ഇരിങ്ങാലക്കുട : എസ് എൻ ചന്ദ്രിക എഡ്യൂക്കേഷനൽ ട്രസ്റ്റ് സ്ഥാപകനായ സി ആർ കേശവൻ വൈദ്യരുടെ സ്മൃതി ദിനം ആചരിച്ചു. സ്മൃതി മണ്ഡപത്തിൽ പുഷ്പാർച്ചനയും എസ് എൻ നഗറിലെ മതമൈത്രി നിലയിൽ പ്രാർത്ഥന യോഗവും നടന്നു. റിട്ട. ഡിസ്ട്രിക്റ്റ് ജഡ്ജ് വിജയകുമാർ മേനോൻ അനുസ്മരണ പ്രഭാഷണം നടത്തി.
ഡോ. കെ.എസ് ശ്യാം, പി. കെ ഭരതൻ മാസ്റ്റർ, എസ്.എൻ ഡി.പി യൂണിയൻ ഭാരവാഹികളായ പി.കെ പ്രസന്നൻ, കെ.കെ ചന്ദ്രൻ എന്നിവർ സി. ആർ കേശവൻ വൈദ്യരെക്കുറിച്ചുള്ള ഓർമ്മകൾ പങ്കുവെച്ചു. ബന്ധുക്കളും കുടുംബാംഗങ്ങളും ചടങ്ങിൽ പങ്കെടുത്തു.
