ചാരായം വാറ്റുന്നതിനുള്ള വാഷ് എക്സൈസ് പിടി കൂടി

ഇരിങ്ങാലക്കുട : വീടിൻ്റെ കോണിച്ചുവട്ടിൽ നിന്നും 20 ലിറ്റർ കൊള്ളുന്ന 3 പ്ലാസ്റ്റിക്ക് ബക്കറ്റുകളിലായി സൂക്ഷിച്ചിരുന്ന 60 ലിറ്റർ, ചാരായം വാറ്റുന്നതിനായി പാകപ്പെടുത്തിയ വാഷ് ഇരിങ്ങാലക്കുട എക്സൈസ് റെയ്ഞ്ചിലെ അസ്സി. എക്സൈസ് ഇൻസ്പെക്ടർ (ഗ്രേഡ്) ഇ.പി.ദി ബോസും സംഘവും പരിശോധനയിൽ പിടികൂടി.

പുളിക്കൻ വീട്ടിൽ രാധാകൃഷണൻ മകൻ യദുകൃഷ്ണൻ (27) താമസിക്കുന്ന വീടാണ്. പ്രതി തത്സമയം സ്ഥലത്തില്ലാത്തതിനാൽ അറസ്റ്റ് ചെയ്യുവാൻ സാധിച്ചിട്ടില്ല. യദു കൃഷ്ണനെതിരായി അബ്കാരി കേസ്സ് എടുത്തു. പാർട്ടിയിൽ വനിതാ സിവിൽ എക്സൈസ് ഓഫീസർ നിത്യ .എൻ .എൽ , ഗ്രേഡ് പ്രിവൻ്റീവ് ഓഫീസർ ചന്ദ്രൻ.സി.കെ, അസ്സി. എക്സൈസ് ഇൻസ്പെക്ടർ (ഗ്രേഡ്) സി.വി. ശിവൻ എന്നിവരും ഉണ്ടായിരുന്നു.