IRINJALAKUDALIVE.COM

കരുവന്നൂര്‍ സപ്ലൈകോ സൂപ്പര്‍ മാര്‍ക്കറ്റ് പ്രവര്‍ത്തനം ആരംഭിച്ചു

15052209കരുവന്നൂര്‍ : കേരള സര്‍ക്കാരിന്റെ ആഭിമുഖ്യത്തില്‍ കരുവന്നൂരിലെ റോയ്സ് കെട്ടിടത്തില്‍ ആരംഭിച്ച സപ്ലൈകോ സൂപ്പര്‍ മാര്‍ക്കറ്റിന്റെ ഉദ്ഘാടനം ഗവ ചീഫ് വിപ്പ് അഡ്വ തോമസ്‌ ഉണ്ണിയാടന്‍ നിര്‍വഹിച്ചു. ഇരിങ്ങാലക്കുട മുനിസിപ്പല്‍ ചെയര്‍പേഴ്സണ്‍ മേരിക്കുട്ടി ജോയ് അദ്ധ്യക്ഷത വഹിച്ചു. ആദ്യ വില്‍പ്പന ഇരിങ്ങാലക്കുട ബ്ലോക്ക്‌ പഞ്ചായത്ത് പ്രസിഡണ്ട് ടി ജി ശങ്കരനാരായണന്‍ നിര്‍വഹിച്ചു. . കോണ്‍ഗ്രസ് ബ്ലോക്ക്‌ പ്രസിഡണ്ട് ആന്റോ പെരുമ്പിള്ളി ,വാര്‍ഡ്‌ കൌണ്‍സിലര്‍ സരള , മുനിസിപ്പല്‍ പ്രതിപക്ഷ നേതാവ് കാഞ്ചന കൃഷ്ണന്‍ ,സി പി ഐ ഇരിങ്ങാലക്കുട മണ്ഡലം സെക്രട്ടറി പി മണി , ഇന്ത്യന്‍ യൂണിയന്‍ മുസ്ലീം ലീഗ് ജനറല്‍ സെക്രട്ടറി കെ എ റിയാസുദ്ദിന്‍ തുടങ്ങിയവര്‍ ചടങ്ങില്‍ സംബന്ധിച്ചു .


തരണനെല്ലൂര്‍ ആര്‍ട്ട്‌സ്‌ & സയന്‍സ്‌ കോളേജില്‍ ഒന്നാം വര്‍ഷ ബിരുദ പ്രവേശനത്തിന് അപേക്ഷ ക്ഷണിച്ചു

tharananellur collegeഇരിങ്ങാലക്കുട: കാലിക്കറ്റ്‌ യൂണിവേഴ്‌സിറ്റിയില്‍ അഫിലിയേറ്റഡ്‌ ചെയ്‌തിട്ടുള്ള ഇരിങ്ങാലക്കുട തരണനെല്ലൂര്‍ ആര്‍ട്ട്‌സ്‌ & സയന്‍സ്‌ കോളേജില്‍ ബി.കോം കംമ്പ്യൂട്ടര്‍, ബി.കോം ഫിനാന്‍സ്‌, ബി.എസ്‌.സി ഫുട്‌ ടെക്‌നോളജി, ബി.സി.എ, ബി,ബി,എ, ബി.എം.എം.സി എന്നീ കോഴ്‌സുകള്‍ക്കുള്ള മാനേജ്‌മെന്റ്‌ സീറ്റുകളുടെ അപേക്ഷ ഫോം മേയ്‌ 25 തിങ്കളാഴ്‌ച മുതല്‍ വിതരണം ചെയ്യുന്നു. പൂരിപ്പിച്ച അപേക്ഷകള്‍ ജൂണ്‍ 15 നു മുമ്പായി ഓഫീസില്‍ സമര്‍പ്പിക്കേണ്ടതാണ്‌. കൂടുതല്‍ വിവരങ്ങള്‍ക്ക്‌ കോളേജ്‌ ഓഫീസില്‍ നേരിട്ടോ താഴെപറയുന്ന നമ്പറുകളിലോ ബന്ധപ്പെടബന്ധപ്പെടാവുന്നതാണ്‌. 0480 2833910, 9846730721


റിട്ട .അസിസ്റ്റന്റ് സെയില്‍സ്ടാക്സ് കമ്മിഷണര്‍ ഗോപാലകൃഷ്ണമേനോന്‍ നിര്യാതനായി

15052204ഇരിങ്ങാലക്കുട: റിട്ട . അസിസ്റ്റന്റ് സെയില്‍സ്ടാക്സ് കമ്മിഷണര്‍ മുളക്കല്‍ ഗോപാലകൃഷ്ണമേനോന്‍ (75) നിര്യാതനായി . ഭാര്യ : എം സുശീല (പ്രിന്‍സിപ്പാള്‍ എസ് എന്‍ ഹൈസ്കൂള്‍ ). മക്കള്‍ : അനില്‍ (കെ എസ് ഇ ലിമിറ്റഡ് ) ,ഡോ ബിന്ദു (എസ് എന്‍ ഐ എം എസ് )മാഞ്ഞാലി , സീന (നാഷണല്‍ ഹൈസ്കൂള്‍ . മരുമക്കള്‍ :ജയശ്രീ, രാമദാസ്, ജയകുമാര്‍ .


പഠനോപകരണ വിതരണവും അനുമോദനവും നടത്തി

15052203വെള്ളാങ്കല്ലൂര്‍ : മുന്‍ പ്രധാനമന്ത്രി രാജിവ് ഗാന്ധിയുടെ 25 മത് രക്തസാക്ഷി ദിനത്തില്‍ വെള്ളാങ്കല്ലൂര്‍ രാജീവ് ഗാന്ധി കള്‍ച്ചറല്‍ ഫോറം നിര്‍ധനരായ വിദ്യാര്‍ത്ഥികള്‍ക്ക് പഠനോപകരണ കിറ്റ് വിതരണവും , എസ് എസ് എല്‍ സി പ്ലസ്‌ ടു വിദ്യാര്‍ത്ഥികള്‍ക്ക് ഉപഹാര വിതരണവും നടത്തി .കമല ഹാളില്‍ നടന്ന ചടങ്ങ് മുന്‍ എം എല്‍ എ ടി യു രാധാകൃഷ്ണന്‍ ഉദ്ഘാടനം ചെയ്തു. ഗ്രാമപഞ്ചായത്ത്‌ പ്രസിഡണ്ട് അനില്‍ മാന്തുരുത്തി അദ്ധ്യക്ഷത വഹിച്ചു. ബ്ലോക്ക്‌ പ്രസിഡണ്ട് ആലീസ് തോമസ്‌ മുഖ്യാഥിതിയായിരുന്നു. സംസ്ഥാനത്തെ മികച്ച അംഗന്‍വാടി ടീച്ചര്‍ക്കുള്ള അവാര്‍ഡ് ലഭിച്ച വെള്ളാങ്കല്ലൂര്‍ റൈന്‍ബോ അംഗന്‍വാടി ടീച്ചര്‍ ഷൈലജയെ ചടങ്ങില്‍ ആദരിച്ചു. പി കെ എം അഷറഫ് ,ധർമ്മജന്‍ വില്ലടത്ത് , മായ രാമചന്ദ്രന്‍ , എ കെ ശിവരാമന്‍ , കെ എം സലിം ഇ. കെ ജോബി , രമേശ്‌ മുത്തിരിപറമ്പില്‍, നവാസ് തോപ്പില്‍ , ഹമീദ് തറയില്‍ , മുഹമ്മദ്‌ നിസാം എന്നിവര്‍ ചടങ്ങില്‍ പങ്കെടുത്തു.


ചിറയത്ത് തെക്കൂടന്‍ ജില്ലാതല കുടുംബ സംഗമം സംഘടിപ്പിച്ചു

15052202ഇരിങ്ങാലക്കുട:ഇരിങ്ങാലക്കുട രൂപതയില്‍ ഉൾപ്പെടുന്ന ചിറയത്ത് തെക്കൂടന്‍ കുടുംബ യോഗത്തിന്റെ പതിനഞ്ചാം കുടുംബസംഗമം കരുവന്നൂര്‍ സെന്റ്‌ മേരിസ് ജൂബിലി പാരിഷ് ഹാളില്‍ ഇരിങ്ങാലക്കുട രൂപത മെത്രാന്‍ മാര്‍ ജയിംസ് പഴയാറ്റില്‍ ഉദ്ഘാടനം ചെയ്തു. കേന്ദ്ര സമിതി പ്രസിഡണ്ട് ടി എ ജോസഫ് അദ്ധ്യക്ഷത വഹിച്ചു. കരുവന്നൂര്‍ സെന്റ്‌ മേരിസ് ഇടവക വികാരി ഫാ ജോണ്‍സണ്‍ മാനാടന്‍ അബ്നുഗ്രഹ പ്രഭാഷണം നടത്തി. എസ് എസ് എല്‍ സി മത പഠനം എന്നിവയില്‍ ഉന്നത വിജയം നേടിയ ജൂഡിറ്റ് ജോര്‍ജ്ജിന് ഫാ ജോണ്‍സണ്‍ ജൂബിലിയേറിയന്മാരെയും ,നവദമ്പതികളെയും , സീനിയര്‍ സിറ്റിസണ്‍സ്സിനെയും , പ്രൊഫഷണല്‍ ബിരുദധാരികളെയും ഫാ ജെസ്റ്റിന്‍ തെക്കൂടന്‍ അഭിനന്ദിച്ചു. പ്രോഗ്രാം കണ്‍വീനര്‍ ജോജി തെക്കൂടന്‍ , കേന്ദ്ര സമിതി സെക്രട്ടറി അനീഷ്‌ ആന്റണി , ട്രഷറര്‍ ടി എ ജോസ് , ഡോ സിസ്റര്‍ ലില്ലിയാന്‍ തെക്കൂടന്‍ , സി ഗ്ലോറി, സി കാജറ്റിന്‍ , മേരി ജോണി , എലിസബത്ത് മരിയ ഫ്രാൻസിസ് എന്നിവര്‍ സമ്മേളനത്തില്‍ പങ്കെടുത്തു സംസാരിച്ചു.


ബ്ലോക്ക്‌ പഞ്ചായത്തിന്റെ ആഭിമുഖ്യത്തില്‍ മെറിറ്റ്‌ ഡേ സംഘടിപ്പിക്കുന്നു

13072001ഇരിങ്ങാലക്കുട: ഇരിങ്ങാലക്കുട ബ്ലോക്ക്‌ പഞ്ചായത്ത് 2015-2016 വര്‍ഷത്തെ മെറിറ്റ്‌ ഡേ ആഘോഷ പരിപാടികള്‍ സംഘടിപ്പിക്കുന്നു.ബ്ലോക്ക്‌ പഞ്ചായത്തിന്റെ പരിധിയിലുള്ള കാറളം ,കാട്ടൂർ , മുരിയാട് ,പറപ്പൂക്കര എന്നീ പഞ്ചായത്തുകളിലെ സ്കൂളുകളില്‍ എസ് എസ് എല്‍ സി , പ്ലസ്‌ ടു , വി എച്ച് എസ് ഇ എന്നീ പരീക്ഷകളില്‍ എല്ലാ വിഷയത്തിലും എ പ്ലസ്‌ നേടിയ വിദ്യാര്‍ത്ഥി വിദ്യാര്‍ത്ഥിനികളും , ബിരുദം ബിരുദാനന്തര ബിരുദം എന്നിവയില്‍ റാങ്ക് ഹോള്‍ഡേഴ്സ് എന്നിവരും മാര്‍ക്ക് ലിസ്റ്റും പാസ്പോര്‍ട്ട് സൈസ് ഫോട്ടോയും സഹിതം വെള്ള പേപ്പറില്‍ അപേക്ഷ മെയ്‌ 30 നകം ബ്ലോക്ക്‌ പഞ്ചായത്ത് ഓഫിസില്‍ എത്തിക്കേണ്ടതാണ്. കൂടുതല്‍ വിവരങ്ങള്‍ക്ക് 8281040182,9388938805 എന്നീ നമ്പറുകളില്‍ ബന്ധപ്പെടുക .


പ്രവാസി മലയാളി സമ്മേളനം ഇരിങ്ങാലക്കുടയില്‍മെയ്‌ 22,23 തിയ്യതികളില്‍

15052201ഇരിങ്ങാലക്കുട: പ്രവാസി മലയാളി വെല്‍ഫെയര്‍ അസോസിയേഷന്‍ ഇന്ത്യയുടെ പതിമൂന്നാം സംസ്ഥാന സമ്മേളനവും കുടുംബസംഗമവും, സ്നേഹ പ്രവാസി മാസിക അവാര്‍ഡ് ദാനവും മെയ്‌ 22,23 തിയ്യതികളില്‍ നടക്കുമെന്ന് പത്രസമ്മേളനത്തില്‍ സംസ്ഥാന പ്രസിഡണ്ട് ഐസക് പ്ലാപ്പള്ളി അറിയിച്ചു.
ഇരിങ്ങാലക്കുട ടൌണ്‍ ഹാളില്‍ വച്ച് ഉച്ചയ്ക്ക് 2.30 ന് ആരംഭിക്കുന്ന ചടങ്ങില്‍ മുഖ്യമന്ത്രി ഉമ്മന്‍ചാണ്ടി , കേന്ദ്ര സംസ്ഥാന മന്ത്രിമാര്‍ ,എം പി മാര്‍ സാംസ്കാരിക നായകന്മാര്‍ ,സാമൂഹിക വിദ്യാഭ്യാസ വിദഗ്ദര്‍ എന്നിവര്‍ പങ്കെടുക്കും. 60 കഴിഞ്ഞ പ്രവാസികള്‍ക്ക് പെന്‍ഷന്‍ അനുവദിക്കുക , സൗദി ,യമന്‍ , ലിബിയ എന്നിവിടങ്ങളില്‍ നിന്നും മടങ്ങി വന്ന നഴ്സ്മാരുള്‍പടെയുള്ളവരുടെ കാര്യങ്ങളില്‍ സര്‍ക്കാര്‍ ഇടപെടുക, നോര്‍ക്കയുടെ പുനരധിവാസ വായ്പാ പദ്ധതി താമസം കൂടാതെ നടപ്പിലാക്കുക , 10 മാസമായി മുടങ്ങി കിടക്കുന്ന പ്രവാസി സാന്ത്വന മരണാനന്തര ,ചികിത്സാ ഇവയുടെ തുക പുനരാരംഭിക്കുക .എന്നീ ആവശ്യങ്ങള്‍ സര്‍ക്കാരിന്റെ ശ്രദ്ധയില്‍ പെടുത്താനുള്ള നടപടികള്‍ സമ്മളനത്തില്‍ ചർച്ച ചെയ്യും . സമ്മേളനത്തില്‍ ആഗോള വ്യവസായ സംരംഭക ചര്‍ച്ച ,മഹിളാ സെമിനാര്‍ , പ്രവാസി സംഘടന നേതാക്കളുടെ ഒത്തുചേരല്‍ എന്നിവ ഉണ്ടായിരിക്കും.


റോഡ്‌ അച്ചടക്കമില്ലായ്മ ഗതാഗതക്കുരുക്ക് രൂക്ഷമാക്കുന്നു

15052106ഇരിങ്ങാലക്കുട: വാഹനപെരുപ്പത്തോടൊപ്പം റോഡിലെ അച്ചടക്കമില്ലായ്മയും ഇരിങ്ങാലക്കുട മേഖലയില്‍ ഗതാഗതക്കുരുക്ക് രൂക്ഷമാക്കുന്നു. ഠാണാവിലും ബസ്‌ സ്റ്റാന്റ് പരിസരത്തും ആഴ്ചകളായി ഗതാഗതക്കുരുക്ക് പതിവായിക്കൊണ്ടിരിക്കുകയാണ്. ഗതാഗത നീയന്ത്രണത്തിനായി പോലീസ് ഉണ്ടെങ്കിലും ഇരുചക്രവാഹനങ്ങള്‍ അടക്കം ഉള്ളവ ഇടയിലൂടെ കയറിവരുന്നതാണ് ഗതാഗതക്കുരുക്കിന്റെ മുഖ്യകാരണങ്ങളിലൊന്ന്. കാട്ടൂര്‍ റോഡില്‍ നിന്നും പോസ്റ്റ്‌ ഓഫീസ് ജഗ്ഷനില്‍ എത്തുന്ന അന്യ നാട്ടിലെ വാഹനങ്ങള്‍ക്ക് ദിശയറിയാതെ റോഡില്‍ നിര്‍ത്തി വഴി ചോദിക്കുന്നതും ഗതാഗതക്കുരുക്കിന് കാരണമാകുന്നു. നടപ്പാതയിലെ അനധികൃത ബോര്‍ഡുകളും വഴിയാത്രക്കാര്‍ക്ക് ബുദ്ധിമുട്ട് ഉണ്ടാക്കുന്നുണ്ട്.


പ്ലസ്‌ ടു പരീക്ഷയില്‍ നാഷണല്‍ സ്കൂളിന് ചരിത്ര വിജയം : 50 എ പ്ലസ്‌ ജേതാക്കള്‍

15052205ഇരിങ്ങാലക്കുട: കേരള സ്റ്റേറ്റ് ഹയര്‍ സെക്കണ്ടറി വിഭാഗം പരീക്ഷയില്‍ നാഷണല്‍ ഹയര്‍ സെക്കണ്ടറി സ്കൂള്‍ ചരിത്ര വിജയം നേടി . ആകെ 290 കുട്ടികള്‍ പരീക്ഷ എഴുതിയതില്‍ 272 പേര്‍ തുടര്‍ പഠനത്തിന് അര്‍ഹരായിക്കൊണ്ട് സ്കൂള്‍ 94 ശതമാനം വിജയം കരസ്ഥമാക്കിയിട്ടുണ്ട്. കൂടാതെ 50 വിദ്യാര്‍ത്ഥികള്‍ എല്ലാ വിഷയത്തിലും എ പ്ലസ്‌ നേടിയിട്ടുണ്ട്. ഉന്നത വിജയം കരസ്ഥമാക്കിയ വിദ്യാര്‍ത്ഥികളെയും അദ്ധ്യാപകരേയും പ്രിന്‍സിപ്പല്‍ മിനി മോഹന്‍ദാസ് ,മാനേജര്‍ രുക്മണി രാമചന്ദ്രന്‍ ,പി ടി എ പ്രസിഡണ്ട് സോണിയ ഗിരി എന്നിവര്‍ അനുമോദിച്ചു.


എസ് സി വിദ്യാര്‍ത്ഥികള്‍ക്ക് ഫര്‍ണീച്ചറുകള്‍ വിതരണം ചെയ്തു

15052107വെള്ളാങ്കല്ലൂര്‍: ഗ്രാമപഞ്ചായത്തിന്റെ 2014-2015 വാര്‍ഷിക പദ്ധതിയില്‍ എസ് സി എസ് ടി വിദ്യാര്‍ത്ഥികള്‍ക്കുള്ള പഠന സഹായ ഉപകരണങ്ങളായ സ്റ്റീല്‍ മേശ പ്ലാസ്റ്റിക് കസേര എന്നിവയുടെ വിതരണം പ്രസിഡണ്ട് അനില്‍ മാന്തുരുത്തി നിര്‍വഹിച്ചു. ചടങ്ങില്‍ വികസന സ്റാന്‍ഡിങ്ങ് കമ്മിറ്റി ചെയര്‍മാന്‍ പി കെ എം അഷറഫ് അദ്ധ്യക്ഷത വഹിച്ചു. നസീമ നാസര്‍, ബീന മജീദ്‌ , ധര്‍മ്മജന്‍ വില്ലടത്ത്, എം എച്ച് ബഷീര്‍ , ശോഭന പി മേനോന്‍ , എന എം അബ്ദുള്‍ ജലീല്‍ എന്നിവര്‍ സംസാരിച്ചു. 4 ലക്ഷം രൂപയുടെ പദ്ധതിയില്‍ 106 എസ് സി വിദ്യാര്‍ത്ഥികള്‍ക്കും 17 മത്സ്യ തൊഴിലാളി കുടുംബങ്ങളിലെ വിദ്യാര്‍ത്ഥികള്‍ക്കുമാണ് മേശ നല്കിയത്. ഒന്നര ലക്ഷം രൂപയുടെ പദ്ധതയില്‍ 43 എസ് സി വിദ്യാര്‍ത്ഥികള്‍ക്ക് സൈക്കിളുകള്‍ കഴിഞ്ഞ ദിവസം വിതരണം ചെയ്തിരുന്നു.


നമ്പൂതിരിസ്‌ ബി.എഡ്‌ കോളേജ് അപേക്ഷ ക്ഷണിച്ചു

15052109ഇരിങ്ങാലക്കുട: കാലിക്കറ്റ്‌ യൂണിവേഴ്‌സിറ്റിയില്‍ അഫിലിയേറ്റഡ്‌ ചെയ്‌തിട്ടുള്ള ഇരിങ്ങാലക്കുട നമ്പൂതിരിസ്‌ ബി.എഡ്‌ കോളേജില്‍ 2015-16 വര്‍ഷത്തേയ്‌ക്ക്‌ ഇംഗ്ലീഷ്‌, സംസ്‌കൃതം, നാച്വറല്‍ സയന്‍സ്‌, ഫിസിക്കല്‍ സയന്‍സ്‌, സോഷ്യല്‍ സയന്‍സ്‌ എന്നീ വിഷയങ്ങള്‍ക്ക്‌ അപേക്ഷകള്‍ സ്വീകരിച്ചു തുടങ്ങി. അപേക്ഷകള്‍ കാലത്ത്‌ 10 മുതല്‍ ഉച്ചയ്‌ക്ക്‌ 3 മണിവരെയുള്ള സമയങ്ങളില്‍ കോളേജ്‌ ഓഫീസില്‍ നിന്നും ലഭ്യമാണ്‌. പൂരിപ്പിച്ച അപേക്ഷകള്‍ നല്‍കേണ്ട അവസാന തിയ്യതി ജൂണ്‍ 6.


എച്ച് ഡി പി സമാജം സ്കൂളില്‍ പ്ലസ്‌ ടു വിഭാഗത്തില്‍ ഉന്നത വിജയം കരസ്ഥമാക്കിയ വിദ്യാര്‍ത്ഥികള്‍

15052108ഇരിങ്ങാലക്കുട: എടതിരിഞ്ഞി എച്ച് ഡി പി സമാജം സ്കൂളില്‍ കേരള സ്റ്റേറ്റ് ഹയര്‍ സെക്കണ്ടറി സയന്‍സ് വിഭാഗത്തില്‍ എല്ലാ വിഷയത്തിലും എ പ്ലസ്‌ നേടി ഉന്നതം വിജയം കരസ്ഥമാക്കിയ വിദ്യാര്‍ത്ഥികളായ ഫെബ്ന വി എം , ഫെമില വി എ ,മിഥുന്‍ പി ചന്ദ്രന്‍ .


വാര്‍ഷിക പദ്ധതികള്‍ക്കായി ഇരിങ്ങാലക്കുട ബ്ലോക്ക്‌ പഞ്ചായത്തിന് ജില്ലാ ആസൂത്രണ സമിതിയുടെ അഗീകാരം

map-irinjalakuda-blockഇരിങ്ങാലക്കുട: 2015-2016 ലെ വാര്‍ഷിക പദ്ധതികള്‍ക്ക് ജില്ലാ ആസൂത്രണ സമിതിയുടെ അഗീകാരം ഇരിങ്ങാലക്കുട ബ്ലോക്ക്‌ പഞ്ചായത്തിന് ലഭിച്ചു. തൃശൂര്‍ ജില്ലയിലെ 16 ബ്ലോക്ക്‌ പഞ്ചായത്തുകളില്‍ വെച്ച് ഒന്നാമതായാണ് ഇരിങ്ങാലക്കുടയ്ക്ക് അംഗീകാരം ലഭിച്ചത്. 5 കോടി 24 ലക്ഷം രൂപയ്ക്കുള്ള വാര്‍ഷിക പദ്ധതികളാണ് രൂപകല്‍പന ചെയ്തിട്ടുള്ളത്. ഊര്‍ജ്ജ സംരക്ഷണത്തിന് മുന്‍ഗണന നല്‍കിക്കൊണ്ട് സൌരോര്‍ജ്ജ സംവിധാനം ദുര്‍ബല ,ജനവിഭാഗങ്ങളുടെ ഐ എ വൈ ,ഭവന നിര്‍മ്മാണം , വൃദ്ധര്‍ , രോഗികള്‍ , കുട്ടികള്‍ എന്നിവരുടെ ക്ഷേമ പ്രവര്‍ത്തനങ്ങള്‍ , പട്ടികജാതി വിദ്യാര്‍ത്ഥികള്‍ക്കുള്ള ലാപ് ടോപ്‌ എന്നിവയ്ക്ക് പ്രാധാന്യം നല്‍കിക്കൊണ്ടുള്ള പദ്ധതികള്‍ക്കാണ് അംഗീകാരം ലഭ്യമാക്കിയിട്ടുള്ളതെന്ന് ബ്ലോക്ക്‌ പഞ്ചായത്ത് പ്രസിഡണ്ട് ടി ജി ശങ്കരനാരായണന്‍ പത്രക്കുറിപ്പിലൂടെ അറിയിച്ചു.


ഇത്തിക്കുളം ശ്രീ കാര്‍ത്ത്യായനി ദേവി ക്ഷേത്രത്തിലെ നവീകരണകലശവും തിരുവുത്സവവും മെയ്‌ 24 മുതല്‍ ജൂണ്‍ 5 വരെ

iththikkulam-templeഇരിങ്ങാലക്കുട: കുഴിക്കാട്ടുകോണം ഇത്തിക്കുളം ശ്രീ കാര്‍ത്ത്യായനി ദേവി ക്ഷേത്രത്തിലെ നവീകരണ കലശവും തിരുവുത്സവവും മെയ്‌ 24 മുതല്‍ ജൂണ്‍ 5 വരെ ആഘോഷിക്കുമെന്ന് ഭാരവാഹികള്‍ പത്രസമ്മേളനത്തില്‍ അറിയിച്ചു. ജൂണ്‍ 24 ന് വൈകീട്ട് ക്ഷേത്രത്തില്‍ പുതിയതായി പണി കഴിപ്പിച്ച ചുറ്റുമതിലിന്റെയും പ്രദക്ഷണ വഴിയുടെയും സമര്‍പ്പണം കൊച്ചിന്‍ ദേവസ്വം ബോര്‍ഡ്‌ പ്രസിഡണ്ട് എം പി ഭാസ്കരന്‍ നായര്‍ നിര്‍വഹിക്കും.തുടര്‍ന്ന് ഓരോ ദിവസവും ഭക്തി പ്രഭാഷണം ,തിരുവാതിരക്കളി ,ഭക്തിഗാനസുധ , തായമ്പക ,പൊങ്കാല സമര്‍പ്പണം , നന്തുണിപ്പാട്ട്, കഥകളി, ബ്രാഹ്മിണിപ്പാട്ട് , പ്രസാദ ഊട്ട് ,പഞ്ചാവാദ്യത്തോടുകൂടിയുള്ള എഴുന്നുള്ളിപ്പ്, വര്‍ണ്ണമഴ , കൊച്ചിന്‍ ശ്രേയ കമ്മ്യുണിക്കേഷന്റെ ഗാനമേള എന്നിവ ഉണ്ടായിരിക്കും.


Top