രവീന്ദ്രനാഥ ടാഗോർ പബ്ലിക് ലൈബ്രറി ആൻഡ് റീഡിങ് റൂം പൊറത്തിശ്ശേരി റിപ്പബ്ലിക് സദസ്സ് നടത്തി

പൊറത്തിശ്ശേരി : രവീന്ദ്രനാഥ ടാഗോർ പബ്ലിക് ലൈബ്രറി ആൻഡ് റീഡിങ് റൂം പൊറത്തിശ്ശേരിയുടെ ആഭിമുഖ്യത്തിൽ പൊറത്തിശ്ശേരി കണ്ടാരംതറ മൈതാനിയിൽ റിപ്പബ്ലിക് സദസ്സ് നടത്തി. മുകുന്ദപുരം താലൂക്ക് ലൈബ്രറി കൗൺസിൽ ജോ. സെക്രട്ടറി. സുരേഷ് കുമാർ കെ .എൻ മുഖ്യപ്രഭാഷണം നടത്തി.

വായനശാല വൈസ് പ്രസിഡൻറ് അശോകൻ കളരിക്കൽ അധ്യക്ഷത വഹിച്ച ചടങ്ങിൽ വായനശാല സെക്രട്ടറി കെ. ആർ. വിനി സ്വാഗതം ആശംസിച്ചു. വാർഡ് കൗൺസിലർ സിന്ധു ഗിരീഷ് ആശംസകൾ അർപ്പിച്ചു സംസാരിച്ചു.

ചടങ്ങിൽ ” പഹൽ ഗാമിലെ കുതിരലാടങ്ങൾ “എന്ന തന്റെ പുസ്തകം വായനശാലയിലേക്ക് നൽകിക്കൊണ്ട് എഴുത്തുകാരനായ മോഹൻദാസ് ആശംസകൾ അർപ്പിച്ച് സംസാരിച്ചു.
കൂടാതെ രമാദേവി എം. ജി, രാജീവൻ പി. കെ, പി. കെ. മോഹനൻ , എം ജി ശ്രീകുമാർ, ബാബു. ഒ. വി എന്നിവർ വായനശാലയിലേക്ക് പുസ്തകങ്ങൾ സംഭാവന നൽകി .

വായനശാലയിൽ നടത്തിയ ക്വിസ് മത്സരങ്ങളിലും പോസ്റ്റർ രചന മത്സരങ്ങളിലും സമ്മാനാർഹരായ കുട്ടികൾക്ക് ചടങ്ങിൽ സമ്മാനങ്ങൾ നൽകി. വായനശാല ജോ. സെക്രട്ടറി ഒ. വി. ബാബു നന്ദി പറഞ്ഞു.