ശിവരഞ്ജിനി കലാസമിതിയുടെ വാർഷികാഘോഷം ഞായറാഴ്ച

ഇരിങ്ങാലക്കുട : ശിവരഞ്ജിനി കലാസമിതിയുടെ വാർഷികാഘോഷം ഞായറാഴ്ച ഇരിങ്ങാലക്കുട മൂന്നുപീടിക റോഡിൽ പെട്രോൾ പമ്പിന് സമീപമുള്ള ത്രീ സ്റ്റാർ ബിൽഡിംഗ്ൽ ആഘോഷിക്കും. രാവിലെ 10 മണി മുതൽ പരിപാടികൾ ആരംഭിക്കും.

ഇരിങ്ങാലക്കുട ബ്രഹ്മകുമാരീസ് സിസ്റ്റർ പുഷ്പ ബഹൻ ഉദ്‌ഘാടനം നിർവഹിക്കും. 2024 ലെ ശിവരഞ്ജിനി പുരസ്ക്‌കാരം കലാമണ്ഡലം ശ്രീജാ വിശ്വത്തിന് ശ്രീകൂടൽമാണിക്യം ഭരണസമിതി അംഗം ഡോ. മുരളീ ഹരിതം സമർപ്പിക്കും. കലാസാംസ്കാരിക പ്രവർത്തകൻ കെ.സി. രാജൻ അവിട്ടത്തൂർ ആശംസകൾ നേർന്നു സംസാരിക്കും.

തുടർന്ന് കലാപരിപാടികൾ അരങ്ങേറും. ശിവരഞ്ജിനിയുടെ പുതിയ മേളം കാരികം, നൃത്തനൃത്ത്യങ്ങൾ, സംഗീതാർച്ചന, തിരുവാതിരക്കളി എന്നിവയുണ്ടാകും.

കേരള സംഗീതനാടക അക്കാദമിയിൽ രജിസ്റ്റർ ചെയ്തിട്ടുള്ള ശിവരഞ്ജിനി കലാസമിതിയിൽ വിവിധ കലകൾ പഠിപ്പിക്കുന്നുണ്ട് . കൂടുതൽ വിവരങ്ങൾക്ക് 9497624623, 9656527340