സെന്റ് തോമസ് കത്തീഡ്രൽ ഇടവകയിൽ കത്തീഡ്രൽ സി.എൽ.സി യുടെ നേതൃത്വത്തിൽ പരിശുദ്ധ കന്യകാമറിയത്തിന്റെ ജനനതിരുനാൾ ആഘോഷിച്ചു

ഇരിങ്ങാലക്കുട : സെന്റ് തോമസ് കത്തീഡ്രൽ ഇടവകയിൽ കത്തീഡ്രൽ പ്രൊഫഷണൽ സി എൽ സി യുടെ ആഭിമുഖ്യത്തിൽ സീനിയർ, ജൂനിയർ സി.എൽ.സി യുടെ സഹകരണത്തോടെ പരിശുദ്ധ കന്യകാമറിയത്തിന്റെ ജനനതിരുനാൾ സെപ്തംബർ 8-ാം തിയ്യതി തിങ്കളാഴ്ച ആഘോഷിച്ചു.

ആഘോഷമായ ദിവ്യബലി, ലദീഞ്ഞ്, നൊവേന, എന്നിവയ്ക്ക് ഫാ വിനിൽ കുരിശുതറ സി.എം.എഫ് മുഖ്യ കാർമ്മികത്വം വഹിച്ചു, ഫാ. ദേവസ്സി വർഗ്ഗീസ് തയ്യിൽ തിരുനാൾ സന്ദേശം നൽകി. തുടർന്ന് ജപമാല പ്രദക്ഷിണം നടത്തി. ഇരിങ്ങാലക്കുട രൂപത മെത്രാൻ മാർ. പോളി കണ്ണൂക്കാടൻ സമാപന ആശീർവ്വാദം നൽകി.

സെന്റ് തോമസ് കത്തീഡ്രൽ ഇടവക വികാരി ഡോ. ലാസർ കുറ്റിക്കാടൻ, അസി. വികാരിമാരായ ഫാ.ഓസ്റ്റിൻ പാറയ്ക്കൽ, ഫാ.ബെൽഫിൻ കോപ്പുള്ളി, ഫാ.ആന്റണി നമ്പളം, കൈക്കാരൻമാരായ പി.ടി ജോർജ്ജ്, അഡ്വ. ഷാജൻ എം.എം, സാബു ചെറിയാടൻ, തോമസ് തൊകലത്ത് എന്നിവർ നേതൃത്വം നൽകി. തുടർന്ന് പരിശുദ്ധ കന്യക മറിയത്തിന്റെ ജന്മദിന കേക്ക് മുറിച്ചു പങ്കുവെച്ചു. തുടർന്ന് വർണ്ണമഴയും, സ്നേഹ വിരുന്നും ഉണ്ടായിരുന്നു.

പ്രൊഫഷണൽ സി എൽ സി പ്രസിഡന്റ് ഫ്രാൻസീസ് കോക്കാട്ട്, സെക്രട്ടറി ഡേവീസ് പടിഞ്ഞാറക്കാരൻ, ട്രഷറർ വിൻസൻ തെക്കേക്കര, തിരുനാൾ ജനറൽ കൺവീനർ സ്റ്റാൻലി വർഗ്ഗീസ് ചേനത്തുപറമ്പിൽ, സീനിയർ സി എൽ സി പ്രസിഡന്റ് അജയ് കെ.ബി, സെക്രട്ടറി റോഷൻ ജോഷി, ട്രഷറർ തോമസ് ജോസ്, ജൂനിയർ സി എൽ സി പ്രസിഡന്റ് ബിബിൻ എന്നിവർ നേതൃത്വം നൽകി.