കാലിക്കറ്റ്‌ യൂണിവേഴ്സിറ്റി പുരുഷ-വനിതാ ഇന്റർ സോൺ ടെന്നീസ് മത്സരങ്ങൾ ചൊവ്വാഴ്ച മുതൽ ക്രൈസ്റ്റ് കോളേജിൽ

ഇരിങ്ങാലക്കുട : കാലിക്കറ്റ്‌ യൂണിവേഴ്സിറ്റി പുരുഷ-വനിതാ ഇന്റർ സോൺ ടെന്നീസ് മത്സരങ്ങൾ ചൊവ്വാഴ്ച മുതൽ ക്രൈസ്റ്റ് കോളേജിൽ ആരംഭിക്കും. ആദ്യം വനിതാ വിഭാഗം മത്സരമാണ് നടത്തപ്പെടുക. മത്സരത്തിന്റെ ഉദ്‌ഘാടനം കോളേജ് പ്രിൻസിപ്പൽ റവ. ഫാ ഡോ ജോളി ആന്റ്‌റൂസ് നിർവഹിക്കും, കാലിക്കറ്റ്‌ യൂണിവേഴ്സിറ്റി സെനെറ്റ് അംഗം മൂവിഷ് കെ എം മുഖ്യഥിതിയാവും.

കാലിക്കറ്റ്‌ യൂണിവേഴ്സിറ്റി പുരുഷ വനിതാ ടീമിനെയും ടൂർണമെന്റ്ൽ നിന്നും കണ്ടെത്തും. കോളേജ് മാനേജർ ഫാ ജോയ് പീനിക്കാപറമ്പിൽ സമ്മാനദാനം നിർവഹിക്കും. പങ്കെടുക്കാൻ താല്പര്യം ഉള്ള കോളേജുകൾ എലിജിബിലിറ്റിയും കോളേജ് ഐഡി കാർഡും സഹിതം ചൊവ്വാഴ്ച രാവിലെ എട്ട് മണിക്ക് ക്രൈസ്റ്റ് കോളേജിൽ എത്തി ചേരണം.