ഇരിങ്ങാലക്കുട സഹകരണ കാർഷിക ഗ്രാമ വികസന ബാങ്ക് 2025-26 സാമ്പത്തിക വർഷത്തിൽ 20 കോടി രൂപ വായ്പ നൽകും – 54-ാം വാർഷിക പൊതുയോഗം

ഇരിങ്ങാലക്കുട : ഇരിങ്ങാലക്കുട സഹകരണ കാർഷിക ഗ്രാമ വികസന ബാങ്ക് 2025-26 സാമ്പത്തിക വർഷത്തിൽ കാർഷിക, വ്യവസായ , വിദ്യഭ്യാസ , സ്വർണ്ണ പണ്ടം പണയം എന്നീ ഇനങ്ങളിലായി 20 കോടി രൂപ വായ്പ നൽകുമെന്ന് ബാങ്ക് പ്രസിഡണ്ട് തിലകൻ പൊയ്യാറ പറഞ്ഞു

ബാങ്കിൻ്റെ 54-ാം വാർഷിക പൊതുയോഗത്തിൽ അധ്യക്ഷത വഹിച്ച് സംസാരിക്കുകയായിരുന്നു അദ്ദേഹം വിദ്യാഭ്യാസ അവാർഡുകളും വിതരണം ചെയ്തു. ജില്ലയിലെ മികച്ച കർഷക ക്കുള്ള കേന്ദ്ര ബാങ്കിൻ്റെ അവാർഡിനർഹയായ റോസ്മേരിയെ പൊന്നാട ചാർത്തി ഉപഹാരം നൽകി ആദരിച്ചു.

വൈസ് പ്രസിഡണ്ട് രജനി സുധാകരൻ , ഡയറക്ടർമാരായ കെ. ഗോപാലകൃഷ്ണൻ , കെ.കെ. ശോഭനൻ, എ.സി. സുരേഷ്, കെ.എൽ. ജെയ്സൺ , സെക്രട്ടറി കെ.എസ്. ശ്രീജിത്ത് എന്നിവർ സംസാരിച്ചു.