വെള്ളാങ്ങല്ലൂർ ആൽഫ ബുക്ക് ബാങ്കിലേക്ക് ബലി എന്ന നോവൽ ഗ്രന്ഥകാരൻ പി.എം.എ. ഖാദർ നൽകി

വെള്ളാങ്ങല്ലൂർ : തനിമ കലാസാഹിത്യവേദി വെള്ളാങ്ങല്ലൂർ ചാപ്റ്റർ എക്സിക്യുട്ടീവ് അംഗം പി.എം.എ. ഖാദർ രചിച്ച ബലി എന്ന നോവൽ ആൽഫ പാലിയേറ്റീവ് കെയർ വെള്ളാങ്ങല്ലൂർ ലിങ്ക് സെൻ്റർ ബുക്ക് ബാങ്കിലേക്ക് കൈമാറി. സ്വാതന്ത്ര്യ സമര സേനാനിയും, രക്തസാക്ഷിയുമായ വക്കം അബ്ദുൽ ഖാദറിനെക്കുറിച്ചുള്ള നോവൽ ഗ്രന്ഥകാരൻ ആൽഫ പാലിയേറ്റീവ് ആക്റ്റിംഗ് പ്രസിഡണ്ട് ഷഫീർ കാരുമാത്രക്ക് കൈമാറി.

ചടങ്ങിൽ തനിമ വെള്ളാങ്ങല്ലൂർ ചാപ്റ്റർ പ്രസിഡണ്ട് എം.എ. അൻവർ, എക്സിക്യൂട്ടിവ് അംഗങ്ങളായ കബീർ ടി.കെ, ശെരീഫ്. പി.എ., ജാഫർ കരൂപ്പടന്ന, മുഹമ്മദ് സലീം, ഷാനു മുസാഫിർ, ജബ്ബാർ കരൂപ്പടന്ന പങ്കെടുത്തു സംസാരിച്ചു.