ഒ.വി. വിജയൻ അനുസ്മരണവും കഥാവിചാരവും മാർച്ച് 9 ന് കാട്ടൂർ ടി.കെ. ബാലൻ ഹാളിൽ

കാട്ടൂർ : കാട്ടൂർ കലാസദനം – സർഗ്ഗസംഗമം നേതൃത്തിൽ നടത്തിവരുന്ന ദ്വൈവാര സാംസ്കാരിക സദസ്സിൻ്റെ തുടർച്ചയായി ഒ.വി. വിജയൻ അനുസ്മരണവും കഥാവിചാരവും മാർച്ച് 9 ന് കാട്ടൂർ ടി.കെ. ബാലൻ ഹാളിൽ രാവിലെ 9 ;30 നടക്കും.

ചെറുകഥാകൃത്ത്, നോവലിസ്റ്റ്, കാർട്ടൂണിസ്റ്റ് , പത്രപ്രവർത്തകൻ എന്നീ നിലകളിൽ പ്രസിദ്ധനായിരുന്ന ഒ. വി വിജയൻറെ 20-ാം ചരമവാർഷികത്തോടനുബന്ധിച്ച് നടക്കുന്ന അനുസ്മരണവും സർഗ്ഗ സംഗമം പ്രവർത്തകർ രചിച്ച കഥകളുടെ ചർച്ചയും സാംസ്കാരിക പ്രവർത്തകനും സാഹിത്യകാരനുമായ അഞ്ചത്ത് ബാലകൃഷ്ണൻ ഉദ്ഘാടനംചെയ്യും.

പ്രമുഖ എഴുത്തുകാരും സാംസ്കാരിക പ്രവർത്തകരും ചടങ്ങിൽ പങ്കെടുക്കുമെന്ന് സർഗ്ഗ സംഗമം പ്രസിഡണ്ട് കാട്ടൂർ രാമചന്ദ്രൻ, സെക്രട്ടറി മുഹമ്മദ് ഇബ്രാഹിം (സിംപ്സൺ ഇബ്രു) എന്നിവർ അറിയിച്ചു.