ഓട്ടോറിക്ഷയിൽ കച്ചവടം നടത്തിയിരുന്ന നിരോധിത പുകയില ഉത്പന്നം പിടികൂടി

പൊറത്തിശ്ശേരി : കാട്ടൂർ പോലീസ് സ്റ്റേഷൻ പരിധിയിൽ ചെമ്മണ്ട റോഡിൽ ഓട്ടോ പേട്ടയും പൊറത്തിശ്ശേരി, കിഴുത്താണീ എന്നീ സ്ഥലങ്ങൾ കേന്ദ്രീകരിച്ചു പുകയില ഉത്പന്നമായ ഹാൻസ് വൻ തോതിൽ കച്ചവടം നടത്തിയിരുന്ന ഓട്ടോറിക്ഷ ഡ്രൈവർ കിഴുത്താണി സ്വദേശി പ്രമോദ് (49) എന്നയാളെ കാട്ടൂർ പോലീസ് പിടികൂടി. കാട്ടൂർ ISHO ബൈജുവിന്റെ നേതൃത്വത്തിൽ എസ് സി പി ഓ ധനേഷ് സി ജി, സി പി ഓ ശ്രീജിത്ത്‌, സി പി ഓ രാഹുൽ എന്നിവർ ചേർന്നാണ് പിടികൂടിയത്.

ഓട്ടോറിക്ഷ യിൽ നിന്നാണ് ഹാൻസ് കണ്ടെടുത്തത്. 100 ഓളം പാക്കറ്റുകൾ ഉണ്ടായിരുന്നു.പോലീസിനെ കബളിപ്പിച്ച് കുറച്ചു നാളായി ഇയാൾ ഓട്ടോറിക്ഷയിൽ കച്ചവടം നടത്തുന്നത്. പോലീസ് തന്ത്രപൂർവ്വം ഇയാളുടെ ഓട്ടോ റിക്ഷ പിന്തുടർന്ന് ആണ് പിടികൂടിയത്.