ശാന്തിനികേതൻ പബ്ലിക് സ്കൂളിൽ വിദ്യാരംഭത്തോടെ കിന്റർഗാർട്ടൻ പ്രവേശനോത്സവം

ഇരിങ്ങാലക്കുട : ശാന്തിനികേതൻ പബ്ലിക് സ്കൂളിലെ കിന്റർഗാർട്ടൻ പ്രവേശനോത്സവം എസ്.എൻ.ഇ.എസ് ചെയർമാൻ എ.എ ബാലൻ ഉദ്ഘാടനം ചെയ്തു. നൂറോളം കുട്ടികളാണ് വിദ്യാരംഭം കുറിച്ചു കൊണ്ട് കിന്റർഗാർട്ടനിൽ പ്രവേശനം നേടിയത്.

പ്രിൻസിപ്പൽ പി.എൻ. ഗോപകുമാർ ആമുഖ പ്രഭാഷണം നടത്തി. എസ്. എൻ. ഇ എസ് സെക്രട്ടറി ജ്യോതിഷ് കെ.യു, എസ്.എൻ. ഇ.എസ് മാനേജർ പ്രൊഫ.എം എസ് വിശ്വനാഥൻ ഹെഡ്മിസ്ട്രസ് സജിത അനിൽകുമാർ എന്നിവർ സന്നിഹിതരായിരുന്നു.

എസ്.എം.സി ചെയർമാൻ പി.സ്. സുരേന്ദ്രൻ സ്വാഗതവും കെ.ജി ഹെഡ്മിസ്ട്രസ് ഗീത നായർ നന്ദിയും പറഞ്ഞു. വിദ്യാർത്ഥികൾ വിവിധ കലാപരിപാടികൾ അവതരിപ്പിച്ചു.