IRINJALAKUDALIVE.COM

അംഗന്‍വാടി കെട്ടിടം ഉദ്ഘാടനം ചെയ്തു

15043006വെള്ളാങ്കല്ലൂര്‍ : ഗ്രാമപഞ്ചായത്തിലെ കാരുമാത്ര 108 നമ്പര്‍ ബാപ്പുജി അംഗന്‍വാടിക്ക് വേണ്ടി
ബ്ലോക്ക്‌ പഞ്ചായത്തിന്റെ 2014-2015 വര്‍ഷത്തെ കേന്ദ്രാവിഷ്കൃത ഫണ്ടില്‍ നിന്നും 10 ലക്ഷം രൂപ ചിലവഴിച്ച് നിര്‍മ്മിച്ച കെ കരുണാകരന്‍ സ്മാരക മന്ദിരത്തിന്റെ ഉദ്ഘാടനം ബ്ലോക്ക്‌ പഞ്ചായത്ത് പ്രസിഡണ്ട് ആലീസ് തോമസ്‌ നിര്‍വഹിച്ചു. ഗ്രാമപഞ്ചായത്ത്‌ പ്രസിഡണ്ട് അനില്‍ മാന്തുരുത്തി അദ്ധ്യക്ഷത വഹിച്ചു. ബ്ലോക്ക്‌ വൈസ് പ്രസി ഡണ്ട് ഇ വി സജീവ്‌ മുഖ്യ പ്രഭാഷണം നടത്തി. അംഗന്‍വാദിക്കു സ്വന്തം കെട്ടിടത്തിനും റോഡിനുമായി പതിനൊന്നു സെന്റ്‌ സ്ഥലം പിതാവ് അബ്ദുള്‍ ഖാദറിന്റെ ഓര്‍മ്മയ്ക്കായ് നല്കിയ കോണത്തുകുന്ന് തരുപീടികയില്‍ അബ്ദുള്‍ റസാക്കിനെ ചടങ്ങില്‍ ആദരിച്ചു. ബ്ലോക്ക്‌ ഗ്രാമപഞ്ചായത്ത്‌ പ്രതിനിധികളായ നസീമ നാസര്‍ , പി കെ എം അഷറഫ് ,ഉണ്ണികൃഷ്ണന്‍ കുറ്റിപറമ്പില്‍ കെ എച്ച് അബ്ദുള്‍ നാസര്‍ തുടങ്ങിയവര്‍ ചടങ്ങില്‍ സംബന്ധിച്ചു.


സ്കൂട്ടര്‍ അപകടത്തില്‍ ഒരാള്‍ മരിച്ചു

1504300115043010പുല്ലൂര്‍ : സ്‌കൂട്ടര്‍ അപകടത്തില്‍ പരിക്കേറ്റ യുവാവ് മരിച്ചു. പുല്ലൂര്‍ പുളിച്ചുവടില്‍ പ്രസ്സിന് സമീപം ബുധനാഴ്ച രാത്രി പത്തു മണിക്കായിരുന്നു അപകടം . മുരിയാട് സ്വദേശി കണ്ടെടത് വേലായുധന്‍ മകന്‍ നന്ദന്‍ (50) നാണ് മരിച്ചത്. ഇദേഹം സഞ്ചരിച്ചിരുന്ന ആക്ടിവ സ്കൂട്ടര്‍ ടോറസ് ലോറിയുമായി കൂട്ടിഇടിക്കുകയായിരുന്നു .


ശ്രീ കൂടല്‍മാണിക്യം തിരുവുത്സവംകൊടിയേറ്റം ഇരിങ്ങാലക്കുട ലൈവ് ഡോട്ട് കോമില്‍ തത്സമയം

15043007ഇരിങ്ങാലക്കുട: ചരിത്ര പ്രസിദ്ധമായ ഇരിങ്ങാലക്കുട കൂടല്‍മാണിക്യം ക്ഷേത്ര തിരുവുത്സവ കൊടിയേറ്റം ഇപ്പോള്‍ ഇരിങ്ങാലക്കുട ലൈവ് ഡോട്ട് കോമില്‍ തത്സമയം . ഏപ്രില്‍ 30 ആരംഭിച്ച് മെയ്‌ 10 ആറാട്ടോടെ സമാപിക്കുന്ന തിരുവുത്സവത്തിലെ പ്രധാന പരിപാടികളായ ശിവേലി ,വിളക്ക് ,പള്ളിവേട്ട ,ആറാട്ട് എന്നിവയുടെ തത്സമയം സംപ്രേക്ഷണവും ഇരിങ്ങാലക്കുട ലൈവ് ഡോട്ട് കോമില്‍ ഉണ്ടായിരിക്കും.


ചരമം : ലളിത രാമന്‍ (74)

ഇരി15043003ങ്ങാലക്കുട: പുത്തന്‍ മഠത്തില്‍ പരേതനായ എം എ രാമന്റെ പത്നി ലളിത രാമന്‍ നിര്യാതയായി. മക്കള്‍ : എ സംഗമേശ്വരന്‍ ( യുണൈറ്റഡ് ഇന്ത്യ ഇന്‍ഷുറൻസ്) ,എ . ശിവരാമകൃഷ്ണന്‍ (മോഡി ഫാര്‍മ, ദില്ലി ),എ ബാലസുബ്രഹ്മണ്യന്‍ (ദുബായ് ), എ വെങ്കിട്ടരമണന്‍ (മസ്ക്കറ്റ് ).മരുമക്കള്‍ : വിദ്യാ സംഗമേശ്വരന്‍ (ഇരിങ്ങാലക്കുട ഭാരതീയ വിദ്യാഭവന്‍ ) ,അനുരാധ ശിവരാമകൃഷ്ണന്‍ (ഇവാല്യുസെര്‍വ് , ദില്ലി) ,സരസ്വതി വെങ്കിട്ട് ,സംസ്കാരം വ്യാഴാഴ്ച വൈകീട്ട് 7 മണിക്ക് വേളൂക്കര ബ്രാഹ്മണ സമൂഹം ശ്മശാനത്തില്‍ നടക്കും.9447833601


ശ്രീ കൂടല്‍മാണിക്യം തിരുവുത്സവത്തോടനുബന്ധിച്ച് കലശകര്‍മ്മങ്ങള്‍ നടന്നു.

15043004ഇരിങ്ങാലക്കുട: ശ്രീ കൂടല്‍മാണിക്യം തിരുവുത്സവത്തോടനുബന്ധിച്ച് വ്യാഴാഴ്ച പുലര്‍ച്ചെ മണ്ഡപത്തില്‍ സ്ഥലശുദ്ധി ക്രിയകള്‍ ചെയ്ത് പത്മമിട്ട് ബ്രഹ്മകലശവും പരികലശങ്ങളും കുഭേശക്കരിയും പൂജിച്ച് അധിവാസ ഹോമവും നടത്തി തുടര്‍ന്ന് ഹോമ സമ്പാതം കലശങ്ങളില്‍ സ്പര്‍ശിച്ച് കലശകര്‍മ്മങ്ങള്‍ ആരംഭം കുറിച്ചു. നടുക്ക് അഷ്ടദളപത്മത്തില്‍ ബ്രഹ്മകലശവും ചുറ്റും എട്ട് ദളകലശങ്ങളും പുറത്ത് എട്ട് ഖണ്ഡങ്ങളാക്കി ഓരോ ഖണ്ഡത്തിന്റെയും മദ്ധ്യത്തില്‍ ഖണ്ഡബ്രഹ്മകലശവും അതിന് ചുറ്റും പരികലശങ്ങളും പൂജിച്ച് ,ബ്രഹ്മകലശത്തില്‍ നെയ്യും ദളകലശങ്ങളില്‍ കാഞ്ഞവെള്ളം,രത്നങ്ങള്‍ ,ഫലങ്ങള്‍ ,ലോഹങ്ങള്‍ ,മാ ര്‍ജ്ജനം ,അഷ്ടഗന്ധം,അക്ഷതം,യവം എന്നീ ദ്രവ്യങ്ങളും ഖണ്ഡബ്രഹ്മകലശങ്ങളില്‍ പാദ്യം ,അ ര്‍ഘ്യം,ആചമനീയം,പഞ്ചഗവ്യം ,തൈര്‍ പാല്‍ ,തേന്‍, കഷായം എന്നീ ദ്രവ്യങ്ങളും വിഷ്ണ്വാദി ദേവതകളെ ആവാഹിച്ച് നിറയ്ക്കുന്നു. പരികലശങ്ങളില്‍ ശുദ്ധജലം നിറച്ച് പൂജിച്ച് പല്മവാദികളെ അലങ്കരിക്കുന്ന തനി സ്വര്‍ണ്ണക്കുടത്തിലാണ് നെയ്യ് നിറച്ച് ബ്രഹ്മകലശമായി പൂജിക്കുന്നത്.


ഉത്സവ വരവറിയിച്ച് സംഗമഭൂമിയില്‍ ദീപാലങ്കാരങ്ങള്‍ മിഴിതുറന്നു

ഇരിങ്ങാലക്കുട : ശ്രീ കൂടല്‍മാണിക്യം ക്ഷേത്രത്സവത്തിന്റെ ഭാഗമായി സംഗമഭൂമിയില്‍  ഒരുക്കിയിരിക്കുന്ന വൈദ്യുത ദീപാലങ്കാരം കാഴ്‌ചക്കാര്‍ക്ക്‌ അവിസ്‌മരണീയ വിരുന്നൊരുക്കുന്നു. കിഴക്കെനടയിലും  കുലിപിനി തിര്‍ത്തകരയിലും  ഉത്സവ വരവറിയിച്ച്  ദീപാലങ്കാരങ്ങള്‍ മിഴിതുറന്നു . വ്യത്യസ്‌ത നിറങ്ങളിലും രൂപകല്‌പനയിലും വീഥിയിലുടനീളം സംവിധാനിച്ചിരിക്കുന്ന ദീപാലങ്കാരങ്ങള്‍ കണ്‍കുളിര്‍പ്പിക്കുന്ന കാഴ്‌ച്ചയാണ്‌. നഗരത്തിലെ സ്വകാര്യ സ്ഥാപനങ്ങളും സ്വന്തമായി ദീപാലങ്കാരങ്ങള്‍ ചെയ്‌തിട്ടുണ്ട്‌. നടയിലെ ആല്‍മരത്തിലും വീഥികള്‍ക്കിരുവശത്തേയും വൃക്ഷങ്ങളില്‍ വ്യത്യസ്ഥ തരത്തിലുള്ള നിറങ്ങളുപയോഗിച്ച്‌ പ്രകാശമയമാക്കിയിരിക്കുന്നത്‌ ആസ്വാദ്യകരമായ കാഴ്‌ച്ചയാണ്‌.  ഇത്തവണ പ്രഭ ലൈറ്റ് ആന്‍ഡ്‌ സൌണ്ട് ആണ് ദീപാലങ്കാരങ്ങള്‍ ഒരുക്കുന്നത് .


സി പി ഐ യുടെ നേതൃത്വത്തില്‍ നേപ്പാള്‍ ദുരിതാശ്വാസ ഫണ്ട് ശേഖരണം നടന്നു.

15042903ഇരിങ്ങാലക്കുട:തുടര്‍ച്ചയായ ഭൂകമ്പങ്ങള്‍മൂലം ദുരന്തമനുഭവിക്കുന്ന നേപ്പാളിലെ നിരാലംബരായ ജനങ്ങളെ സഹായിക്കുന്നതിനായിസി പി ഐ ഇരിങ്ങാലക്കുട ടൌണ്‍ ലോക്കല്‍ കമ്മിറ്റിയുടെ നേതൃത്വത്തില്‍ നേപ്പാള്‍ ദുരിതാശ്വാസ ഫണ്ട് ശേഖരണം നടന്നു. ഫണ്ട് ശേഖരണത്തിന് സി പി ഐ മണ്ഡലം പ്രസിഡണ്ട് പി മണി , ഇരിങ്ങാലക്കുട ടൌണ്‍ ലോക്കല്‍ കമ്മിറ്റി സെക്രട്ടറി എം സി രമണന്‍ ,ടി കെ സുധീഷ്‌ ,അഡ്വ പി ജെ ജോബി എന്നിവര്‍ നേതൃത്വം നല്‍കി.


കൂടല്‍മാണിക്യം തിരുവുത്സവത്തിന് നാളെ കൊടിയേറും

koodal-kulipini-viewഇരിങ്ങാലക്കുട: ചരിത്രപ്രസിദ്ധമായ ശ്രീ കൂടല്‍മാണിക്യം ക്ഷേത്രത്സവത്തിന് ഏപ്രില്‍ 30 വ്യാഴാഴ്ച കൊടിയേറും . രാത്രി 8 നും 8.30 നും നടന്ന കൊടിയേറ്റ കര്‍മ്മത്തിന് തന്ത്രി നഗരമണ്ണ് മനയ്ക്കല്‍ ത്രിവിക്രമന്‍ നമ്പൂതിരി മുഖ്യകാര്‍മ്മികത്വം വഹിക്കും. ഉത്സവത്തോടനുബന്ധിച്ച് വ്യാഴാഴ്ച രാവിലെ 9 മണിക്ക് ഉണ്ണായിവാര്യര്‍ രചിച്ച ശ്രീരാമ പഞ്ചശതി പാരായണം ശ്രീ സംഗമധര്‍മ്മ സമിതിയുടെ ആഭിമുഖ്യത്തില്‍ നടക്കും. പുലര്‍ച്ചെ മണ്ഡപത്തില്‍ സ്ഥലശുദ്ധി ക്രിയകള്‍ ചെയ്തു പത്മമിട്ട് ബ്രഹ്മകലശവും പരികലശങ്ങളും കുഭേശക്കരിയുംപൂജിച്ച് അധിവാസ ഹോമവും നടത്തി ഹോമ സമ്പാതം കലശങ്ങളില്‍ സ്പര്‍ശിക്കുന്നതോടെ കലശകര്‍മ്മങ്ങള്‍ ആരംഭിക്കും. വൈകീട്ട് 7 മണിക്ക് ശ്രീകോവിലിന് മുമ്പില്‍ ആചാര്യവരണം koodalmanikyam2015നടക്കും .നെടുമ്പിള്ളി പരമേശ്വരന്‍ നമ്പൂതിരിപ്പാട്‌ ,അണിമംഗലം വല്ലഭന്‍ നമ്പൂതിരി ,നകരമണ്ണ് നാരായണന്‍ നമ്പൂതിരി എന്നിവര്‍ക്ക് ഊരാള പ്രതിനിധിയായി കുളമണ്ണില്‍ നാരായണന്‍ മൂസത് കൂരയും പവിത്രവും നല്കി ആചാര്യവരണം നടത്തും. തുടര്‍ന്ന് കൊടിയെട്ടത്തിനുള്ള ക്രിയകള്‍
ആരംഭിക്കും. പുണ്യാഹം ചെയ്തു ശുദ്ധികരിച്ച ദര്‍ഭകൊണ്ടുള്ള കൂര്‍ച്ചം ,പുതിയ കൊടിക്കൂറ ,മണി,മാള എന്നിവയിലേയ്ക്ക് വാഹനത്തെയും ആവാഹിച്ച് പൂജിച്ഛതിനു ശേഷം പാണി കൊട്ടി കൊടിക്കൂറയും മറ്റും എടുത്തു പുറത്തേയ്ക്ക് വന്ന് കൊടിമരം പ്രദക്ഷണം ചെയ്ത് പുണ്യാഹം തളിച്ച് ശുദ്ധികരിചച്ച കൊടിമരത്തിനു പൂജ ചെയ്ത് തുടര്‍ന്ന് ദാനം ,മുഹൂര്‍ത്തം കൊടിയേറ്റ് നടത്തുന്നു. കൊടിയേറി കഴിഞ്ഞാല്‍ ഉടന്‍ തന്നെ വാതില്‍മാടത്തില്‍ തെക്കേ ഭാഗത്ത് താത്കാലികമായി ഉണ്ടാക്കിയ കൂത്തമ്പലത്തില്‍ ചാക്യാര്‍ ബാലചരിതം സൂത്രധാരന്റെ രംഗപ്രവേശം മിഴാവൊലിയോടെ ആരംഭിക്കും.കൊടിയേറ്റ ചടങ്ങുകളുടെ തത്സമയ സംപ്രേക്ഷണം ഇരിങ്ങാലക്കുട ലൈവ് ഡോട്ട് കോമില്‍ ഉണ്ടായിരിക്കും. 


ബി ജെ പി പടിയൂര്‍ പഞ്ചായത്ത് കമ്മിറ്റി പുന: സംഘടിപ്പിച്ചു

B-J-P-ഇരിങ്ങാലക്കുട: ബി ജെ പി പടിയൂര്‍ പഞ്ചായത്ത് കമ്മിറ്റി പുന: സംഘടിപ്പിച്ചതായി ബി ജെ പി ഇരിങ്ങാലക്കുട നിയോജക മണ്ഡലം പ്രസിഡണ്ട് ഇ മുരളിധരന്‍ പത്രക്കുറിപ്പിലൂടെ അറിയിച്ചു. പുതിയ ഭാരവാഹികളായി പ്രസിഡണ്ട് : ബിനോയ്‌ കോലന്ത്ര ,വൈസ് പ്രസി ഡണ്ടുമാരായി ജിനചന്ദ്ര പ്രസാദ്,ക്ഷിതിരാജ് , ശശിധരന്‍ , ഗിരീഷ്‌ കാവല്ലൂര്‍ എന്നിവരെയും ജനറല്‍ സെക്രട്ടറി ആയി അനൂപ്‌ മാമ്പ്ര, സെക്രട്ടറിമാരായി അജയന്‍ പൊന്നമ്പിളി ,സാജന്‍ ഇ ആര്‍ , ഉഷാ ഉണ്ണികൃഷ്ണന്‍ ,സുനിത രാജേഷ് , ട്രഷറര്‍ : പവിത്രന്‍ എന്നിവരെയും തിരഞ്ഞെടുത്തു .


സബ് ഇന്‍സ്പെക്ടര്‍ കെ സി രണദിവെ സര്‍വ്വീസില്‍ നിന്ന് വിരമിക്കുന്നു

15042407ഇരിങ്ങാലക്കുട:സബ് ഇന്‍സ്പെക്ടര്‍ കെ സി രണദിവെ സര്‍വ്വീസില്‍ നിന്ന് വിരമിക്കുന്നു.1986 ല്‍ പോലീസ് സര്‍വ്വീസില്‍ കേറിയ ഇദേഹം അഴിക്കോട് സബ് ഇന്‍സ്പെക്ടര്‍ ആയി ചുമതല വഹിച്ചു വരവേയാണ് വിരമിക്കുന്നത്. പുല്ലൂര്‍ പുളിഞ്ചൊട് സ്വദേശിയാണ്. പല സുപ്രധാന കേസുകളുടെയും അന്വേഷ ചുമതല ഏറ്റെടുത്തിട്ടുള്ള രണദിവെ 2000 ത്തില്‍ മുഖ്യമന്ത്രിയുടെ കൈയ്യില്‍ നിന്നും ധീരതക്കുള്ള മെഡല്‍ കരസ്ഥമാക്കിയിട്ടുണ്ട്,കൂടാതെ പോലീസ് കലാമേളകളില്‍ മികച്ച നാടക നടനായും ,ടെലിഫിലിം ,ഡ്രാമ ,ടി വി സീരിയല്‍ , വീഡിയോ ആല്‍ബം എന്നിവയിലും പ്രാഗത്ഭ്യം തെളിയിച്ചിട്ടുണ്ട്.തിരുത്തിപറമ്പ് ഫാ ജോയ് കൊലപാതകം ,മാള ഇരട്ട കൊലപാതകം ,പെരിഞ്ഞനം ഇരട്ട കൊലപാതകം തുടങ്ങി നിരവധി സുപ്രധാന കേസുകളുടെ അന്വേഷണ ഉദ്യോഗസ്ഥ സംഘത്തില്‍ പ്രവര്‍ത്തിച്ചിട്ടുണ്ട്. വിരമിച്ചതിന് ശേഷം കലാരംഗത്ത് കൂടുതല്‍ സജീവമായി പ്രവര്‍ത്തിക്കാനാണ് ആഗ്രഹിക്കുന്നത്. 9447441986.


ഡോണ്‍ ബോസ്കോ ബര്‍ത്ത് ബൈസെന്റിനറി ഇന്റര്‍നാഷണല്‍ ഫിഡേ റേറ്റഡ് ചെസ്സ് ടൂര്‍ണ്ണമെന്റ് സംഘടിപ്പിക്കുന്നു

ഇരിങ്ങാലക്കുട:ഇരിങ്ങാലക്കുട ഡോണ്‍ ബോസ്കോ സ്കൂളില്‍ ഇന്റര്‍നാഷണല്‍ ഫിഡേ റേറ്റഡ് ചെസ്സ് ടൂര്‍ണ്ണമെന്റ് സംഘടിപ്പിക്കുന്നു. മെയ് 1 മുതല്‍ 5 വരെ നടക്കുന്ന ചെസ്സ് ടൂര്‍ണ്ണമെന്റ് ക്രിസ്തുവിന്റെ വിശ്വസ്ത അനുയായിയും യുവാക്കളുടെ സ്‌നേഹിതനുമായ വി. ഡോണ്‍ ബോസ്‌കോയുടെ ഇരുന്നൂറാം ജന്മവാര്‍ഷികം ലോകമെമ്പാടുമുള്ള സലേഷ്യന്‍ സഭ സമുചിതമായി ആഘോഷിക്കുന്നതിന്റെ ഭാഗമായിട്ടാണ് സംഘടിപ്പിച്ചിരിക്കുന്നത്.മെയ് 1ന് നടക്കുന്ന ചടങ്ങില്‍ ഇരിങ്ങാലക്കുട ഡോണ്‍ ബോസ്‌കോ സ്‌കൂളിന്റെ റെക്ടറും മാനേജരുമായ ഫാ തോമസ് പൂവേലിക്കല്‍ അദ്ധ്യക്ഷത വഹിക്കും. കേരള ഗവ ചീഫ് വിപ്പ് അഡ്വ തോമസ് ഉണ്ണിയാടന്‍ എം എല്‍ എ ഉദ്ഘാടനം നിര്‍വ്വഹിക്കും. കേരള ചെസ്സ് അസോസിയേഷന്റെ സെക്രട്ടറി രാജേഷ് മുഖ്യാതിഥിയായിരിക്കും. ഡോണ്‍ ബോസ്‌കോ യൂത്ത് സെന്ററിന്റെ പ്രസിഡണ്ട് റോഷിത് റോയ് സ്വാഗതവും കണ്‍വീനര്‍ കുര്യന്‍ ജോസഫ് നന്ദിയും പറയും. യൂത്ത് സെന്റര്‍ ഡയറക്ടര്‍ ഫാ വര്‍ഗ്ഗീസ് ഇടത്തിച്ചിറ, ബാബു, ഗ്രാന്റ് മാസ്റ്റേഴ്‌സ് എന്നിവര്‍ ചടങ്ങില്‍ പങ്കെടുക്കും. പത്ര സമ്മേളനത്തില്‍ ഫാ തോമസ് പൂവേലിക്കല്‍ , ഫാ വര്‍ഗ്ഗീസ് ഇടത്തിച്ചിറ , റോഷിത് റോയ് , സെബി പോള്‍, പീറ്റര്‍ ജോസഫ്‌ ,കുര്യന്‍ ജോസഫ് എന്നിവര്‍ പങ്കെടുത്തു.


കൂടല്‍മാണിക്യം ക്ഷേത്രോത്സവം: നഗരസഭ ആരോഗ്യവിഭാഗം പ്രവര്‍ത്തനങ്ങള്‍ തുടങ്ങി

15042703ഇരിങ്ങാലക്കുട:കൂടല്‍മാണിക്യ ക്ഷേത്ര ഉത്സവത്തോടനുബന്ധിച്ച് നഗരസഭ ആരോഗ്യവിഭാഗം പ്രവര്‍ത്തകര്‍ പതിവ് പോലെ നഗരവും ക്ഷേത്ര പരിസരവും ശുചിയാക്കുന്ന ജോലിയില്‍ വ്യാപ്രുതരായി. ക്ഷേത്രത്തിന് മുന്‍പിലെ കാനകളും റോഡ്‌ വക്കിലെ പുല്ലുകളും ശുചിയാക്കുന്ന ജോലി തിങ്കളാഴ്ച രാവിലെ തന്നെ ആരംഭിച്ചു. ഇതിനു പുറമേ ക്ഷേത്ര കവാടത്തിന് സമീപം ആരോഗ്യ വിഭാഗത്തിന്റെ ഐഡ് പോസ്റ്റ്‌ സ്ഥാപിക്കുന്നുണ്ട്.ഉത്സവത്തോടനുബന്ധിച്ച് നഗരത്തിലെ ഹോട്ടലുകളിലും വഴിയോര കച്ചവട സ്ഥാപനങ്ങളിലും പരിശോധന ശക്തമാകുമെന്ന് ഉദ്യോഗസ്ഥര്‍ പറഞ്ഞു. പകര്‍ച്ച വ്യാധികള്‍ അടക്കമുള്ളവയെ തടയാന്‍ ഹോട്ടലുകളിലും താത്കാലിക വഴിയോര സ്ഥാപനങ്ങളിലും ചൂടുവെള്ളം മാത്രമേ ഉപയോഗിക്കാവൂ എന്നും പറഞ്ഞിട്ടുണ്ട്.


ബസ്‌ സ്റ്റാന്റ് നവീകരണത്തിലെ ക്രമക്കേട് അന്വേഷിക്കണമെന്ന് ആവശ്യപ്പെട്ട് സി പി ഐ (എം) പ്രതിക്ഷേധ റാലി സംഘടിപ്പിച്ചു

15042811ഇരിങ്ങാലക്കുട: ഇരിങ്ങാലക്കുട നഗരസഭ നടപ്പിലാക്കിയ ബസ് സ്റ്റാന്‍ഡ് നവീകരണത്തിലെ അഴിമതിയെ സംബന്ധിച്ച് അന്വേഷണം വേണമെന്നാവശ്യപ്പെട്ട് സി.പി.ഐ (എം) പ്രക്ഷേഭറാലി സംഘടിപ്പിച്ചു. റാലിക്ക്ഇരിങ്ങാലക്കുട സി പി ഐ (എം) ഏരിയ സെക്രട്ടറി ഉല്ലാസ് കളക്കാട്ടില്‍ നേതൃത്വം നല്കി. ഇരിങ്ങാലക്കുട ബസ് സ്റ്റാന്‍ഡിലെ ടാറിങ്ങ് പൊളിച്ചുനീക്കി ടൈലുകള്‍ പാകിയതില്‍ വന്‍ അഴിമതിയുണ്ടായിട്ടുണ്ടെന്നും ഇക്കാര്യത്തെക്കുറിച്ച് സമഗ്രമായ അന്വേഷണം വേണമെന്നും ,26.50 ലക്ഷം രൂപഅടങ്കല്‍ത്തുകയായി വകയിരുത്തി അംഗീകാരം നേടിയതിനുശേഷം നവീകരണം തുടങ്ങിയപ്പോഴാണ് 50 ലക്ഷത്തിന്റെ പദ്ധതിയാണെന്ന് ഭരണനേതൃത്വം കൗണ്‍സിലിനെ അറിയിച്ചതും അംഗീകാരം നേടിയതും. ഭേദഗതിചെയ്ത പദ്ധതിക്ക് ഡി.പി.സി.അംഗീകാരം നേടുന്നതിനുമുമ്പ് നവീകരണം പൂര്‍ത്തിയാക്കാന്‍ വീണ്ടും 20 ലക്ഷം കൂടി കൗണ്‍സില്‍ അനുവദിച്ചിരിക്കുകയാണെന്നും ഇക്കാര്യത്തെക്കുറിച്ച് സമഗ്രമായ അന്വേഷണം വേണമെന്നും സി.പി.ഐ എം. ആവശ്യപ്പെട്ടു.


ഇരിങ്ങാലക്കുടയില്‍ പൗരമുന്നേറ്റം

15042806ഇരിങ്ങാലക്കുട : ഇരിങ്ങാലക്കുട നിയോജക മണ്ഡലത്തിന്റെ സമഗ്രമായ സമുദ്ധാരണം സാധ്യമാക്കുന്നതിനും വ്യാപകമായ അഴിമതിയേയും അധികാര ദുര്‍വിനിയോഗത്തെ ചെറുക്കുന്നതിനും വേണ്ടി പ്രവര്‍ത്തിക്കുന്നതിനു പൌരമുന്നേറ്റം രൂപികരിച്ചു. ഇരിങ്ങാലക്കുടയിലെ എല്ലാ സര്‍ക്കാര്‍ ഓഫിസുകളിലെ വിവരങ്ങള്‍ ശേഖരിക്കുന്നതിനും രാഷ്ട്രിയ ഉദ്യോഗസ്ഥ കൂട്ടുകെട്ടിന്റെ അഴിമതിയെ പൊതുസമൂഹത്തിന് ബോദ്ധ്യപ്പെടുത്തുവാനും യോഗം നിശ്ചയിച്ചു. നെല്‍വയല്‍ സംരക്ഷണ നിയമം നിലവില വന്നതിന് ശേഷം ഈ മേഖലയിലെ നെല്‍വയലുകളും ജലാശയങ്ങളും നശിപ്പിച്ചതിന് ഉന്നത പദവിയിലെ ഉദ്യോഗസ്ഥര്‍ക്കും തദ്ദേശ ഭരണസമിതി മെമ്പര്‍മാര്‍ക്കുമെതിരെ നിയമനടപടികള്‍ സ്വീകരിക്കാനും യോഗം തീരുമാനിച്ചു. അഡ്വ പി കെ നാരായണന്‍ അദ്ധ്യക്ഷനായി കൂടിയ യോഗത്തില്‍ പി സി മോഹനന്‍ ,എം എം ഹരീന്ദ്രനാഥന്‍ , കെ കെ ബാബു, തൊടുപറമ്പില്‍ വര്‍ഗ്ഗീസ് , കെ ആര്‍ ഉണ്ണികൃഷ്ണന്‍ , കെ സതീഷ്‌ , അഡ്വ സി കെ ദാസന്‍ , കെ ആര്‍ തങ്കമ്മ , ഡോ മാര്‍ട്ടിന്‍ പി പോള്‍ , ടി കെ തങ്കമണി ,സുരേഷ് പൊറ്റക്കല്‍ തുടങ്ങിയവര്‍ സംബന്ധിച്ചു.


ഇരിങ്ങാലക്കുട ബ്ലോക്ക്‌ പഞ്ചായത്ത്‌ ക്യാന്‍സര്‍ ബോധവല്‍ക്കരണ പരിശീലനം സംഘടിപ്പിച്ചു

15042808ഇരിങ്ങാലക്കുട: ഇരിങ്ങാലക്കുട ബ്ലോക്ക്‌ പഞ്ചായത്ത്‌ ദേശീയ സമ്പാദ്യ പദ്ധതിയുമായി ബന്ധപ്പെടു ത്തി ബ്ലോക്കിലെ മഹിളാ പ്രധാന്‍ ഏജന്റുമാര്‍ക്കും ജനപ്രതിനിധികള്‍ക്കും ഉദ്യോഗസ്ഥര്‍ക്കും വേണ്ടി ബ്ലോക്ക്‌ പഞ്ചായത്ത്‌ ഹാളില്‍ ക്യാന്‍സര്‍ ബോധവല്‍ക്കരണ പരിശീലന പരിപാടി സംഘടി പ്പി ച്ചു. ബ്ലോക്ക്‌ പഞ്ചായത്ത് മെമ്പര്‍ ഫ്രാന്‍സിസ്‌ മാസ്റ്ററുടെ അദ്ധ്യക്ഷതയില്‍ ചേര്‍ന്ന പരിശീലന പരിപാടി ബ്ലോക്ക്‌ പഞ്ചായത്ത്‌ പ്രസിഡന്റ്‌ ടി.ജി.ശങ്കരനാരായണന്‍ ഉദ്‌ഘാടനം ചെയ്‌തു. ആനന്ദപുരം ആശുപത്രിയിലെ ഡോക്‌ടര്‍ നിധിന്‍, ബ്ലോക്കിലെ എം.പി.കെ.ബി.വൈ. ജോയിന്റ്‌ കണ്‍വീനര്‍ ജയകുമാരി എന്നിവര്‍ ക്ലാസ്സ്‌ നയി ച്ചു. ബ്ലോക്ക്‌ പഞ്ചായത്ത്‌ മെമ്പര്‍ കാഞ്ചന രാജന്‍, ബ്ലോക്ക്‌ ഡെവലപ്‌മെന്റ്‌ ഓഫീസര്‍ പി.ഒ.ജോസഫ്‌, ജനറല്‍ എക്‌സ്റ്റന്‍ഷന്‍ ഓഫീസര്‍ എം.ഹരിദാസ്‌ എന്നിവര്‍ സംസാരി ച്ചു. പൊതുജനങ്ങളുമായി നേരിട്ട്‌ ബന്ധപ്പെടുന്ന എം.പി.കെ.ബി.വൈ. ഏജന്റുമാര്‍ അവരുടെ പ്രവര്‍ത്തനങ്ങള്‍ സാമൂഹ്യനന്മക്കുതകുന്ന വിധത്തില്‍ ഈ പരിശീലനപരിപാടി ഉപകരിക്കട്ടെ എന്ന്‌ ഉദ്‌ഘാടകന്‍ ആശംസി ച്ചു.


Top