കേരള വ്യാപാരി വ്യവസായി ഏകോപന സമിതി പുല്ലൂർ – തൊമ്മാന – അവിട്ടത്തൂർ യൂണിറ്റ് വാർഷികാഘോഷം നടത്തി

പുല്ലൂർ : കേരള വ്യാപാരി വ്യവസായി ഏകോപന സമിതി പുല്ലൂർ – തൊമ്മാന – അവിട്ടത്തൂർ യൂണിറ്റ് വാർഷികാഘോഷം നടത്തി. ജില്ലാ സെക്രട്ടറി സെബാസ്റ്റ്യൻ മഞ്ഞളി ഉദ്‌ഘാടനം ചെയ്തു. പ്രസിഡന്റ് ബൈജു മുക്കുളം അധ്യക്ഷത വഹിച്ചു. അംഗങ്ങളുടെ മക്കളിൽ ഉന്നത വിജയം നേടിയ വിദ്യാർത്ഥികൾക്ക് നിയോജക മണ്ഡലം ചെയർമാൻ എബിൻ വെള്ളാനിക്കാരൻ അവാർഡുകൾ വിതരണം ചെയ്തു.

സെക്രട്ടറി ബെന്നി അമ്പഴക്കാടൻ റിപ്പോർട്ടും ട്രഷറർ ഷിബു കാച്ചപ്പിള്ളി കണക്കും അവതരിപ്പിച്ചു.ചടങ്ങിൽ ഭദ്രം മരണാനന്തര സഹായം വിതരണം ചെയ്തു. മനോഹരൻ കണ്ണാപ്പി, ബിനോയ് സെബാസ്റ്റ്യൻ, ഷാജി ആലപ്പാടൻ, ലിസൻ മാടാനി, ശ്രീകുമാർ വലിയപറമ്പിൽ, പ്രസാദ് അവിട്ടത്തൂർ എന്നിവർ സംസാരിച്ചു.

ഭാരവാഹികളായി ബൈജു മുക്കുളം (പ്രസിഡന്റ്), മനോഹരൻ കണ്ണാപ്പി (വൈസ് പ്രസിഡന്റ്), ബെന്നി അമ്പഴക്കാടൻ (സെക്രട്ടറി), ട്രിലിവർ ജോൺ (ജോയിന്റ് സെക്രട്ടറി) ഷിബു കാച്ചപ്പിള്ളി (ട്രഷറർ )