സ്വകാര്യ വ്യക്തിയുടെ തേക്കുകൾ നിയമവിരുദ്ധമായി വെട്ടിയതിന് പഞ്ചായത്ത് നഷ്ടം കൊടുക്കുവാൻ കോടതി വിധി

ഇരിങ്ങാലക്കുട : പൂമംഗലം വില്ലേജിൽ കലപ്പറമ്പ് കാട്ടൂക്കാരൻ റപ്പായി മകൻ ദേവീസിന്‍റെ പറമ്പിൽ നിൽക്കുന്ന 8 തേക്ക് മരങ്ങൾ പൂമംഗലം പഞ്ചായത്ത് അനധികൃതമായി മുറിച്ചെന്നും, പഞ്ചായത്ത് ഡേവിസിന് 2,23,000 രൂപ നഷ്ടം കൊടുക്കണമെന്ന് കാണിച്ചു ഇരിങ്ങാലക്കുട മുൻസിഫ് കോടതി മുൻപാകെ ബോധിപ്പിച്ച കേസിൽ, ഇരിങ്ങാലക്കുട അഡീഷണൽ മുൻസിഫ് അസീന സി എച്ച് നഷ്ട സംഖ്യയും, കോടതി ചെലവും ഡേവിസിന് കൊടുക്കണമെന്ന് കാണിച്ച് വിധിയായി. വാദി ഭാഗത്തിനു വേണ്ടി അഡ്വ. സുഭാഷ് ചന്ദ്രബാബു അഡ്വ. സജിത് കുമാർ, ടി എൽ എന്നിവർ ഹാജരായി.