IRINJALAKUDALIVE.COM

പെരുവനം സതിശന്‍ മാരാരുടെ നേതൃത്വത്തില്‍ പഞ്ചാരിമേളം : കുമരഞ്ചിറ ഭഗവതി ക്ഷേത്ര ഭരണി മഹോത്സവം – തത്സമയ സംപ്രേക്ഷണം ഇരിങ്ങാലക്കുട ലൈവ് ഡോട്ട് കോമില്‍

15022402കാറളം : കുമരഞ്ചിറ ഭഗവതി ക്ഷേത്രത്തിലെ ഭരണി മഹോത്സവം ആഘോഷിക്കുന്നു ക്ഷേത്രം തന്ത്രി ബ്രഹ്മശ്രീ തെക്കിനിയേടത്ത് തരണനെല്ലൂര്‍ മനയ്ക്കല്‍ നാരായണന്‍ നമ്പൂതിരിപ്പാട്‌ മുഖ്യകാര്‍മ്മികത്വത്തിൽ രാവിലെ 3 മണിക്ക് നിര്‍മ്മാല്യ ദര്‍ശനം, ഉഷപൂജ,നവകം ,പഞ്ചഗവ്യ അഭിഷേകങ്ങള്‍ ,ഉച്ചപൂജ ,ശ്രീഭൂതബലി ,പുറത്തേയ്ക്ക് എഴുന്നുള്ളിപ്പ് എന്നിവ നടന്നു . തുടര്‍ന്ന് പെരുവനം സതിശന്‍ മാരാര്‍ നേതൃത്വത്തിൽ പഞ്ചാരിമേളം നടക്കുന്നു . ഉച്ചതിരിഞ്ഞ് 3 ന് കാഴ്ചശിവേലി, പഞ്ചവാദ്യം -പെരുവനം കൃഷ്ണകുമാറും സംഘവും തുടര്‍ന്ന് പെരുവനം സതിശൻ മാരാരുടെ നേതൃത്വത്തില്‍ പാണ്ടിമേളം . വൈകീട്ട് 6. 30 മണിക്ക് ചുറ്റുവിളക്ക് ,നിറമാല.ദീപാരാധന, ബ്രാഹ്മണിപ്പാട്ട് . രാത്രി 8 മണിക്ക് ഭക്തിഗാന സുധ തൃശൂര്‍ രവിവര്‍മ്മയും സംഘവും അവതരിപ്പിക്കും. രാത്രി 10 ന് മൂര്‍ക്കനാട് തേവരുടെ കുതിരപ്പുറത്ത് എഴുന്നള്ളത്ത്‌. രാത്രി 10 .30 ന് കേളി ,കൊമ്പ്പറ്റ് ,കുഴല്‍ പറ്റ് . 11 ന് പഞ്ചവാദ്യം ,നാദസ്വരം ,താലം എന്നിവയോടുകൂടി മനയ്ക്കൽപ്പടിയിലേയ്ക്ക് എഴുന്നള്ളിപ്പ് .പഞ്ചവാദ്യത്തിന് ശേഷം മേളത്തോടുകൂടി മനയ്ക്കൽപ്പടിക്കല്‍ താലം പൂജ ,പറ നിറയ്ക്കല്‍ ,തുടര്‍ന്ന് പാണ്ടിമേളം ,പാലക്കടയ്ക്കല്‍ ഗുരുതി. ഫെബ്രുവരി 25 ന് ഉച്ചയ്ക്ക് 2 മുതല്‍ ഭഗവതിയുടെ ഭൂതഗണങ്ങള്‍ക്കായി കാര്‍ത്തിക വേല , ആയിരങ്ങള്‍ കാവ് തീണ്ടും. തത്സമയ സംപ്രേക്ഷണം ഇരിങ്ങാലക്കുട ലൈവ് ഡോട്ട് കോമില്‍.
15022403


ഠാണ-ബസ് സ്റ്റാന്‍ഡ് റോഡ് വീണ്ടും കോണ്‍ക്രീറ്റ് ചെയ്യാനൊരുങ്ങുന്നു

15022401ഇരിങ്ങാലക്കുട: കോണ്‍ക്രീറ്റ് റോഡായ ഇരിങ്ങാലക്കുട ഠാണ-ബസ് സ്റ്റാന്‍ഡ് റോഡ് വീണ്ടും കോണ്‍ക്രീറ്റ് ചെയ്യാനൊരുങ്ങുന്നു. ഏറെ തിരക്കുള്ളതും ഏറ്റവും പഴക്കമുള്ള നഗരത്തിലെ ഏക കോണ്‍ക്രീറ്റ് റോഡാണിത്. പലഭാഗത്തും പൊട്ടിത്തകര്‍ന്ന റോഡ് അടിയന്തരമായി അറ്റകുറ്റപ്പണികള്‍ നടത്തണമെന്ന് കുറച്ചുകാലങ്ങളായി യാത്രക്കാര്‍ ആവശ്യപ്പെടുന്നുണ്ട്. ഇതിനെ തുടര്‍ന്ന് കഴിഞ്ഞവര്‍ഷം ഈ റോഡ് ടാറിടാന്‍ നഗരസഭയില്‍നിന്നും പി.ഡബ്ല്യു.ഡി. ഏറ്റെടുത്തിരുന്നു. എന്നാല്‍, കോണ്‍ക്രീറ്റ് റോഡില്‍ മെക്കാഡം ടാറിടുന്നതില്‍ എതിര്‍പ്പുമായി ഒരുവിഭാഗം രംഗത്തെത്തുകയായിരുന്നു. പൊട്ടിപ്പൊളിഞ്ഞ കോണ്‍ക്രീറ്റ് സ്ലാബുകള്‍ മാറ്റി പുതിയ കോണ്‍ക്രീറ്റ് ഇട്ടാല്‍ ഇനിയുമൊരു നൂറുവര്‍ഷംകൂടി റോഡ് കുഴപ്പവുമില്ലാതെ നിലനില്ക്കുമെന്നായിരുന്നു എതിര്‍പ്പുമായി എത്തിയവരുടെ വാദം. അതോടെ പി.ഡബ്ല്യു.ഡി. പദ്ധതി ഉപേക്ഷിക്കുകയും ബാക്കി റോഡുകള്‍ മെക്കാഡം ടാറിട്ട് അവസാനിപ്പിക്കുകയുമായിരുന്നു. റോഡിന്റെ സ്ഥിതി അനുദിനം വഷളായിക്കൊണ്ടിരിക്കുന്ന സാഹചര്യത്തില്‍ നിലവിലുള്ള കോണ്‍ക്രീറ്റ് റോഡിന് മുകളില്‍ നാലിഞ്ച് ഉയരത്തില്‍ കോണ്‍ക്രീറ്റിടാനാണ് നീക്കം. റോഡിലൂടെയുള്ള ഗതാഗതം ഒരാഴ്ചയെങ്കിലും പൂര്‍ണ്ണമായും ഒഴിവാക്കേണ്ടിവരുമെന്നും അഡ്വ. തോമസ് ഉണ്ണിയാടന്‍ എം.എല്‍.എ. കൂട്ടിച്ചേര്‍ത്തു.


കെ എസ് ഇ ലിമിറ്റഡിന്റെ ആഭിമുഖ്യത്തില്‍ ഓള്‍ കേരള ഡിലേഴ്സ് മീറ്റ്‌ സംഘടിപ്പിച്ചു

15022404ഇരിങ്ങാലക്കുട: കെ എസ് ഇ ലിമിറ്റഡിന്റെ ആഭിമുഖ്യത്തില്‍ ഓള്‍ കേരള ഡിലേഴ്സ് മീറ്റ്‌ സംഘടിപ്പിച്ചു. ഇരിങ്ങാലക്കുട എം സി പി ഇന്റര്‍നാഷണല്‍ കണ്‍വെന്‍ഷന്‍ സെന്ററില്‍ നടന്ന മീറ്റ്‌ കെ എസ് ഇ എല്‍ ചെയര്‍മാന്‍ ഡോ ജോസ് പോള്‍ തളിയത്ത്‌ ഉദ്ഘാടനം ചെയ്തു. മാനേജിങ്ങ് ഡയറക്ടര്‍ എം സി പോള്‍ അദ്ധ്യക്ഷത വഹിച്ച ചടങ്ങില്‍ എക്സിക്യുട്ടിവ് ഡയറക്ടര്‍ മികച്ച വിതരണക്കാര്‍ക്ക് അവാര്‍ഡുകള്‍ സമ്മാനിച്ചു. ഡയറക്ടര്‍ ആന്റ് ലീഗല്‍ അഡ്വൈസര്‍ അഡ്വ എ പി ജോര്‍ജ്ജ് ചീഫ് ജനറല്‍ മാനേജര്‍ ആനന്ദ് മേനോന്‍, സി ഇ ഓ ആന്റ് കമ്പനി സെക്രട്ടറി ആര്‍ ശങ്കരനാരായണന്‍ ,വി വി ചെറിയാന്‍ ,ഡോ ജോര്‍ജ്ജ് മാത്തന്‍ , ഡോ വി വി രാജി,അനില്‍ ,സെയില്‍സ് മാനേജര്‍ മോഹന്‍ കൊനിക്കര എന്നിവര്‍ സംസാരിച്ചു.


പൂമംഗലം ഗ്രാമപഞ്ചായത്തില്‍ മൂന്നാംഘട്ട ആട് ഗ്രാമം പദ്ധതിയ്ക്ക് തുടക്കമായി

15022406പൂമംഗലം : പൂമംഗലം ഗ്രാമപഞ്ചായത്ത്‌ 2014-15 സാമ്പത്തിക വര്‍ഷത്തെ പദ്ധതിയില്‍ ഉള്‍പ്പെടുത്തി നടപ്പിലാക്കുന്ന ആട്‌ ഗ്രാമം പദ്ധതിയുടെ ഉദ്‌ഘാടനം ഗ്രാമപഞ്ചായത്ത്‌ പ്രസിഡണ്ട്‌ അഡ്വ ജോസ്‌ മൂഞ്ഞേലി നിര്‍വ്വഹിച്ചു. ഗ്രാമപഞ്ചായത്ത്‌ വൈസ്‌ പ്രസിഡണ്ട്‌ എം കെ കമലമ്മ അദ്ധ്യക്ഷത വഹിച്ചു. ഗ്രാമപഞ്ചായത്ത്‌ വികസന സ്റ്റാന്‍ഡിങ്ങ് കമ്മിറ്റി ചെയര്‍മാന്‍ സി സന്തോഷ്‌, പഞ്ചായത്ത്‌ അംഗങ്ങളായ കെ കെ ബാലന്‍, ലീന പി എസ്‌ എന്നിവര്‍ സംസാരിച്ചു . ഗ്രാമപഞ്ചായത്ത്‌ സെക്രട്ടറി ഹരി ഇരിങ്ങാലക്കുട സ്വാഗതവും, പൂമംഗലം വെറ്റിനറി സര്‍ജന്‍ ഡോ സുനിത നന്ദിയും പറഞ്ഞു. 2011-12 സാമ്പത്തിക വര്‍ഷം തുടക്കം കുറിച്ച ആട്‌ ഗ്രാമം പദ്ധതിയുടെ മൂന്നാം ഘട്ടമാണ്‌ ഈ വര്‍ഷം നടപ്പിലാക്കിയത്‌. അര്‍ഹരായ ഗുണഭോക്താക്കളെ ഗ്രാമസഭകള്‍ വഴി കണ്ടെത്തി പൂമംഗലം സര്‍വ്വീസ്‌ സഹകരണ ബാങ്കിന്റെ സഹായത്തോടെ ലോണ്‍ ലിങ്ക്‌ ചെയ്‌തു കൊണ്ട്‌ ഗുണഭോക്താക്കള്‍ക്ക്‌ 2 ആടിനെ വീതം നല്‍കുന്നതാണ്‌ പദ്ധതി.


അരിപ്പാലം പതിയാംകുളങ്ങര ഭഗവതി ക്ഷേത്രത്തില്‍ അശ്വതിവേല ആഘോഷിച്ചു

15022405അരിപ്പാലം: പതിയാംകുളങ്ങര ഭഗവതി ക്ഷേത്രത്തില്‍ അശ്വതിവേല ആഘോഷിച്ചു. ചടങ്ങുകള്‍ക്ക് തന്ത്രി വിക്രമന്‍ നമ്പൂതിരി മുഖ്യകാര്‍മ്മികത്വം വഹിച്ചു. എഴുന്നള്ളിപ്പില്‍ 3 ഗജവീരന്‍മാര്‍ അണിനിരന്നു. മേളത്തിന് കലാമണ്ഡലം ശിവദാസന്‍ പ്രാമാണിത്വം വഹിച്ചു. വൈകീട്ട് ദീപാരാധന, തുടര്‍ന്ന് തിരുവാതിരക്കളി, നൃത്തസന്ധ്യ, നടയ്ക്കല്‍ തായമ്പക, വിളക്കെഴുന്നള്ളിപ്പ് എന്നിവ നടന്നു.


നിഷാമിന്റെ സാമ്പത്തിക ഇടപാടുകളെകുറിച്ച്‌ അന്വേഷണം നടത്തണം: ഹിന്ദു ഐക്യവേദി

15022309ഇരിങ്ങാലക്കുട : ചന്ദ്രബോസ്‌ കൊലക്കേസ്സ്‌ പ്രതി മുഹമ്മദ്‌ നിഷാമിന്റെ അനതികൃതസ്വത്തിനെ കുറിച്ചും കഴിഞ്ഞ കുറച്ചു വര്‍ഷങ്ങളില്‍ നടത്തിയ സാമ്പത്തിക ഇടപാടുകളെകുറിച്ചും സമഗ്രവും സത്യസന്ധവുമായ ഒരു അന്വേഷണം നടത്തണമെന്ന്‌ ഹിന്ദു ഐക്യവേദി നഗരസഭ സമ്മേളനം പ്രമേയത്തിലൂടെ ആവശ്യപ്പെട്ടു. അടുത്തകാലത്ത്‌ ചില ദേശവിരുദ്ധശക്തികള്‍ക്ക്‌ നിഷാം സാമ്പത്തിക സഹായം നല്‍കിയതായി കണ്ടെത്തിയതിനെ വളരെ ഗുരുതരമായി കാണണമെന്ന്‌ സമ്മേളനം ഗവര്‍മെന്റിനോട്‌ ആവശ്യപ്പെട്ടു. ഇരിങ്ങാലക്കുട നക്കര ഹാളില്‍ നടന്ന നഗരസഭ സമ്മേളനം ബാലഗോകുലം സംസ്ഥാന സെക്രട്ടറി സുനില്‍മാസ്റ്റര്‍ ഉദ്‌ഘാടനം ചെയ്‌തു. മുനിസ്സിപ്പല്‍ പ്രസിഡണ്ട്‌ വാസു ചുള്ളിപ്പറമ്പില്‍ അദ്ധ്യക്ഷത വഹിച്ചു. സംസ്ഥാന സമിതി അംഗം രവീന്ദ്രനാഥ്‌ കളരിക്കല്‍, ജില്ല സംഘടനാസെക്രട്ടറി രാജീവ്‌ ചാത്തംമ്പിള്ളി എന്നിവര്‍ പ്രസംഗിച്ചു. മുനിസ്സിപ്പല്‍ സെക്രട്ടറി വി.രവി സ്വാഗതവും ഷൈലന്‍ നന്ദിയും പറഞ്ഞു. പുതിയ ഭാരവാഹികളായി വാസു ചുള്ളിപ്പറമ്പില്‍ പ്രസിഡണ്ട്‌, മോഹന്‍ദാസ്‌ മൂര്‍ക്കനാട്‌ വര്‍ക്കിംഗ്‌ പ്രസിഡണ്ട്‌, ജനറല്‍ സെക്രട്ടറി വി.രവി, വി.വി.ഷാജന്‍ സംഘടന സെക്രട്ടറി, ഇ.വി.ഷൈലന്‍ ട്രഷറര്‍ എന്നിവരെ തെരഞ്ഞെടുത്തു.


പഞ്ചായത്ത് പ്രസിഡണ്ട് പദവി പിതാവിനുള്ള സ്നേഹസമ്മാനം : റോയ് ജെ കളത്തിങ്കല്‍

15022304കല്ലേറ്റുംകര : പഞ്ചായത്ത് പ്രസിഡണ്ട് പദവി പിതാവിനുള്ള സ്നേഹസമ്മാനമാണെന്ന് ആളൂര്‍ പഞ്ചായത്ത് പ്രസിഡണ്ട് ആയി തിരഞ്ഞെടുക്കപ്പെട്ട  റോയ് ജെ കളത്തിങ്കല്‍ പറഞ്ഞു. തന്റെ പിതാവിന് ഏറെ അര്‍ഹത ഉണ്ടായിട്ടും കിട്ടാക്കനി ആയിരുന്ന പഞ്ചായത്ത് പ്രസിഡണ്ട് പദവി തനിക്ക് ലഭിച്ചതില്‍ അതിയായ സന്തോഷമുണ്ടെന്നും അദ്ദേഹം പറഞ്ഞു. ഈ അധികാര കസേരയില്‍ പ്രസിഡണ്ട് ആയി ഇരിക്കാൻ കഴിഞ്ഞത് പിതാവായ ജോസ് പി കളത്തിങ്കല്‍ നിസ്വാര്‍ത്ഥവും ആത്മാര്‍ത്ഥവുമായ  പൊതുസേവനം കാഴ്ച്ച വച്ചതുകൊണ്ടാണെന്നും അദ്ദേഹം കൂട്ടിച്ചേര്‍ത്തു. ഇനി അല്‍പ കാലം മാത്രമേ  ഈ സ്ഥാനത്ത് ഇരിക്കാന്‍ കഴിയുള്ളൂവെങ്കിലും അര്‍പ്പണ ബോധത്തോടെ നാട്ടുകാര്‍ക്ക് വേണ്ടി പരമാവധി പ്രവര്‍ത്തിക്കണമെന്നും അദ്ദേഹം പറഞ്ഞു.  മുതിര്‍ന്ന കോണ്‍ഗ്രസ്  നേതാവും പ്രമുഖ സഹകാരിയും ദീര്‍ഘകാലം പഞ്ചായത്ത് അംഗവുമായിരുന്ന ജോസ് പി കളത്തിങ്കല്‍ ഇപ്പോള്‍ 73 വയസ്സ് പ്രായമായി എങ്കിലും മാള ബ്ലോക്ക് ടൌണ്‍ സഹകരണ ബാങ്ക് പ്രസിഡാണ്ടായി സേവനമനുഷ്ഠിക്കുകയാണ് അദ്ദേഹം.
related news :ആളൂര്‍ പഞ്ചായത്ത് : മൂന്നാം ഊഴത്തില്‍ റോയ് ജെ കളത്തിങ്കല്‍ പ്രസിഡണ്ട്


കാറളം കുമരഞ്ചിറ ഭഗവതി ക്ഷേത്രത്തിലെ ഭരണി മഹോത്സവം ഫെബ്രുവരി 24 ന്

14082706കാറളം : കുമരഞ്ചിറ ഭഗവതി ക്ഷേത്രത്തിലെ ഭരണി മഹോത്സവം ഫെബ്രുവരി 24 ചൊവ്വാഴ്ച ആഘോഷിക്കും. ക്ഷേത്രം തന്ത്രി ബ്രഹ്മശ്രീ തെക്കിനിയേടത്ത് തരണനെല്ലൂര്‍ മനയ്ക്കല്‍ നാരായണന്‍ നമ്പൂതിരിപ്പാട്‌ മുഖ്യകാര്‍മ്മികത്വം വഹിക്കും. രാവിലെ 3 മണിക്ക് നിര്‍മ്മാല്യ ദര്‍ശനം, ഉഷപൂജ,നവകം ,പഞ്ചഗവ്യ അഭിഷേകങ്ങള്‍ ,ഉച്ചപൂജ ,ശ്രീഭൂതബലി ,പുറത്തേയ്ക്ക് എഴുന്നുള്ളിപ്പ് എന്നിവ നടക്കും. തുടര്‍ന്ന് പഞ്ചാരിമേളം -പെരുവനം സതിശന്‍ മാരാര്‍ നേതൃത്വം നല്കും .ഉച്ചതിരിഞ്ഞ് 3 ന് കാഴ്ചശിവേലി, പഞ്ചവാദ്യം -പെരുവനം കൃഷ്ണകുമാറും സംഘവും തുടര്‍ന്ന് പെരുവനം സതിശൻ മാരാരുടെ നേതൃത്വത്തില്‍ പാണ്ടിമേളം . വൈകീട്ട് 6. 30 മണിക്ക് ചുറ്റുവിളക്ക് ,നിറമാല.ദീപാരാധന, ബ്രാഹ്മണിപ്പാട്ട് . രാത്രി 8 മണിക്ക് ഭക്തിഗാന സുധ തൃശൂര്‍ രവിവര്‍മ്മയും സംഘവും അവതരിപ്പിക്കും. രാത്രി 10 ന് മൂര്‍ക്കനാട് തേവരുടെ കുതിരപ്പുറത്ത് എഴുന്നള്ളത്ത്‌. രാത്രി 10 .30 ന് കേളി ,കൊമ്പ്പറ്റ് ,കുഴല്‍ പറ്റ് . 11 ന് പഞ്ചവാദ്യം ,നാദസ്വരം ,താലം എന്നിവയോടുകൂടി മനയ്ക്കൽപ്പടിയിലേയ്ക്ക് എഴുന്നള്ളിപ്പ് .പഞ്ചവാദ്യത്തിന് ശേഷം മേളത്തോടുകൂടി മനയ്ക്കൽപ്പടിക്കല്‍ താലം പൂജ ,പറ നിറയ്ക്കല്‍ ,തുടര്‍ന്ന് പാണ്ടിമേളം ,പാലക്കടയ്ക്കല്‍ ഗുരുതി. ഫെബ്രുവരി 25 ന് ഉച്ചയ്ക്ക് 2 മുതല്‍ ഭഗവതിയുടെ ഭൂതഗണങ്ങള്‍ക്കായി കാര്‍ത്തിക വേല , ആയിരങ്ങള്‍ കാവ് തീണ്ടും .


കുരുന്ന് പ്രതിഭകളുടെ വയലിന്‍ വിസ്മയം അരങ്ങേറി

15022308വെള്ളാങ്കല്ലൂര്‍ : പനങ്ങാട്ട് ശ്രീ ഭുവനേശ്വരി ശ്രീ രക്തേശ്വരി  ക്ഷേത്രത്തിലെ ഗുരുതി മഹോത്സവത്തോടനുബന്ധിച്ച് ” കുരുന്ന് പ്രതിഭകളുടെ വയലിന്‍ വിസ്മയം അരങ്ങേറി. ഗുരുകൃപ വയലിന്‍ വിദ്യാലയത്തിലെ വിദ്വാന്‍ മുരളി ചള്ളിയലിന്റെ ഇരുപത്തഞ്ചോളം ശിഷ്യരാണ് വയലിന്‍ വിസ്മയം ഒരുക്കിയത്. ടി വി പ്രബോധ് കൊടുങ്ങല്ലൂര്‍ മൃദംഗത്തിലും പ്രസാദ് തൃപ്രയാര്‍ തബലയിലും പക്കമേളമൊരുക്കി. കോഓര്‍ഡിനെറ്റര്‍ സുനില്‍ കുമാര്‍ വെള്ളാങ്കല്ലൂര്‍ തുടങ്ങിയവര്‍ നേതൃത്വം നല്‍കി.


ചേലൂര്‍ -അരിപ്പാലം റോഡില്‍ ചൊവാഴ്ച ഗതാഗത നിയന്ത്രണം ഉണ്ടായിരിക്കും

15022306ഇരിങ്ങാലക്കുട: പൂമംഗലം ശുദ്ധജല വിതരണ പദ്ധതിയുടെ ഭാഗമായി അരിപ്പാലം ജംഗ്ഷനില്‍ പൈപ്പുകള്‍ സ്ഥാപിക്കുന്നതിനാല്‍ ഫെബ്രുവരി 24 ന് അരിപ്പാലം- ചേലൂര്‍ റോഡില്‍ വാഹന ഗതാഗത നിയന്ത്രണം ഉണ്ടായിരിക്കുമെന്ന് കേരള വാട്ടര്‍ അതോറിറ്റി പ്രൊജക്റ്റ് ഡിവിഷന്‍ അസിസ്റ്റന്റ് എഞ്ചിനീയര്‍ അറിയിച്ചു.


സാക്ഷരത കലോത്സവം ഉദ്ഘാടനം ചെയ്തു

15022303ഇരിങ്ങാലക്കുട: ഇരിങ്ങാലക്കുട ബ്ലോക്ക്‌ പഞ്ചായത്തിന്റെ സാക്ഷരത കലോത്സവം പ്രസിഡണ്ട് ടി ജി ശങ്കരനാരായണന്‍ ഉദ്ഘാടനം ചെയ്തു. വൈസ് പ്രസിഡണ്ട് ലത ചന്ദ്രന്റെ അദ്ധ്യക്ഷതയില്‍ കൂടിയ ചടങ്ങില്‍ ആരോഗ്യ വിദ്യാഭ്യാസ സ്റാന്‍ഡിങ്ങ് കമ്മിറ്റി ചെയര്‍മാന്‍ എന്‍ എസ് സുശീല്‍ കുമാര്‍ , ക്ഷേമകാര്യ സ്റാന്‍ഡിങ്ങ് കമ്മിറ്റി ചെയര്‍പേഴ്സണ്‍ കെ കെ ഭാനുമതി ,ബ്ലോക്ക്‌ പഞ്ചായത്ത് അംഗങ്ങളായ കെ രാജേഷ് , ഐ ഡി ഫ്രാന്‍സിസ് മാസ്റ്റര്‍ ,കാഞ്ചന രാജന്‍ ,സാക്ഷരത കോ- ഓര്‍ഡിനെറ്റര്‍മാരായ സി ജി പല്‍പ്പു. ചന്ദ്രിക സുധാകരന്‍ , ബി ഡി ഓ. പി ഓ ജോസഫ് എക്സ്റ്റന്‍ഷന്‍ ഓഫിസര്‍ എം ഹരിദാസ് എന്നിവര്‍ സംസാരിച്ചു. മുരിയാട് , പറപ്പൂക്കര ,കാറളം ,കാട്ടൂര്‍ , ഗ്രാമപഞ്ചായത്തുകളില്‍ നിന്നായി നൂറ്റംമ്പതോളം കലാകാരന്മാര്‍ പങ്കെടുത്തു.


ചെങ്ങുംകാവ് ഭഗവതി ക്ഷേത്ര താലപ്പൊലി മഹോത്‌സവം ഫിബ്രവരി 25 ന്

15022302ഇരിങ്ങാലക്കുട: പ്രശസ്‌ത ഗണിത ശാസ്‌ത്രജ്ഞന്‍ ശ്രീ സംഗമ ഗ്രാമ മാധവന്റെ ജന്മത്താല്‍ അനുഗ്രഹീതമായ കല്ലേറ്റുംകര മാനാട്ടുകുന്ന്‌ ഇരിഞ്ഞാടപ്പിള്ളി ചെങ്ങുംകാവ്‌ ഭഗവതി ക്ഷേത്രത്തിലെ ഈ വര്‍ഷത്തെ താലപ്പൊലി മഹോത്‌സവം 2015 ഫിബ്രവരി 25 ബുധനാഴ്‌ച്ച വിവിധ പരിപാടികളോടെ ആഘോഷിക്കും. താലപ്പൊലി ദിനമായ ഫെബ്രുവരി 25 ന് രാവിലെ 3 മണിക്ക്‌ നടതുറക്കല്‍, തുടര്‍ന്ന്‌ ക്ഷേത്രാചാരചടങ്ങുകള്‍,ഉച്ചതിരിഞ്ഞ്‌ 2 മണിക്കു കാഴ്‌ച ശിവേലി, പഞ്ചവാദ്യം (2.15 മുതല്‍ 4.30 വരെ) : കുനിശ്ശേരി അനിയന്‍മാരാര്‍, കല്ലേകുളങ്ങര കൃഷ്‌ണവാര്യര്‍ ,പാണ്ടി മേളം (4.30 മുതല്‍ 6.30 വരെ) : പെരുവനം സതീശന്‍ മാരാരും സംഘവും,ഇരട്ട തായമ്പക (7.00 മുതല്‍ 10 വരെ) : മട്ടന്നൂര്‍ ഉദയന്‍ നമ്പൂതിരിയും ചിറയ്‌ക്കല്‍ നിധീഷും , തുടര്‍ന്ന് ബാലെ (10.00 മുതല്‍ 12.30 വരെ) : തിരുവനന്തപുരം സര്‍ഗ്ഗവീണ അവതരിപ്പിക്കുന്ന മാമാങ്കം, രാത്രി ഒരു മണിമുതല്‍ താലപ്പൊലി എഴുന്നള്ളിപ്പ്‌ , പഞ്ചവാദ്യം , പഞ്ചാരിമേളം ( കലാമണ്ഡലം ശിവദാസനും സംഘവും) പുലര്‍ച്ചെ 6 മണിക്ക്‌ ക്ഷേത്രാചാരചടങ്ങുകളും , സമാപനവും നടക്കും.


ആളൂര്‍ പഞ്ചായത്ത് : മൂന്നാം ഊഴത്തില്‍ റോയ് ജെ കളത്തിങ്കല്‍ പ്രസിഡണ്ട്

15022301കല്ലേറ്റുംകര: ആളൂര്‍ ഗ്രാമപഞ്ചായത്ത്‌ പ്രസിഡണ്ട് ആയി മൂന്നാം ഊഴത്തില്‍ കോണ്‍ഗ്രസ് ഐ ലെ റോയ് ജെ കളത്തിങ്കല്‍ തിരഞ്ഞെടുക്കപ്പെട്ടു. ആളൂര്‍ മണ്ഡലം യൂത്ത് കോണ്‍ഗ്രസ് പ്രസിഡണ്ട് , മാള നിയോജക മണ്ഡലം വൈസ് പ്രസിഡണ്ട് ,ആളൂര്‍ ഗ്രാമീണ വായനശാല സെക്രട്ടറി, ഇന്‍ഡോട്ട് ആര്‍ട്സ് ആന്റ് സ്പോര്‍ട്സ് ക്ലബ് പ്രസിഡണ്ട് , കെ സി വൈ എം സംസ്ഥാന സിന്‍ഡിക്കേറ്റ് മെമ്പര്‍ എന്നീ നിലകളില്‍ റോയ് ജെ കളത്തിങ്കല്‍ പ്രവര്‍ത്തനം കാഴ്ച വച്ചിട്ടുണ്ട്. മുതിര്‍ന്ന കോണ്‍ഗ്രസ് നേതാവും ട്രേഡ് യൂണിയന്‍ സംഘാടകനും ദീര്‍ഘകാലം പഞ്ചായത്തംഗവുമായിരുന്ന ജോസ് പി കളത്തിങ്കലിന്റെയും റോസിയുടെയും മൂത്തമകനാണ് ഈ 35 കാരന്‍ . തെക്കന്‍ താണിശ്ശേരി കല്ലറയ്ക്കല്‍ കുടുബാംഗം നിമ്മിയാണ് ഭാര്യ. ആരോണ്‍ ,അഡോണ്‍ എന്നിവര്‍ മക്കളാണ്. പഞ്ചായത്ത്‌ പ്രസിഡന്റായിരുന്ന അയ്യപ്പന്‍ അങ്കാരത്ത്‌ രാജിവെച്ചതിനെ തുടര്‍ന്നാണ്‌ പ്രസിഡന്റ്‌ തിരഞ്ഞെടുപ്പ്‌ നടക്കുന്നത്‌. റോയ്‌ ജെ. കളത്തിങ്കലിന്‌ അനുകൂലമായി വോട്ട്‌ രേഖപ്പെടുത്തുവാന്‍ ഡിസിസി പ്രസിഡന്റ്‌ ഒ. അബ്ദുള്‍ റഹ്മാന്‍കുട്ടി 13 അംഗങ്ങള്‍ക്ക്‌ വിപ്പ്‌ നല്‍കിയിരുന്നു . പഞ്ചായത്തില്‍ 13 കോണ്‍ഗ്രസ്സ്‌ അംഗങ്ങളും 10 എല്‍.ഡി.എഫ്‌ അംഗങ്ങളുമാണുള്ളത്‌. എല്‍.ഡി.എഫ്‌ 15022304അധീനതയിലായിരുന്ന ആളൂര്‍ പഞ്ചായത്ത്‌ ഭരണം മൂന്ന്‌ പതിറ്റാണ്ടിനുശേഷമാണ്‌ യുഡിഎഫ്‌ പിടിച്ചെടുത്തത്‌. ആദ്യ പ്രസിഡന്റായിരുന്ന എന്‍.കെ ജോസഫ്‌ കോണ്‍ഗ്രസ്സിനുള്ളിലെ ഗ്രൂപ്പ്‌ വഴക്കിനെ തുടര്‍ന്ന്‌ 2013ല്‍ രാജിവെച്ചിരുന്നു. തുടര്‍ന്ന്‌ എ ഗ്രൂപ്പുകാരനായ അയ്യപ്പന്‍ അങ്കാരത്ത്‌ പ്രസിഡന്റായി അധികാരത്തിലെത്തി. അവസാന ഒരു വര്‍ഷം റോയിക്ക്‌ നല്‍കണമെന്ന ധാരണയുടെ അടിസ്ഥാനത്തില്‍ ഒക്ടോബറില്‍ സ്ഥാനമൊഴിയേണ്ടിയിരുന്ന അയ്യപ്പന്‍ അങ്കാരത്ത്‌ പാര്‍ട്ടി സമ്മര്‍ദ്ദത്തെ തുടര്‍ന്ന്‌ ജനുവരി 31നാണ്‌ തല്‍സ്ഥാനം രാജിവെച്ചത്‌.13 വോട്ട് റോയ് ജെ കളത്തിങ്കലിനും എതിര്‍ സ്ഥാനാര്‍ഥി യു കെ പ്രഭാകരന് 10 വോട്ടുമാണ് ലഭിച്ചത്. കല്ലേറ്റുംകര സബ് രജിസ്ട്രാര്‍ പി യു ശാരദ വരണാധികാരിയായിരുന്നു.

related news : പഞ്ചായത്ത് പ്രസിഡണ്ട് പദവി പിതാവിനുള്ള സ്നേഹസമ്മാനം : റോയ് ജെ കളത്തിങ്കല്‍


അക്ഷര ജാഥയും ഭാഷാ വൃക്ഷവും : ഭാരതീയ വിദ്യാഭവനില്‍ മാതൃഭാഷാദിനം ആഘോഷിച്ചു

15022305ഇരിങ്ങാലക്കുട: ഭാരതീയ വിദ്യാഭവന്‍ സ്കൂളില്‍ മാതൃഭാഷാ ദിനാചരണത്തിന്റെ ഭാഗമായി വിദ്യാര്‍ത്ഥികള്‍ അക്ഷരജാഥ നടത്തി. വിവിധ മലയാളഭാഷ അക്ഷരങ്ങള്‍ എഴുതിയ പ്ലക് കാര്‍ഡുകളുമായി കുരുന്നുകള്‍ മലയാള ഭാഷയോട് ആദരവ് കാട്ടി.വിദ്യാലയത്തിലുള്ള കണിക്കൊന്ന വൃക്ഷങ്ങള്‍ ഭാഷാവൃക്ഷങ്ങളായി ചമയ്ക്കുകയും. മലയാള ഭാഷാദ്ധ്യാപകരുടെ നേതൃത്വത്തില്‍ വിദ്യാര്‍ത്ഥികള്‍ക്ക് ക്വിസ് മത്സരം , പ്രസംഗ മത്സരം എന്നിവയും നടന്നു.പ്രിന്‍സിപ്പാള്‍ രാമാ നാരായണന്‍ മാതൃഭാഷാദിന ആശംസാ പ്രസംഗം നടത്തി.


ആനയ്ക്കല്‍ ശ്രീ ധന്വന്തരി ക്ഷേത്രത്തില്‍ വിദ്യഗോപാല മന്ത്രാര്‍ച്ചന നടന്നു

15022307കോണത്ത്കുന്ന് : താണിയത്ത്കുന്ന് ആനയ്ക്കല്‍ ശ്രീ ധന്വന്തരി ക്ഷേത്രത്തില്‍ വിദ്യഗോപാല മന്ത്രാര്‍ച്ചന നടന്നു. ഗുരുവായൂര്‍ ക്ഷേത്രം മുന്‍ മേല്‍ശാന്തി ബ്രഹ്മശ്രീ മൂര്‍ക്കന്നൂര്‍ ശ്രീഹരി നമ്പൂതിരി അര്‍ച്ചനയ്ക്ക് നേതൃത്വം നല്‍കി. മേയ്ക്കാട് വാസുദേവന്‍ നമ്പൂതിരി സഹ കാര്‍മ്മികത്വം വഹിച്ചു.


Top