വന്യജീവി വാരാഘോഷത്തിൻ്റെ ഭാഗമായി ‘വനവും വന്യജീവികളും’ എന്ന വിഷയത്തിൽ എസ്.എൻ ഹയർ സെക്കൻഡറി സ്കൂളിൽ സെമിനാർ നടത്തി

ഇരിങ്ങാലക്കുട : ഈ വർഷത്തെ വന്യജീവി വാരാഘോഷത്തോടനുബന്ധിച്ച് ഇരിങ്ങാലക്കുട എസ്.എൻ ഹയർ സെക്കൻഡറി സ്കൂളിലെ ഫോറസ്ട്രി ക്ലബ്ബിന്റെ ആഭിമുഖ്യത്തിൽ വനവും വന്യജീവികളും എന്ന വിഷയത്തിൽ സെമിനാർ നടത്തി. വിദ്യാർത്ഥികൾക്ക് വനത്തെക്കുറിച്ചും വന്യജീവികളെ കുറിച്ചും ഏറെ അറിവുകൾ പകരുന്നതായിരുന്നു വനം വന്യജീവി വകുപ്പിന്റെ നേതൃത്വത്തിൽ നടന്ന സെമിനാർ.

സ്കൂൾ പ്രിൻസിപ്പാൾ കെ.സി അജിത ടീച്ചർ സെമിനാറിൽ അധ്യക്ഷത വഹിച്ചു. സോഷ്യൽ ഫോറസ്ട്രി ചാലക്കുടി ഡെപ്യൂട്ടി റെയ്ഞ്ചർ (ഗ്രേഡ്) ഫോറസ്റ്റ് ഓഫീസർ ശോഭൻ ബാബു കെ.ബി മുഖ്യഭാഷണം നടത്തി. ചിമ്മിനി വന്യജീവി സങ്കേതത്തിലെ ബീറ്റ് ഫോറസ്റ്റ് ഓഫീസർ കെ.വി ഗിരീഷ് ഡോക്യുമെൻ്ററി പ്രദർശനത്തിന് നേതൃത്വം നൽകി.

സ്കൂളിലെ ഫോറസ്ട്രി ക്ലബ്ബ് കോ-ഓർഡിനേറ്റർ ഡോ. രാഗേഷ് എസ്.ആർ ചടങ്ങിൽ സ്വാഗതം ആശംസിച്ചു. കുമാരി പ്രിയ കൃഷ്ണൻ നന്ദി രേഖപ്പെടുത്തി. ക്ലബ്ബിലെ അംഗങ്ങളായ ഹയർ സെക്കൻഡറി വിഭാഗത്തിലെ വിദ്യാർത്ഥികളും അധ്യാപകരും സെമിനാറിൽ പങ്കെടുത്തു.