ഗവ. എൽ.പി സ്കൂളിന്റെ കിഡ്സ് ഫെസ്റ്റ് ‘ചിൽ ‘ൻ ത്രിൽ 2024’

ഇരിങ്ങാലക്കുട : ഗവ. എൽ പി സ്കൂളിൻറെ കിഡ്സ് ഫെസ്റ്റ് ‘ചിൽ ‘ൻ ത്രിൽ 2024 ‘ വൈവിധ്യമാർന്ന കലാപരിപാടികൾ കൊണ്ട് ശ്രദ്ധേയമായി. ഗവ. ഗേൾസ് ഹൈസ്കൂൾ പ്രധാനാധ്യാപിക കെ എസ് സുഷ ഉദ്ഘാടനം നിർവഹിച്ചു. പി.ടി.എ വൈസ് പ്രസിഡണ്ട് വി.എസ് സുധീഷ് അധ്യക്ഷത വഹിച്ച യോഗത്തിൽ എം.പി.ടി.എ പ്രസിഡണ്ട് അംഗന അർജുനൻ ആശംസ നേർന്നു.

ഹെഡ്മിസ്ട്രസ് പി.ബി അസീന സ്വാഗതവും സീനിയർ അസിസ്റ്റൻറ് നിത്യ ടി എൻ നന്ദിയും പറഞ്ഞു. കലാമത്സരങ്ങളിൽ ഏറ്റവുമധികം പോയിൻറുകൾ നേടിയ ശ്രീയുക്ത് സജി, അന്നപൂർണ എൻ എസ് എന്നിവർ ബേബി പ്രിൻസ്, ബേബി പ്രിൻസസ് അവാർഡുകൾ കരസ്ഥമാക്കി.