ആയോധന കലാക്ഷേത്രത്തിൽ യോഗ ഫെസ്റ്റ് – 2024 സംഘടിപ്പിച്ചു

ഇരിങ്ങാലക്കുട : ഇരിങ്ങാലക്കുട ആയോധന കലാക്ഷേത്രത്തിൽ “യോഗ ഫെസ്റ്റ് – 2024 ” സംഘടിപ്പിച്ചു. ഇരിങ്ങാലക്കുട പോലീസ് സബ്ബ് ഇൻസ്പെക്ടർ നൂറുദ്ദീൻ ഉദ്‌ഘാടനം നിർവഹിച്ചു. ഇതോടൊപ്പം മയക്കുമരുന്നിനെതിരായ ബോധവൽക്കരണ ക്ലാസ്സും നടത്തുകയുണ്ടായി.

200 ലധികം വിദ്യാർത്ഥികൾ പങ്കെടുത്ത ചടങ്ങിൽ അശോകൻ ഗുരുക്കൾ അദ്ധ്യക്ഷത വഹിച്ചു. വേണുഗോപാൽ ഗുരുക്കൾ, തപസ്സ് , സഈദ് എന്നിവർ സംസാരിച്ചു. ചന്ദ്രൻ തൃക്കൂർ സ്വാഗതവും സുജിത്ത് കെ എസ് നന്ദിയും പറഞ്ഞു.