IRINJALAKUDALIVE.COM

എടക്കുളത്ത് വീട്ടില്‍ നിന്നും മൂന്നരലക്ഷം രൂപ കളവ് പോയി

15032108എടക്കുളം : എടക്കുളം പുല്ലാടപ്പുള്ളി ആനന്ദാമൃതത്തില്‍ ചന്ദ്രശേഖരന്റെ വീട്ടില്‍ നിന്നും മൂന്നരലക്ഷം രൂപ മോഷണം പോയി. കിടപ്പുമുറിയില്‍ അലമാരയില്‍ സൂക്ഷിച്ചിരുന്ന പണമാണ് നഷ്ടപ്പെട്ടത്. വീട് പുതുക്കി പണിയുന്നതിന് വേണ്ടി രണ്ട് ദിവസം മുമ്പ് ബാങ്കില്‍ നിന്നും പിന്‍വലിച്ചതായിരുന്നു പണം . ശനിയാഴ്ച രാവിലെയാണ് പണം കാണാനില്ലെന്നത് വീട്ടുകാരുടെ ശ്രദ്ധയില്‍പെട്ടത്. വാതിലിലോ ,അലമാരയിലോ കുത്തി തുറന്നത്തിന്റെ ലക്ഷണമൊന്നും കാണാനില്ല . ഇരിങ്ങാലക്കുട സര്‍ക്കിള്‍ ഇന്‍സ്പെക്ടര്‍ ടി എസ് സിനോജിന്റെ നേതൃത്വത്തിലുള്ള പോലിസ് സംഘം സ്ഥലത്തെത്തി അന്വേഷണം നടത്തി. തൃശ്ശൂരില്‍ നിന്നുള്ള വിരലടയാള വിദഗ്ദര്‍ സംഭവസ്ഥലത്തെത്തി തെളിവുകള്‍ ശേഖരിച്ചു.


ലോട്ടസ് പ്രീമിയര്‍ ലീഗ് ഫ്ലഡ് ലിറ്റ് ക്രിക്കറ്റ് ടൂര്‍ണ്ണമെന്റിന്റെ തത്സമയ സംപ്രേക്ഷണം ഇരിങ്ങാലക്കുട ലൈവ്ഡോട്ട് കോമില്‍

15032021ഇരിങ്ങാലക്കുട : ലോട്ടസ് പ്രീമിയര്‍ ലീഗ് ഫ്ലഡ് ലിറ്റ് ക്രിക്കറ്റ് ടൂര്‍ണ്ണമെന്റിന്റെ തത്സമയ സംപ്രേക്ഷണം അയ്യങ്കാവ് മൈതാനത്ത് നിന്നും ഇരിങ്ങാലക്കുട ലൈവ്ഡോട്ട് കോമില്‍. മാര്‍ച്ച് 20 ഞായറാഴ്ച 6 മണിക്ക് നടക്കുന്ന ഫൈനലിന് ശേഷം നടക്കുന്ന പൊതു സമ്മേളനത്തില്‍ വിജയികളായവര്‍ക്ക് സമ്മാനങ്ങള്‍ വിതരണം ചെയ്യും. തുടര്‍ന്ന് കലാപരിപാടികള്‍ അരങ്ങേറുമെന്ന് ക്ലബ് ഭാരവാഹികള്‍ അറിയിച്ചു.സിറ്റി ബോയ്സ് ആഷസ് തിരുവനന്തപുരം , ആരാധന ഇരിങ്ങാലക്കുട ,കിങ്ങ്സ് ഇലവന്‍ പാറപ്പുറം , ഷോഗന്‍ തൃശൂര്‍ ,ലയണ്‍സ് ക്ലബ് കാറളം , ലമ്പാബ ജന്റ്സ് വെയര്‍ കാറളം ,ടൈഗേഴ്സ് ബാഗ്ലൂര്‍ , സെന്റ്‌ പോള്‍സ് എറണാകുളം ,പാര്‍ത്ഥസാരഥി എറണാകുളം ,ലോഡ്സ് ക്ലബ് ഇരിങ്ങാലക്കുട , കല്ലട ഇരിങ്ങാലക്കുട എന്നീ ടീമുകളാണ് മത്സരത്തില്‍ പങ്കെടുക്കുന്നത്.


സ്പോര്‍ട്സ്‌ കിറ്റുകള്‍ വിതരണം ചെയ്തു

15032105വെള്ളാങ്കല്ലൂര്‍ : വെള്ളാങ്കല്ലൂര്‍ ഗ്രാമപഞ്ചായത്ത്‌ 2014-2015 ജനകീയാസൂത്രണ പദ്ധതിയില്‍ പഞ്ചായത്തിലെ വിദ്യാലയങ്ങള്‍ക്കുള്ള സ്പോര്‍ട്സ് ഉപകരങ്ങള്‍ പ്രസിഡണ്ട് അനില്‍ മാന്തുരുത്തി വിതരണം ചെയ്തു. വൈസ് പ്രസിഡണ്ട് നസീമ നാസര്‍ അദ്ധ്യക്ഷത വഹിച്ചു. സ്റ്റാന്‍ഡിങ്ങ് കമ്മിറ്റി ചെയര്‍മാന്‍മാരായ ഉണ്ണികൃഷ്ണന്‍ കുറ്റിപറമ്പില്‍ ,ഷീമ വിജയന്‍ , മെമ്പര്‍ എം എച്ച് ബഷീര്‍ , ശോഭന പി മേനോന്‍ , കെ എ വര്‍ഗ്ഗീസ് എന്നിവര്‍ സംസാരിച്ചു.


ആരോഗ്യ സന്ദേശ യാത്രയ്ക്ക് കോണത്തുകുന്നില്‍ സ്വീകരണം നല്കി

15032102വെള്ളാങ്കല്ലൂര്‍ : സംസ്ഥാന ആരോഗ്യ വകുപ്പ് പകര്‍ച്ചവ്യാധി പ്രധിരോധ പ്രവര്‍ത്തനങ്ങളുടെയും ബോധവത്കരണ പരിപാടികളുടെയും ഭാഗമായി നടത്തുന്ന ആരോഗ്യ സന്ദേശ യാത്രയ്ക്ക് വെള്ളാങ്കല്ലൂര്‍ ഗ്രാമപഞ്ചായത്തിന്റെ നേതൃത്വത്തില്‍ കോണത്തുകുന്നില്‍ സ്വീകരണം നല്കി. വെള്ളാങ്കല്ലൂര്‍ ബ്ലോക്ക്‌ പഞ്ചായത്ത് പ്രസിഡണ്ട് ആലീസ് തോമസ്‌ ഉദ്ഘാടനം നിര്‍വഹിച്ചു. വെള്ളാങ്കല്ലൂര്‍ ഗ്രാമപഞ്ചായത്ത്‌ പ്രസിഡണ്ട് അനില മാന്തുരുത്തി അദ്ധ്യക്ഷത വഹിച്ച ചടങ്ങില്‍ ബ്ലോക്ക്‌ വൈസ് പ്രസിഡണ്ട് ഇ വി സജീവ്‌, ബ്ലോക്ക് അംഗങ്ങളായ ചെല്ലമ്മ നാരായണന്‍ , ചന്ദ്രിക ശിവരാമന്‍ , പഞ്ചായത്ത് അംഗങ്ങളായ പി കെ എം അഷറഫ് ,നസീമ നാസര്‍ , ഉണ്ണികൃഷ്ണന്‍ കുറ്റിപറമ്പില്‍ , എം ബി അന്നാസ്‌ ,നിഷ ഷാജി, ഷീല സജീവ്‌ ,എം കെ മോഹനന്‍ , കനക പ്രസാദ് ,വത്സല ബാബു എന്നിവര്‍ സംസാരിച്ചു.


ചെമ്മണ്ട ഭാഗത്ത്  നിന്നും വരുന്ന ബസ്സുകള്‍ പാതി വഴിയില്‍ ട്രിപ്പ് അവസാനിപ്പികുന്നതായി പരാതി 

15032104ഇരിങ്ങാലക്കുട: കാറളം, ചെമ്മണ്ട, കാട്ടൂര്‍ ബസ്സുകള്‍ അയ്യങ്കാവ് മൈതാനിയിലേക്ക് പോകാതെ ബൈപ്പാസ് റോഡില്‍ ട്രിപ്പ് അവസാനിപ്പിക്കുന്നതായി പരാതി. ബസ്സ്‌ സ്റ്റാന്റ് നവീകരണത്തിന്റെ ഭാഗമായി താത്ക്കാലിക ബസ്സ്‌ സ്റ്റാന്റ് ആയി പ്രവര്‍ത്തിക്കുന്നഅയ്യങ്കാവ് മൈതാനിയിലേക്ക് എല്ലാ ബസ്സുകളും പോകണമെന്ന പോലീസ് നിര്‍ദ്ദേശം നിലനില്‍ക്കുമ്പോളാണ് ബസ്സ്‌ ജീവനക്കാര്‍ പാതിവഴിയില്‍ ട്രിപ്പ് അവസാനിപ്പിച്ച് യാത്രക്കാരെ ബുദ്ധിമുട്ടിലാക്കുന്നത്. ഇത്തരം ബസ്സുകള്‍ക്കെതിരെ കര്‍ശന നടപടി സ്വീകരിക്കുമെന്ന് ഇരിങ്ങാലക്കുട സി.ഐ.സിനോജ് പറഞ്ഞു.


കൂടല്‍മാണിക്യം പടിഞ്ഞാറേകുളം നവീകരണം പുരോഗമിക്കുന്നു

15032106ഇരിങ്ങാലക്കുട: ഇരിങ്ങാലക്കുട കൂടല്‍മാണിക്യം ക്ഷേത്രത്തിലെ പടിഞ്ഞാറേകുളം നവീകരണം പുരോഗമിക്കുന്നു. കെ എസ് ഇ ലിമിറ്റഡിന്റെ സഹായത്തോടെ 20 ലക്ഷം രൂപ ചിലവഴിച്ചിട്ടാണ് പടിഞ്ഞാറേകുളം നവീകരിക്കുന്നതെന്ന് കൂടല്‍മാണിക്യം ദേവസ്വം ചെയര്‍മാന്‍ പനമ്പിള്ളി രാഘവ മേനോന്‍ പറഞ്ഞു. കൂടല്‍മാണിക്യം ക്ഷേത്രത്തിന് വേണ്ടി ഇത്തരം ഒരു കാര്യം ചെയ്യാന്‍ കഴിഞ്ഞതില്‍ അതിയായ സന്തോഷം ഉണ്ടെന്ന് കെ എസ് ഇ ലിമിറ്റഡ് മാനേജിങ്ങ് ഡയറക്ടര്‍ എം സി പോളും ചീഫ് ജനറല്‍ മാനേജര്‍ ആനന്ദ് മേനോനും പ്രതികരിച്ചു.


വെള്ളാങ്കല്ലൂരില്‍ മുട്ടക്കോഴി വിതരണം

14060902കരുപ്പടന്ന : നാലും ആറും ദിവസം പ്രായമായ പ്രതിരോധ കുത്തിവയ്പ്പ് നല്കിയിട്ടുള്ള നല്ലയിനം മുട്ടക്കോഴികളെ ഒന്നിന് 90 രൂപ നിരക്കില്‍ വെള്ളാങ്കല്ലൂര്‍ മൃഗാശുപത്രിയില്‍ നിന്നും തിങ്കളാഴ്ച രാവിലെ 9. 30 മുതല്‍ 11 മണി വരെ വിതരണം ചെയ്യും . താത്പര്യം ഉള്ളവര്‍ പേര് രജിസ്റ്റര്‍ ചെയ്യേണ്ടതാണ്. കൂടുതല്‍ വിവരങ്ങള്‍ക്ക് 0480-2863071 എന്ന നമ്പറില്‍ ബന്ധപ്പെടണമെന്ന് വെറ്റിനറി സര്‍ജന്‍ അറിയിച്ചു.


പടിയൂരിലെ വ്യവസായ പാര്‍ക്കിന് വേണ്ടി സംഘടനകള്‍ രംഗത്ത്

kinfra-2പടിയൂര്‍ : വ്യവസായ പാര്‍ക്കിന് വേണ്ടി ബജറ്റില്‍ പണം അനുവദിക്കാതെ പടിയൂരിലെ ജനങ്ങളെ പറ്റിക്കുകയാണ് ഇരിങ്ങാലക്കുട എം എല്‍ എ അഡ്വ തോമസ്‌ ഉണ്ണിയാടന്‍ ചെയ്തതെന്ന് ഡി വൈ എഫ് ഐ എടതിരിഞ്ഞി വില്ലേജ് കമ്മിറ്റി സെക്രട്ടറി വി എസ് സുബീഷ് പറഞ്ഞു. പ്രഖ്യാപനങ്ങള്‍ മാത്രം നല്‍കി ഫ്ലക്സ് വക്കുക മാത്രമാണ് എം എല്‍ എ എന്ന നിലയില്‍ ഉണ്ണിയാടന്‍ ചെയ്തതെന്നും , ഇതിനെതിരെ ഡി വൈ എഫ് ഐ സമര രംഗത്തേക്ക് ഇറങ്ങുമെന്നും അദ്ദേഹം കൂട്ടിച്ചേര്‍ത്തു
പടിയൂര്‍: യുവജനങ്ങൾക്ക്‌ തൊഴിലവസരങ്ങള്‍ സൃഷ്ടിക്കുമെന്ന് പ്രഖ്യാപിച്ചുകൊണ്ട് കിന്‍ഫ്രയുടെ നേതൃത്വത്തില്‍ പടിയൂര്‍ പഞ്ചായത്തില്‍ സ്ഥാപിക്കുമെന്ന് പറഞ്ഞ വ്യവസായ പാര്‍ക്കിനുവേണ്ടി ബജറ്റില്‍ ഒരു രൂപ പോലും വകകൊള്ളിക്കാതെയും പദ്ധതിയ്ക്ക് വേണ്ടിയുള്ള സ്ഥലമെടുപ്പ് പൂര്‍ത്തികരിക്കാതെയും ജനങ്ങള്‍ പ്രതിക്ഷയോടെ കണ്ടിരുന്ന പദ്ധതി പൂര്‍ത്തികരിക്കുവാന്‍ യാതൊരു നടപടിയും സ്വീകരിക്കാത്ത തോമസ്‌ ഉണ്ണിയാടന്‍ എം എല്‍ എ യുടെ നിഷ്ക്രിയ പ്രവര്‍ത്തനത്തിനെതിരെ ബി ജെ പി പടിയൂര്‍ പഞ്ചായത്ത് കമ്മിറ്റി ശക്തമായി പ്രതിക്ഷേധിച്ചു. കമ്മിറ്റി പ്രസിഡണ്ട് ബിനോയ്‌ കോലന്ത്ര അദ്ധ്യക്ഷത വഹിച്ചു. ജിനചന്ദ്രപ്രസാദ് കെ വി ,അനൂപ്‌ മാമ്പ്ര , ക്ഷിതിരാജ് പവിത്രന്‍ , കെ കെ അജയന്‍ പൊന്നമ്പുള്ളി , ശരത് കെ എസ് , ശ്രീജിത്ത് മണ്ണായി എന്നിവര്‍ സംസാരിച്ചു.


ബീഫ് ഫെസ്റ്റ് തിങ്കളാഴ്ച്ച മാപ്രാണം സെന്ററില്‍

15032101മാപ്രാണം:വര്‍ഗ്ഗീയ ഫാസിസത്തിനെതിരെ എന്ന മുദ്രാവാക്യമുയര്‍ത്തി ഡി.വൈ.എഫ്.ഐ ഇരിങ്ങാലക്കുട ബ്ലോക്ക് കമ്മിറ്റിയുടെ നേതൃത്വത്തില്‍ 23 തിയ്യതി തിങ്കളാഴ്ച്ച മാപ്രാണം സെന്ററില്‍ ബീഫ് ഫെസ്റ്റ് നടത്തുമെന്ന് നേതാക്കള്‍ അറിയിച്ചു. വൈകീട്ട് 5 ന് നടത്തുന്ന ബീഫ് ഫെസ്റ്റ് ഡി.വൈ.എഫ്.ഐ. സംസ്ഥാന ജോയിന്റ് സെക്രട്ടറി സി.സുമേഷ് ഉദ്ഘാടനം ചെയ്യും.


ഇ എം എസ് ,എ കെ ജി ദിനാചരണം സംഘടിപ്പിച്ചു

15032107ഇരിങ്ങാലക്കുട: സി പി ഐ എം വേളൂക്കര വെസ്റ്റ്‌,ഈസ്റ്റ്‌ ലോക്കല്‍ കമ്മിറ്റികളുടെ ആഭിമുഖ്യത്തില്‍ പട്ടേപ്പാടത്ത് ഇ എം എസ് ,എ കെ ജി ദിനാചരണം സംഘടിപ്പിച്ചു . ദിനാചരണ ചടങ്ങ് സി പി ഐ (എം) ജില്ല സെക്രട്ടേറിയേറ്റ് പ്രൊഫ എം മുരളിധരന്‍ ഉദ്ഘാടനം ചെയ്തു. ഏരിയ കമ്മിറ്റി അംഗം ടി എസ് സജീവന്‍ മാസ്റ്റര്‍ അദ്ധ്യക്ഷത വഹിച്ചു. ഏരിയ കമ്മിറ്റി അംഗം കെ പി ദിവാകരന്‍ മാസ്റ്റര്‍ വേളൂക്കര ലോക്കല്‍ സെക്രട്ടറി എന്‍ കെ അരവിന്ദാക്ഷന്‍ മാസ്റ്റര്‍ ,ഈസ്റ്റ്‌ ലോക്കല്‍ കമ്മിറ്റി സെക്രട്ടറി കെ എ ഗോപി എന്നിവര്‍ സംസാരിച്ചു.


പ്രഥമ ലോട്ടസ് പ്രീമിയര്‍ ലീഗ് ഫ്ലഡ് ലിറ്റ് ക്രിക്കറ്റ് ടൂര്‍ണ്ണമെന്റ് ആരംഭിച്ചു

15032020ഇരിങ്ങാലക്കുട: ഇരിങ്ങാലക്കുട ലോട്ടസ് ക്ലബിന്റെ ആഭിമുഖ്യത്തിൽ നടക്കുന്ന പ്രഥമ ലോട്ടസ് പ്രീമിയര്‍ ലീഗ് ഫ്ലഡ് ലിറ്റ് ക്രിക്കറ്റ് ടൂര്‍ണ്ണമെന്റ് ആരംഭിച്ചു. ഇരിങ്ങാലക്കുട നഗരസഭാ ചെയര്‍പേഴ്സണ്‍ മേരിക്കുട്ടി ജോയ് ടൂര്‍ണ്ണമെന്റ് ചെയ്തു. . നഗരസഭാ വൈസ് ചെയര്‍മാന്‍ ടി വി ചാര്‍ളി അദ്ധ്യക്ഷത വഹിച്ചു . വെള്ളി ശനി ദിവസങ്ങളില്‍ വൈകീട്ട് 6 മണി മുതല്‍ 12 മണി വരെയായിരിക്കും കളി നടക്കുക . മാര്‍ച്ച് 20 ഞായറാഴ്ച 6 മണിക്ക് നടക്കുന്ന ഫൈനലിന് ശേഷം നടക്കുന്ന പൊതു സമ്മേളനത്തില്‍ വിജയികളായവര്‍ക്ക് സമ്മാനങ്ങള്‍ വിതരണം ചെയ്യും. തുടര്‍ന്ന് കലാപരിപാടികള്‍ അരങ്ങേറുമെന്ന് ക്ലബ് ഭാരവാഹികള്‍ അറിയിച്ചു.സിറ്റി ബോയ്സ് ആഷസ് തിരുവനന്തപുരം , ആരാധന ഇരിങ്ങാലക്കുട ,കിങ്ങ്സ് ഇലവന്‍ പാറപ്പുറം , ഷോഗന്‍ തൃശൂര്‍ ,ലയണ്‍സ് ക്ലബ് കാറളം , ലമ്പാബ ജന്റ്സ് വെയര്‍ കാറളം ,ടൈഗേഴ്സ് ബാഗ്ലൂര്‍ , സെന്റ്‌ പോള്‍സ് എറണാകുളം ,പാര്‍ത്ഥസാരഥി എറണാകുളം ,ലോഡ്സ് ക്ലബ് ഇരിങ്ങാലക്കുട , കല്ലട ഇരിങ്ങാലക്കുട എന്നീ ടീമുകളാണ് മത്സരത്തില്‍ പങ്കെടുക്കുന്നത്. ലോട്ടസ് പ്രീമിയര്‍ ലീഗ് ഫ്ലഡ് ലിറ്റ് ക്രിക്കറ്റ് ടൂര്‍ണ്ണമെന്റിന്റെ തത്സമയ സംപ്രേക്ഷണം ഇരിങ്ങാലക്കുടലൈവ്ഡോട്ട് കോമില്‍ ഉണ്ടായിരിക്കുന്നതാണ്.
15032021


“അനുമോദന ഫ്ലക്സുകള്‍ ” വീണ്ടും റോഡുകള്‍ കൈയ്യേറുന്നു

15032008ഇരിങ്ങാലക്കുട: ഇരിങ്ങാലക്കുടയിലെ പൊതുനിരത്തുകള്‍ “പുരസ്കാര ജേതാക്കളുടെ അനുമോദന, അഭിനന്ദന ഫ്ലക്സുകളും സംഘടനകളുടെ ഫ്ലക്സുകളെയും കൊണ്ട് വീണ്ടും നിറയുന്നു. ആദ്യ കാലങ്ങളില്‍ രാഷ്ട്രിയക്കാരുടെ ഫ്ലക്സുകളാണ് നടപ്പാതകള്‍ കൈയ്യേറി സ്ഥാപിച്ചിരുന്നതെങ്കില്‍ ഇത്തരം അവാര്‍ഡ് ജേതാക്കളുടെ ഫ്ലക്സുകള്‍ കൊണ്ടാണ് പൊതുജനത്തിന് ഇപ്പോള്‍ ശല്യം . പൗരസമിതികളുടെയും സുഹൃത്തുക്കളുടെയും പേരില്‍ സ്ഥാപിക്കുന്ന പല ഫ്ലക്സുകളും സ്വന്തം പോക്കറ്റില്‍ നിന്ന് ചിലവാക്കി വക്കുന്നു എന്നുള്ളതാണ് യാഥാര്‍ത്ഥ്യം. ഠാണാവിലെ ട്രാഫിക് ഐലന്റിന് സമീപം ജയിലിനോട് ചേര്‍ന്നുള്ള നടപ്പാതയില്‍ എതിര്‍വശത്ത് നിന്ന് വരുന്ന വാഹനങ്ങളെ കാണാനാവാതെ മറയായി നില്‍ക്കുന്നത്. പത്തിലധികം ഫ്ലക്സുകളാണ് ഇതില്‍ അധികവും ഇത്തരം ” അനുമോദന ഫ്ലക്സുകളാണ്.പൊതുനിരത്തില്‍ അനധികൃത ഫ്ലക്സുകള്‍ സ്ഥാപിക്കുന്നതില്‍ നടപടിയെടുക്കാന്‍ അധികാരമുള്ള സര്‍ക്കാര്‍ ഉദ്യോഗസ്ഥര്‍ പോലും ഇത്തരം ഫ്ലക്സുകള്‍ വയ്ക്കുന്നതാണ്‌ ഇതിലെ വിരോധാഭാസം.15032009


ആവേശത്തിന്റെ ആനപ്പുറമേറ്റി കോമ്പാറ ശ്രീകൃഷ്ണസ്വാമി ക്ഷേത്രത്തില്‍ പഞ്ചവാദ്യം

15032010ഇരിങ്ങാലക്കുട : കോമ്പാറ ശ്രീകൃഷ്ണസ്വാമി ക്ഷേത്രത്തില്‍ വെള്ളിയാഴ്ച വിശേഷാല്‍ ദീപാരാധനയോടനുബന്ധിച്ച് പഞ്ചവാദ്യം സംഘടിപ്പിച്ചു. വൈകീട്ട് 6 മണിക്ക് നടക്കുന്ന പരിപാടിയില്‍ പഞ്ചവാദ്യരംഗത്തെ സമാനതകളില്ലാത്ത അതികായന്മാരായ ചോറ്റാനിക്കര വിജയന്‍, കുനിശ്ശേരി ചന്ദ്രന്‍ , മട്ടന്നൂര്‍ ഉദയന്‍ നമ്പൂതിരി , മച്ചാട് മണികണ്ഠന്‍ , പാഞ്ഞാള്‍ വേലുക്കുട്ടി എന്നിവര്‍ക്കൊപ്പം പ്രതിഭാധനരായ യുവാക്കളും പഞ്ചവാദ്യത്തില്‍ പങ്കെടുത്തു .


ജാഗ്രതാ സമിതിയുടെ ബ്ലോക്ക്‌ തല -അവലോകന യോഗം സംഘടിപ്പിച്ചു

15032007ഇരിങ്ങാലക്കുട: ജില്ലാ പഞ്ചായത്തിന്റെ 2014-15 വര്‍ഷത്തെ പദ്ധതിയുടെ ഭാഗമായി ഇരിങ്ങാലക്കുട ഐ.സി.ഡി.എസ്‌. ന്റെ ആഭിമുഖ്യത്തില്‍ ബ്ലോക്ക്‌ പഞ്ചായത്തിന്റെ കീഴില്‍ വരുന്ന പഞ്ചായത്തുകളിലെ ജാഗ്രതാ സമിതിയുടെ നാളിതുവരെയുള്ള പ്രവര്‍ത്തനം വിലയിരുത്തി. തുടര്‍ പ്രവര്‍ത്തനങ്ങള്‍ കൂടുതല്‍ കാര്യക്ഷമമാക്കുന്നതിനുവേണ്ടിയുള്ള അവലോകന യോഗം ഇരിങ്ങാലക്കുട ബ്ലോക്ക്‌ പഞ്ചായത്ത്‌ ഹാളില്‍ വെച്ച്‌ കാറളം പഞ്ചായത്ത്‌ പ്രസിഡന്റ്‌ എന്‍.കെ. ഓമനയുടെ അദ്ധ്യക്ഷതയില്‍ ഇരിങ്ങാലക്കുട ബ്ലോക്ക്‌ പഞ്ചായത്ത്‌ പ്രസിഡന്റ്‌ ശ്രീ. ടി.ജി.ശങ്കരനാരായണന്‍ ഉദ്‌ഘാടനം ചെയ്‌തു. അഡ്വ. കെ.ജി. സതീശന്‍ ചര്‍ച്ച നയിച്ചു.


കുടുംബശ്രീ അയല്‍ക്കൂട്ടം “തണല്‍ ” പ്രവര്‍ത്തനം ആരംഭിച്ചു

ഇരിങ്ങാലക്കുട: മാനസിക വെല്ലുവിളികള്‍ നേരിടുന്നവര്‍ക്കായി പ്രത്യേക കുടുംബശ്രീ അയല്‍ക്കൂട്ടം ” തണല്‍ ” പ്രവര്‍ത്തനം ആരംഭിച്ചു. ഇരിങ്ങാലക്കുട നഗരസഭാ കുടുംബശ്രീ പദ്ധതി സി ഡി എസ് ഒന്നില്‍ കൊരുമ്പിശ്ശേരി മുപ്പതാം വാര്‍ഡിലാണ് തണല്‍ പ്രവര്‍ത്തനം ആരംഭിച്ചത്. ഇരിങ്ങാലക്കുട മിനി ടൌണ്‍ ഹാളില്‍ നടന്ന പ്രവര്‍ത്തനോദ്ഘാടനം ഇരിങ്ങാലക്കുട നഗരസഭ ചെയര്‍പേഴ്സണ്‍ മേരിക്കുട്ടി ജോയ് നിര്‍വഹിച്ചു. സി ഡി എസ് ചെയര്‍പേഴ്സണ്‍ ലത സുധാകരന്‍ അദ്ധ്യക്ഷത വഹിച്ചു. മുനിസിപ്പല്‍ വൈസ് ചെയര്‍മാന്‍ ടി വി ചാര്‍ളി ,കൌണ്‍സിലര്‍മാരായ കാഞ്ചന കൃഷ്ണന്‍, നിഷ അജയന്‍ , മുനിസിപ്പല്‍ സെക്രട്ടറി സീന എസ് കുമാര്‍ തുടങ്ങിയവര്‍ സംസാരിച്ചു.


Top