കാട്ടൂർ കലാസദനം – സർഗ്ഗ സംഗമം ഗ്രൂപ്പിൻ്റെ നേതൃത്വത്തിൽ കേരളപ്പിറവി ആഘോഷിച്ചു

കാട്ടൂർ : കാട്ടൂർ കലാസദനം – സർഗ്ഗ സംഗമം ഗ്രൂപ്പിൻ്റെ നേതൃത്വത്തിൽ വിപുലമായ പരിപാടികളോടെ കേരളപ്പിറവി ആഘോഷിച്ചു. കാട്ടൂർ ടി.കെ ബാലൻ ഹാളിൽ നടന്ന കവിയരങ്ങ് പി.എൻ. സുനിൽ ഉദ്ഘാടനം ചെയ്തു. സംഗീത നാടക അക്കാദമി ഭരണസമിതി അംഗം പുല്ലൂർ സജു ചന്ദ്രൻ സാംസ്കാരിക സമ്മേളനം ഉദ്ഘാടനം ചെയ്തു. കാട്ടൂർ രാമചന്ദ്രൻ അദ്ധ്യക്ഷനായി.

മുഹമ്മദ് ഇബ്രാഹിം (സിംപ്സൺ ഇബ്രു), സി.എഫ്. റോയ്, രാധാകൃഷ്ണൻ വെട്ടത്ത്, കെ.ദിനേശ് രാജ ,രാധാകൃഷ്ണൻ കിഴുത്താണി, ജോസ് മഞ്ഞില എന്നിവർ സംസാരിച്ചു. പുല്ലൂർ സജു ചന്ദ്രനേയും, കവിതാമത്സരത്തിൽ വിജയികളായ രാധാകൃഷ്ണൻ വെട്ടത്ത്, ഷാജിത സലീം, കൃഷ്ണകുമാർ മാപ്രാണം എന്നിവരേയും ചടങ്ങിൽ അനുമോദിച്ചു. ദീപാലങ്കാരം ദിനേശ് രാജ ഉദ്ഘാടനം ചെയ്തു.

സിൻ്റെ സേവി, ഇ.വി. സജീവിനി , സിന്ധു മാപ്രാണം, ജസ്മി ഷമീർ, രേഖ സി.ജി., സഞ്ജയ്പുവ്വത്തും കടവിൽ, വിജയൻ ചിറ്റേക്കാട്ടിൽ, ഷാജിത സലീം, ഇരിങ്ങാലക്കുട ബാബുരാജ്, ശിവദാസൻ ചെമ്മണ്ട, ആൻ്റെണി കൈതാരത്ത്, എ.വി. കൃഷ്ണകുമാർ, നസീം ചെന്ത്രാപ്പിന്നി, ജാൻസി ജേക്കബ്ബ്, കാട്ടൂർ രാമചന്ദ്രൻ എന്നിവർ കവിതകൾ അവതരിപ്പിച്ചു.