വാദ്യ-സംഗീത കലകൾക്ക് തുടക്കം കുറിക്കാൻ ഉണ്ണായിവാര്യർ സ്മാരക കലാനിലയത്തിൽ വിദ്യാരംഭത്തിന് എത്തിച്ചേർന്നത് നിരവധി പേർ

ഇരിങ്ങാലക്കുട : വാദ്യ-സംഗീത കലകൾക്ക് തുടക്കം കുറിക്കുന്നതും വിജയദശമി ദിനത്തിലാണ്. ആരാധനാലയങ്ങൾ മാത്രമല്ല വിവിധ സ്ഥാപനങ്ങളും ഇതിനായി വേദിയാകാറുണ്ട്. ഇരിങ്ങാലക്കുട ഉണ്ണായിവാര്യർ സ്മാരക കലാനിലയത്തിൽ വിജയദശമിയോട് അനുബന്ധിച്ചുള്ള സരസ്വതി പൂജ, വിദ്യാരംഭം, കലാനിലയം വിദ്യാർത്ഥികളുടെ അരങ്ങേറ്റം തുടങ്ങിയവ നടന്നു.

കലാനിലയത്തിലെ അധ്യാപകർ വിദ്യാരംഭ ചടങ്ങുകൾക്ക് നേതൃത്വം നൽകി. ഉണ്ണായിവാര്യർ സ്മാരക കലാനിലയത്തിൽ ഞായറാഴ്ച വൈകിട്ട് ആറുമണിക്ക് മേളപദം, തുടർന്ന് കഥകളി, നഗരാസുര വധം (ജയന്തനും ലളിതയും) ഉണ്ടാകും.