കൂടൽമാണിക്യം ക്ഷേത്രത്തിൽ സപ്താഹ യജ്ഞം ഏപ്രിൽ 6 മുതൽ 13 വരെ – ഒരുക്കങ്ങൾ പൂർത്തിയായി

ഇരിങ്ങാലക്കുട : ഏപ്രിൽ 6 മുതൽ 13 വരെ കൂടൽമാണിക്യം ക്ഷേത്രത്തിൻ്റെ കിഴക്കേ നടയിൽ പ്രത്യേകം സജ്ജമാക്കിയ വേദിയിൽ ശ്രീമദ് ഭാഗവത സപ്താഹ യജ്ഞം നടക്കും. കൂടൽമാണിക്യം ദേവസ്വം നേരിട്ടാണ് കാലങ്ങൾക്ക് ശേഷം ഇത്തവണ സപ്താഹ യജ്ഞം സംഘടിപ്പിക്കുന്നത്.

പ്രശസ്ത സപ്താഹ ആചാര്യനായ വയപ്പുറം വാസുദേവ പ്രസാദ് നമ്പൂതിരി മുഖ്യ ആചാര്യനും, പെരുമ്പുള്ളി ഗണേശൻ നമ്പൂതിരി, മടാശ്ശരി ഉണ്ണികൃഷ്ണൻ നമ്പൂതിരി, മായ മേനോൻ മുംബെ എന്നിവർ സഹ ആചാര്യൻമാരുമായിരിക്കും.

ഏപ്രിൽ ആറ് ഞായറാഴ്ച വൈകുന്നേരം 6 30ന് ഭാഗവത മഹാത്മ പാരായണത്തോടെ സപ്താഹ യജ്ഞത്തിന് തുടക്കം കുറിക്കും. 7ാം തിയതി മുതൽ എല്ലാ ദിവസവും രാവിലെ 6 മണി മുതൽ വൈകുന്നേരം 6 മണിവരെയാണ് സപ്താഹ യജ്ഞം നടക്കുക. പതിമൂന്നാം തീയതി ഞായറാഴ്ച ഉച്ചയ്ക്ക് ഒരു മണിയോടുകൂടി ഭാഗവത സപ്താഹത്തിന് പരിസമാപ്തി കുറിക്കും.

ഏപ്രിൽ പത്തിന് ശ്രീകൃഷ്ണാവതാരവും , 11ന് രുഗ്മിണി സ്വയംവരവും പാരായണം ചെയ്യും.

ഏപ്രിൽ 12 ഞായറാഴ്ച രാവിലെ 5 30 മുതൽ വളരെ ശ്രേഷ്ഠവും ശ്രേയസ്കരവുമായ സുകൃത ഹോമം നടക്കും. രാവിലെ 8 30 നാണ് ഇതിൻറെ ദർശന സമയം. സന്താന ദുരിതം രോഗ ദുരിതം സാമ്പത്തിക പ്രതിസന്ധി തുടങ്ങിയ മാറാനാണ് ഈ ഹോമം പ്രധാനമായും നടത്തുന്നത്. ഈ ഹോമത്തിൽ പങ്കെടുക്കാനാഗ്രഹിക്കുന്നവർക്ക് മുൻകൂട്ടി ബുക്ക് ചെയ്യാവുന്നതാണ്. ഏപ്രിൽ എട്ടാം തീയതി ചൊവ്വാഴ്ച വൈകുന്നേരം 6 30ന് ശ്രീ വേണുഗോപാൽ എഴുതി ചിട്ടപ്പെടുത്തിയ ശ്രീമദ് ഭാഗവതം കഥകളി ഉണ്ടായിരിക്കുന്നതാണ്.

ഭാഗവത സപ്താഹ യജ്ഞം ഭംഗിയായി നടത്തുന്നതിന് വേണ്ടിയുള്ള എല്ലാ കമീകരണങ്ങളും സജ്ജമാക്കിയതായ നടത്തിയതായി ദേവസ്വം ചെയർമാൻ അഡ്വ സി.കെ ഗോപി, മാനേജിങ് കമ്മിറ്റി മെംബർമാരായ ഡോ. മുരളി ഹരിതം ,അഡ്വ കെ ജി അജയകുമാർ, രാഘവൻ മുളങ്ങാടൻ, കെ. ബിന്ദു ദേവസ്വാൻ അഡ്മിനിസ്ട്രേറ്റർ ഉഷ നന്ദിനി എന്നിവർ വാർത്ത സമ്മേളനത്തിൽ അറിയിച്ചു.