തൃശൂർ ജില്ലയിൽ 8,10,12 തീയതികളിൽ മഞ്ഞ അലർട്ട് പ്രഖ്യാപിച്ചു ഇടിമിന്നലോടു കൂടിയ മഴയ്ക്കുള്ള സാധ്യത

കാലാവസ്ഥ അറിയിപ്പ് : തൃശൂർ ജില്ലയിൽ ഒക്ടോബർ 8,10,12 തീയതികളിൽ കേന്ദ്ര കാലാവസ്ഥാ വകുപ്പ് മഞ്ഞ അലർട്ട് പ്രഖ്യാപിച്ചു. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറിൽ 64.5 മില്ലിമീറ്റർ മുതൽ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്. ഇടിമിന്നലോടു കൂടിയ മഴയാണ് പ്രതീക്ഷിക്കുന്നത്.