‘ഗ്രേസ് 2024’ അവാർഡ് ജേതാവ് ശാന്തിനികേതൻ പബ്ലിക് സ്കൂളിലെ ദിവ്യ ടീച്ചർക്ക് അനുമോദനം നൽകി

ഇരിങ്ങാലക്കുട : അദ്ധ്യാപക രംഗത്തെ മികവിന് ക്രൈസ്റ്റ് കോളേജ് ഏർപ്പെടുത്തിയ ‘ഗ്രേസ് 2024 ‘ അവാർഡ് ജേതാവ് ഇരിങ്ങാലക്കുട ശാന്തിനികേതൻ പബ്ലിക് സ്കൂളിലെ ഫിസിക്സ് വിഭാഗം മേധാവി എൻ.ആർ. ദിവ്യയ്ക്ക് ശാന്തിനികേതൻ മാനേജ്മെൻ്റ് ആദരവ് നൽകി.

കഴിഞ്ഞ ദിവസം ക്രൈസ്റ്റ് കോളേജിൽ വെച്ചു നടന്ന ചടങ്ങിൽ മുൻ വിദ്യാഭ്യാസ മന്ത്രി സി. രവീന്ദ്രനാഥിൽ നിന്നാണ് ദിവ്യ ടീച്ചർ അവാർഡ് ഏറ്റുവാങ്ങിയത്.

ശാന്തിനികേതൻ സ്കൂൾ അസംബ്ലിയിൽ വെച്ചു നടന്ന അനുമോദന ചടങ്ങിൻ SNES പ്രസിഡണ്ട് സന്തോഷ് ചെറാക്കുളം ദിവ്യ ടീച്ചർക്ക് ഉപഹാരം നൽകി. SNES ചെയർമാൻ പി.കെ. പ്രസന്നൻ, പി.ടി.എ. പ്രസിഡണ്ട് കൃഷ്ണകുമാർ, കുമാരി അതുല്യ അനിൽ, ഹെഡ്മിസ്ട്രസ് സജിത അനിൽകുമാർ, എന്നിവർ സംസാരിച്ചു.

SNES വൈസ് ചെയർമാൻ കെ.യു. ജ്യോതിഷ് , ജോ. സെക്രട്ടറി സജിതൻ കുഞ്ഞിലിക്കാട്ടിൽ, SMC ചെയർമാൻ പി.എസ്. സുരേന്ദ്രൻ , പ്രിൻസിപ്പാൾ പി.എൻ. ഗോപകുമാർ, മാനേജർ എം. എസ്. വിശ്വനാഥൻ എന്നിവർ സന്നിഹിതരായിരുന്നു.