നർത്തകിമാർ നിറഞ്ഞാടുന്ന മോഹിനിയാട്ട വേദിയിൽ ലാസ്യ നടനമാടി ശാന്തിനികേതൻ പബ്ലിക് സ്കൂളിലെ അധ്യാപകനും, നർത്തകനുമായ സന്തോഷ് മാസ്റ്റർ

ഇരിങ്ങാലക്കുട : സ്ത്രീകൾ തങ്ങളുടെ മേഖലയായി കയ്യടക്കി വെച്ചിരുന്ന മോഹിനിയാട്ട വേദിയിൽ ലാസ്യ നടനമാടി ശാന്തിനികേതൻ പബ്ലിക് സ്കൂളിലെ അധ്യാപകനും, നർത്തകനുമായ സന്തോഷ് മാസ്റ്റർ. ചാലക്കുടി ക്രസന്റ് പബ്ലിക് സ്കൂളിൽ തൃശൂർ സെൻട്രൽ സഹോദയ അദ്ധ്യാപക കലോത്സവം 2024 ലെ മോഹിനിയാട്ട വേദിയിലാണ് സന്തോഷ് മാസ്റ്റർ മഹാഭാരതത്തിലെ പാണ്ഡുവിന്റെ പത്നിയായ മാദ്രിയുടെ വിലാപം നടനം ചെയ്ത് അദ്ധ്യാപികമാരായ മറ്റു മത്സരാർത്ഥികൾക്കൊപ്പം മത്സരി ച്ച് തൻ്റെ ലാസ്യനടനം കൊണ്ട് ചരിത്രം സൃഷ്ടിച്ചത്. കലോത്സവ മത്സര വേദിയിൽ ആദ്യമായാണ് ഇത്തരമൊരു മത്സരം അരങ്ങേറുന്നത്. കാണികൾക്ക് ഇത് വേറിട്ട നവ്യാനുഭവമായി മാറി.