ചരിത്രത്തിലാദ്യമായി സി.പി.ഐ തൃശ്ശൂർ ജില്ലാ സമ്മേളനത്തിന് ഇരിങ്ങാലക്കുട വേദിയാകുന്നു – ജൂലായ് 11,12,13 തിയ്യതികളിൽ നടക്കുന്ന സമ്മേളനത്തിൻ്റെ സംഘാടക സമിതി രൂപീകരണ യോഗം ഏപ്രിൽ 12 ന്

ഇരിങ്ങാലക്കുട : ചരിത്രത്തിലാദ്യമായി സി.പി.ഐ തൃശ്ശൂർ ജില്ലാ സമ്മേളനത്തിന് ഇരിങ്ങാലക്കുട വേദിയാകുന്നു. ജൂലായ് 11, 12, 13, തിയ്യതികളിൽ നടക്കുന്ന സമ്മേളനത്തിൻ്റെ സംഘാടക സമിതി രൂപീകരണ യോഗം ഏപ്രിൽ 12 ശനിയാഴ്ച വൈകീട്ട് 4 മണിക്ക് നഗരസഭാ ടൗൺ ഹാൾ അങ്കണത്തിൽ നടക്കും.

സി പി ഐ ദേശീയ കൗൺസിൽ അംഗവും സംസ്ഥാന റവന്യൂ വകുപ്പ് മന്ത്രിയുമായ കെ. രാജൻ ഉദ്ഘാടനം ചെയ്യും. കെ. പി. രാജേന്ദ്രൻ, സി. എൻ ജയദേവൻ, രാജാജി മാത്യു തോമാസ് ഉൾപ്പടെയുള്ള നേതാക്കൾ പങ്കെടുക്കും.