഡിന്റെ കാലഘട്ടത്തില്‍ പണിയാരംഭിച്ച നഗരസഭാ ബസ്‌ സ്റ്റാന്‍ഡിലെ ഷീ ഇ-ടോയിലറ്റ് പണി പൂര്‍ത്തികരിച്ച് പൊതുജനങ്ങള്‍ക്ക് തുറന്നു കൊടുക്കാത്തതിനെ ചൊല്ലി മുന്‍ നഗരസഭാ ചെയര്‍പേഴ്സണ്‍ ബെന്‍സി ഡേവിഡും ഇപ്പോഴത്തെ ചെയര്‍പേഴ്സണ്‍ മേരിക്കുട്ടി ജോയിയും തമ്മില്‍ കൌണ്‍സില്‍ യോഗത്തില്‍ വാക്ക് തര്‍ക്കം. പണി പൂര്‍ത്തിയാവാത്തതാണ് ഉദ്ഘാടനം വൈകുന്നുവെന്ന മേരിക്കുട്ടിയുടെ പരാമര്‍ശമാണ് ബെന്‍സി ഡേവിഡിനെ ചൊടിപ്പിച്ചത്. പണികളെല്ലാം പൂര്‍ത്തിയായെന്നും,മറ്റുള്ളവരുടെ അധ്വാനത്തിന്റെ ഫലം കവര്‍ന്നെടുക്കാനുംമന്ത്രിമാരെ കൊണ്ടുവന്ന് ഉദ്ഘാടനം
കഴിപ്പിക്കാനുമാണ് പദ്ധതി വൈകിപ്പിക്കുന്നത് എന്നും അവര്‍ പറഞ്ഞു. അതുമാത്രമല്ല സ്ത്രീകള്‍ക്ക് വേണ്ടിയുള്ളതാണ് ‘ഷീ ടോയിലറ്റ്’ എന്നും ഇതിനു മന്ത്രിമാരെ കൊണ്ടുവരേണ്ട ആവശ്യമില്ലെന്നും ‘ കൌണ്‍സില്‍ യോഗത്തില്‍ പറഞ്ഞത് ഭരണകക്ഷിയിലെ ഭിന്നിപ്പും പിടലപ്പിണക്കവും പുറത്തറിയിക്കുക കൂടെ ചെയ്തു. കോണ്‍ഗ്രസ് പാര്‍ലമെന്ററി പാര്‍ട്ടി തിരുമാനങ്ങള്‍ക്ക് വിരുദ്ധമായി കൌണ്‍സില്‍ അംഗങ്ങള്‍ പെരുമാറുന്ന പ്രവണത ശരിയല്ലെന്നും കൌണ്‍സിലിന് ശേഷം കോണ്‍ഗ്രസ് പാര്‍ലമെന്ററി പാര്‍ട്ടി നേതാവും വൈസ് ചെയര്‍മാനുമായ ആന്റോ പെരുമ്പിള്ളി മാധ്യമങ്ങളോട് പറഞ്ഞു.

വിന്‍ഡോസ് ഫോണുമായി മൈക്രോമാക്‌സ്

16410_589094ആന്‍ഡ്രോയ്ഡ് ഓപ്പറേറ്റിങ് സിസ്റ്റത്തെ ഇന്ത്യക്കാര്‍ക്ക് സുപരിചിതമാക്കിയതില്‍ മൈക്രോമാക്‌സിനുളള പങ്ക് വളരെ വലുതാണ്. സാംസങും എച്ച്.ടി.സിയും പോലുള്ള വമ്പന്‍ കളിക്കാര്‍ രാജ്യത്ത് ആന്‍ഡ്രോയ്ഡ് ഫോണുകളിറക്കിയ കാലത്താണ് തനി ഇന്ത്യന്‍ കമ്പനിയായ മൈക്രോമാക്‌സ് ആന്‍ഡ്രോയ്ഡ് ഫോണ്‍ പരീക്ഷണാര്‍ഥം വിപണിയിലെത്തിച്ചത്. 2010 നവംബറിലായിരുന്നു അത്. ആന്‍ഡ്രോ എ60 എന്ന് പേരുള്ള ആ ഫോണില്‍ ആന്‍ഡ്രോയ്ഡ് 2.1 എക്ലയര്‍ വെര്‍ഷനായിരുന്നു ഉണ്ടായിരുന്നത്. വില 8000 രൂപ. പന്ത്രണ്ടായിരം രൂപയില്‍ കുറഞ്ഞ ആന്‍ഡ്രോയ്ഡ് ഫോണുകള്‍ കിട്ടാനില്ലാത്ത അക്കാലത്തിറങ്ങിയ ആ ബജറ്റ് സ്മാര്‍ട്‌ഫോണ്‍ പെട്ടെന്ന് ജനശ്രദ്ധ നേടി.

അവിടെ തുടങ്ങുകയായിരുന്നു മൈക്രോമാക്‌സും ആന്‍ഡ്രോയ്ഡും തമ്മിലുള്ള വിജയസഖ്യം. പിന്നീട് ആഴ്ചതോറും പുതിയ ആന്‍ഡ്രോയ്ഡ് ഫോണുകള്‍ അവതരിപ്പിച്ചുകൊണ്ട് മൈക്രോമാക്‌സ് ഏവരെയും ഞെട്ടിച്ചു. എണ്ണായിരം രൂപയില്‍ തുടങ്ങിയെങ്കിലും പിന്നീട് അയ്യായിരത്തിന്റെയും നാലായിരത്തിന്റെയുമെല്ലാം ഫോണുകള്‍ കമ്പനിയിറക്കി. കഴിഞ്ഞ വര്‍ഷം ഫിബ്രവരിയില്‍ കമ്പനി അവതരിപ്പിച്ച ബോള്‍ട്ട് എ27 എന്ന ഫോണിന് 3195 രൂപയായിരുന്നു വില. ആന്‍ഡ്രോയ്ഡ് 2.3.5 ജിഞ്ചര്‍ബ്രെഡ് വെര്‍ഷനില്‍ പ്രവര്‍ത്തിക്കുന്ന ബോള്‍ട്ട് എ27 ആകും ലോകത്തിലെ ഏറ്റവും വിലകുറഞ്ഞ ആന്‍ഡ്രോയ്ഡ് ഫോണ്‍.

മൈക്രോമാക്‌സിന്റെ ഈ വിപ്ലവ നീക്കത്തിലൂടെയാണ് ഇടത്തരക്കാര്‍ക്ക് ആന്‍ഡ്രോയ്ഡിന്റെ സേവനങ്ങള്‍ പ്രാപ്യമായത്. ഇന്നിപ്പോള്‍ 15.6 കോടി സ്മാര്‍ട്‌ഫോണ്‍ ഉപയോക്താക്കളുണ്ട് രാജ്യത്ത്. 2014 കഴിയുന്നതോടെ അത് ഇരട്ടിയാകുമെന്നാണ് കണക്കുകള്‍ സൂചിപ്പിക്കുന്നത്. മൈക്രോമാക്‌സാകട്ടെ ലോകത്തെ പത്താമത് വലിയ സ്മാര്‍ട്ട്‌ഫോണ്‍ കമ്പനിയായി മാറിക്കഴിഞ്ഞു. ഇന്ത്യന്‍വിപണിയില്‍ സാംസങിന് തൊട്ടുപുറകില്‍ രണ്ടാം സ്ഥാനത്താണിപ്പോള്‍ മൈക്രോമാക്‌സ്.

ഇപ്പോഴിതാ മൈക്രോസോഫ്റ്റുമായി പുതിയ കൂട്ടുകെട്ടിലൂടെ മൈക്രോമാക്‌സ് വീണ്ടും പത്രത്തലക്കെട്ടുകളില്‍ സ്ഥാനം പിടിക്കുന്നു. മൈക്രോസോഫ്റ്റിന്റെ വിന്‍ഡോസ് ഫോണ്‍ പ്ലാറ്റ്‌ഫോമിലുള്ള ലോകത്തെ ഏറ്റവും വിലകുറഞ്ഞ സ്മാര്‍ട്ട്‌ഫോണ്‍ അവതരിപ്പിച്ചുകൊണ്ടാണിപ്പോള്‍ മൈക്രോമാക്‌സ് വീണ്ടും ശ്രദ്ധനേടുന്നത്.

മൈക്രോമാക്‌സിന്റെ വിന്‍ഡോസ് ഫോണുകള്‍ തിങ്കളാഴ്ചയാണ് വിപണിയിലെത്തിയത്. രണ്ടുമാസംമുമ്പ് കമ്പനിയെ തങ്ങളുടെ വിന്‍ഡോസ് ഫോണ്‍ പങ്കാളിയായി മൈക്രോസോഫ്റ്റ് പ്രഖ്യാപിച്ചിരുന്നു. വിന്‍ഡോസ് ഫോണ്‍ 8.1 ഒ.എസില്‍ പ്രവര്‍ത്തിക്കുന്ന കാന്‍വാസ് വിന്‍ ഡബ്ല്യു092 ( Canvas Win W092 ), കാന്‍വാസ് വിന്‍ ഡബ്ല്യു121 ( Canvas Win W121 ) എന്നീ ഫോണുകളാണ് മൈക്രോമാക്‌സ് ഇന്ത്യക്കാര്‍ക്ക് സമ്മാനിക്കുന്നത്. ആദ്യത്തെ ഫോണിന് 6500 രൂപയും, രണ്ടാമത്തേതിന് 9,500 രൂപയുമാണ് വില.

രണ്ടുഫോണുകളും ഡ്യുവല്‍ സിം മോഡലുകളാണ്. ഡ്യുവല്‍ സിം സൗകര്യമുളള വിന്‍ഡോസ് ഫോണുകള്‍ വളരെ കുറവാണിപ്പോള്‍. നോക്കിയയുടെ ലൂമിയ 630 ല്‍ മാത്രമാണ് ഇതുവരെ ആ സൗകര്യമുണ്ടായിരുന്നത്.

480 X 800 പിക്‌സല്‍സ് റിസൊല്യൂഷനുളള നാലിഞ്ച് ഡബ്ല്യു.വി.ജി.എ. ഐ.പി.എസ്. ഡിസ്‌പ്ലേയുളള ഫോണാണ് കാന്‍വാസ് വിന്‍ ഡബ്ല്യു092. 1.2 ഗിഗാഹെര്‍ട്‌സ് ക്വാഡ്‌കോര്‍ ക്വാല്‍ക്കോം സ്‌നാപ്ഡ്രാഗണ്‍ പ്രൊസസര്‍, ഒരു ജി.ബി. റാം, എട്ട് ജി.ബി. ഇന്‍ബില്‍ട്ട് മെമ്മറി, എസ്.ഡി. കാര്‍ഡ് സൗകര്യം എന്നിവയാണിതിന്റെ ഹാര്‍ഡ്‌വേര്‍ സ്‌പെസിഫിക്കേഷന്‍. അഞ്ച് മെഗാപിക്‌സല്‍ പിന്‍ക്യാമറയും 0.3 മെഗാപിക്‌സല്‍ മുന്‍ക്യാമറയും ഇതിലുണ്ട്. കണക്ടിവിറ്റിക്കായി 3ജി, വൈഫൈ, ജി.പി.ആര്‍.എസ്./എഡ്ജ്, ബ്ലൂടൂത്ത് സംവിധാനങ്ങളും. 1500 എം.എച്ച്. ബാറ്ററിയാണ് ഫോണിന് ഊര്‍ജ്ജം പകരുന്നത്.

കാന്‍വാസ് വിന്‍ ഡബ്ല്യു121 ല്‍ 720 X 1280 പിക്‌സല്‍സ് റിസൊല്യൂഷനുള്ള അഞ്ചിഞ്ച് എച്ച്.ഡി. ഐ.പി.എസ്. ഡിസ്‌പ്ലേയാണുളളത്. 1.2 ഗിഗാഹെര്‍ട്‌സ് ക്വാഡ്-കോര്‍ സ്‌നാപ്ഡ്രാഗണ്‍ പ്രൊസസര്‍, ഒരു ജി.ബി. റാം, എട്ട് ജി.ബി. ഇന്‍ബില്‍ട്ട് മെമ്മറി, 32 ജി.ബി. വരെയുള്ള എസ്.ഡി. കാര്‍ഡ് സൗകര്യം എന്നിവയും ഇതിലുണ്ട്. ഫ് ളാഷോടു കൂടിയ എട്ട് മെഗാപിക്‌സല്‍ പിന്‍ക്യാമറയും രണ്ട് മെഗാപിക്‌സല്‍ മുന്‍ക്യാമറയുമാണ് ഇതിലുള്ളത്. കണക്ടിവിറ്റിക്കായി 3ജി, വൈഫൈ, ജി.പി.ആര്‍.എസ്./എഡ്ജ്, ബ്ലൂടൂത്ത് സംവിധാനങ്ങളുമുണ്ട്. 2000 എം.എച്ച്. ബാറ്ററിയാണ് ഫോണില്‍. തുടര്‍ച്ചയായ എട്ടു മണിക്കൂര്‍ സംസാരസമയവും 150 മണിക്കൂര്‍ സ്റ്റാന്‍ഡ്‌ബൈയുമാണ് കമ്പനി അവകാശപ്പെടുന്ന ബാറ്ററി ആയുസ്സ്.

മൈക്രോമാക്‌സുമായി കൈകോര്‍ക്കാനുള്ള മൈക്രോസോഫ്റ്റിന്റെ തീരുമാനം ഇന്ത്യന്‍ മൊബൈല്‍ വിപണിയില്‍ അവര്‍ക്ക് മേല്‍ക്കൈ നേടിക്കൊടുക്കുമെന്നാണ് പലരും കരുതുന്നത്. മൊബൈല്‍ ഒ.എസ്. രംഗത്ത് സ്വാധീനമുറപ്പിക്കാന്‍ മൈക്രോസോഫ്റ്റ് ശ്രമം നടത്തിവരികയാണ്. അതിന്റെ ഭാഗമായി ഒമ്പതിഞ്ചില്‍ താഴെ സ്‌ക്രീന്‍ വലിപ്പമുള്ള ഡിവൈസുകള്‍ക്ക് വിന്‍ഡോസ് ഫോണ്‍ ഒ.എസ്. ലൈസന്‍സ് സൗജന്യമാക്കാന്‍ മൈക്രോസോഫ്റ്റ് തീരുമാനമെടുത്തിരുന്നു.

നിലവില്‍ നോക്കിയ ലൂമിയ ഫോണുകള്‍ മാത്രമാണ് വിന്‍ഡോസ് ഫോണ്‍ 8.1 വെര്‍ഷന്‍ ഒ.എസ്. ഉപയോഗിക്കുന്നത്. എന്നാല്‍ മൈക്രോസോഫ്റ്റ് പ്രതീക്ഷിക്കുന്ന തരത്തിലൊരു വില്പന ലൂമിയ ഫോണുകള്‍ക്കുണ്ടാകുന്നില്ല. വിന്‍ഡോസ് ഫോണ്‍ 8.1 ഒ.എസ്. ജനപ്രിയമാക്കാന്‍ മൈക്രോമാക്‌സിന് സാധിക്കുമെന്നാണ് മൈക്രോസോഫ്റ്റിന്റെ കണക്കുകൂട്ടല്‍.

ചങ്ങമ്പുഴയുടെ ചരമ വാര്‍ഷികം ആചരിച്ചു

downloadഇരിങ്ങാലക്കുട: മലയാള കവിതാശാഖയില്‍ പുതിയ പ്രസ്ഥാനങ്ങള്‍ക്ക്‌ തുടക്കം കുറിച്ച ആദ്യത്തെ ജനകീയ കവി ചങ്ങമ്പുഴ കൃഷ്ണപിള്ളയുടെ പതിനെട്ടാം ചരമ വാര്‍ഷികം ശക്തി സാംസ്കാരികവേദി വിവിധ പരിപാടികളോടെ ആചരിച്ചു . പ്രസിഡണ്ട് ഉണ്ണികൃഷണന്‍ കിഴുത്താനി അദ്ധ്യക്ഷത വഹിച്ചു. പ്രൊ .കെ ജെ ജോസഫ് അനുസ്മരണ പ്രഭാഷണം നടത്തി. ബാബുരാജ് പൊറത്തിശ്ശേരി, പി മുരളികൃഷ്ണന്‍ ,എം കെ മോഹനന്‍ പി എന്‍ നൗഷാദ്  തുടങ്ങിയവര്‍ സംസാരിച്ചു.

Top
Menu Title