സ്വയം തൊഴിൽ പദ്ധതി പ്രഖ്യാപനം

വെള്ളാങ്ങല്ലൂർ : കേന്ദ്ര ഖാദി വില്ലേജ് ബോർഡും ആൽഫ പാലിയേറ്റീവ് കെയർ വെള്ളാങ്ങല്ലൂർ ലിങ്ക് സെൻ്ററും കൈകോർക്കുന്ന സ്വയം തൊഴിൽ സംരംഭ പ്രഖ്യാപനം ലിങ്ക് സെൻ്ററിൽ നടന്നു. കാൻസർ പോലെ മാരക രോഗം ബാധിച്ച 3000 ൽ പരം പേഷ്യൻ്റ് ഫാമിലിയെ സഹകരിപ്പിച്ച് നടത്താനുദ്ദേശിക്കുന്ന തൊഴിൽ സംരംഭം ഉദ്ഘാടനം കെ.വി.ഐ.സി ഡയറക്ടർ അനിത എം.സി നിർവ്വഹിച്ചു.

മുസിരിസ് ഗൃഹദീപം ട്രെയ്നിംഗ് കോഡിനേറ്റർ വിനോദ് കക്കര പദ്ധതി വിശദീകരിച്ചു. ലിങ്ക് സെൻ്റർ ആക്റ്റിംഗ് പ്രസിഡണ്ട് ഷഫീർ കാരുമാത്ര അധ്യക്ഷത വഹിച്ചു. മെഹർബാൻ ഷിഹാബ്, ടി.കെ. അബ്ദുൽ അസീസ്, കെ.ആർ. വർഗ്ഗീസ്, അബ്ദുൽ ഷക്കൂർ, എം.എ. അൻവർ സംസാരിച്ചു.