ഇരിങ്ങാലക്കുട ഉപജില്ല ശാസ്ത്രോത്‌സവം അവസാനിക്കാൻ ഒരു ദിവസം ബാക്കി നിൽക്കേ ഇരിങ്ങാലക്കുട എൽ.എഫ്.സി.എച്ച്.എസ് മുന്നിൽ

കൽപ്പറമ്പ് : ഇരിങ്ങാലക്കുട ഉപജില്ല ശാസ്ത്രോത്‌സവം അവസാനിക്കാൻ ഒരു ദിവസം ബാക്കി നിൽക്കേ ഇരിങ്ങാലക്കുട എൽ.എഫ്.സി.എച്ച്.എസ് 613 പോയിന്റ് നേടി മുന്നിൽ , നാഷണൽ രണ്ടാം സ്ഥാനത്തും (485), സെന്റ് മേരീസ് മൂന്നാം സ്ഥാനത്തും (476).

ഇരിങ്ങാലക്കുട ഉപജില്ല ശാസ്ത്രോത്‌സവം അവസാനിക്കാൻ ഒരു ദിവസം ബാക്കി നിൽക്കേ ഇരിങ്ങാലക്കുട എൽ എഫ് സി എച്ച് എസ് മുന്നിൽ , നാഷണൽ രണ്ടാം സ്ഥാനത്തും , സെന്റ് മേരീസ് മൂന്നാം സ്ഥാനത്തും തുടരുന്നു. ഒക്ടോബർ 8, 9, 10 തീയതികളിലായി ബി.വി എം എച്ച് എസ് എസ് കൽപറമ്പ്, ജി യു പി എസ് വടക്കുംകര ,എച്ച് സി സി എൽ പി എസ് കൽപ്പറമ്പ് എന്നീ സ്കൂളുകളിലായാണ് മേള നടക്കുന്നത്.

ശാസ്ത്രമേളയുടെ സമാപന ദിനമായ ഒക്ടോബര് 10 വെള്ളിയാഴ്ച ശാസ്ത്രമേള ബി.വി.എം എച്ച് എസ് എസ് കൽപറമ്പ്, എച്ച്.സി.സി.എൽ.പി.എസ് കൽപ്പറമ്പ് എന്നീ സ്കൂളുകളിലും പ്രവൃത്തി പരിചയമേള ജി.യു പി.എസ് വടക്കുംകര എന്നീ സ്ക്കൂളുകളിലുമായി നടക്കും. 1500 ഓളം വരുന്ന വിദ്യാർത്ഥികൾ മൂന്ന് ദിവസങ്ങളിലായി ശാസ്ത്രോത്സവത്തിൽ പങ്കെടുക്കുന്നുണ്ട്.

എൽ പി വിഭാഗത്തിൽ 40 മത്സരങ്ങളും യുപി വിഭാഗത്തിൽ 52 മത്സരങ്ങളും സ്കൂൾ വിഭാഗത്തിൽ 86 മത്സരങ്ങളും ഹയർ സെക്കൻഡറി വിഭാഗത്തിൽ 83 മത്സരങ്ങളും ഉണ്ട് . ഇരിങ്ങാലക്കുട ഉപജില്ലയിലെ 87 വിദ്യാലയങ്ങൾ ശാസ്ത്രോത്‌സവത്തിൽ പങ്കെടുക്കുന്നുണ്ട്.

വൈകിട്ട് നാലു മണിക്ക് നടക്കുന്ന ഇരിങ്ങാലക്കുട ഉപജില്ല ശാസ്ത്രോത്‌സവം സമാപന സമ്മേളനം തൃശൂർ ജില്ലാ പഞ്ചായത്ത് വൈസ് പ്രസിഡന്റ് ലതാ ചന്ദ്രൻ ഉദ്ഘാടനം നിർവഹിക്കും.