ഭാരതീയ വിദ്യാഭവനിൽ മണിപ്പുരി കലാരൂപം അവതരിപ്പിച്ചു

ഇരിങ്ങാലക്കുട : കേന്ദ്ര സാംസ്കാരികവകുപ്പും സ്പിക് മാക്കെ (Society for the Promotion of Indian Classical Music And Culture Amongst Youth) യും ഗുരുകൃപ ഫൗണ്ടേഷനും സംയുക്തമായി നടത്തുന്ന കലാപൈതൃക പ്രചാരണയജ്ഞത്തിന്റെ ഭാഗമായി ഇരിങ്ങാലക്കുട ഭാരതീയ വിദ്യാഭവനിൽ മണിപ്പൂരി കലാരൂപമായ ‘പുങ് ചോലം’ അവതരിപ്പിച്ചു. പ്രസിദ്ധ മണിപ്പൂരി കലാകാരൻ മായൻഗ്ലംബം ശോഭാമണി സിംഗ് ന്റെ നേതൃത്വത്തിൽ എട്ട് മണിപ്പൂരി കലാകാരന്മാരാണ് കലാരൂപം അവതരിപ്പിച്ചത്.

അസാധാരണമായ മെയ് വഴക്കവും താളബോധവും ഒത്തിണക്കവും പ്രകടമാക്കിയ അവതരണം വിദ്യാർത്ഥികളെ ആവേശഭരിതരാക്കി. എക്സിക്യൂട്ടീവ് വൈസ് ചെയർമാൻ സി നന്ദകുമാർ കലാകാരന്മാരെ പൊന്നാട അണിയിച്ച് ആദരിച്ചു.

സ്പിക്മാക്കെ കേരള കോഡിനേറ്റർ ഉണ്ണി വാര്യർ, ഇരിങ്ങാലക്കുട ഭാരതീയ വിദ്യാഭവൻ സെക്രട്ടറി വി രാജൻ, മാനേജ്മെന്റ് കമ്മിറ്റി അംഗങ്ങളായ ശോഭ ശിവാനന്ദരാജൻ, അഡ്വ. ജോർഫിൻ പേട്ട, വൈസ് പ്രിൻസിപ്പൽ സുജാത രാമനാഥൻ എന്നിവർ സന്നിഹിതരായിരുന്നു.

അധ്യാപകരായ വിദ്യ സംഗമേശ്വരൻ, രേഖ ആർ, എ ഡി സജു, രമ്യ സുധീഷ് എന്നിവർ പരിപാടികൾ ഏകോപിപ്പിച്ചു.