ഇരിങ്ങാലക്കുട ഗവ. എൽ.പി സ്കൂളിൻറെ പി.ടി.എ ജനറൽ ബോഡി യോഗം

ഇരിങ്ങാലക്കുട : ഇരിങ്ങാലക്കുട ഗവ. എൽ.പി സ്കൂളിൻറെ പി.ടി.എ ജനറൽ ബോഡി യോഗം നഗരസഭാ ചെയർപേഴ്സൺ സുജ സഞ്ജീവ്കുമാർ ഉദ്ഘാടനം ചെയ്തു. തിരക്കു പിടിച്ച ജീവിതത്തിൽ മക്കളെ അടുത്തറിയാൻ ശ്രമിക്കാത്തതും അതിന് സമയം കണ്ടെത്താത്തതുമാണ് പല വീടുകളിലെയും പ്രശ്നങ്ങൾക്ക് പ്രധാനകാരണമെന്ന് ചെയർപേഴ്സൺ അഭിപ്രായപ്പെട്ടു.

വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ അഡ്വ. ജിഷ ജോബി അദ്ധ്യക്ഷത വഹിച്ച യോഗത്തിൽ വാർഡ് കൗൺസിലർ ഒ.എസ് അവിനാഷ് മുഖ്യാതിഥിയായിരുന്നു. ഉപജില്ലാ വിദ്യാഭ്യാസ ഓഫീസർ ഡോ. എം സി നിഷ,സ്കൂൾ ലീഡർ അയാൻ കൃഷ്ണ ജി വിപിൻ എന്നിവർ ആശംസകൾ നേർന്നു.

എഫക്റ്റീവ് പാരന്റിങ് എന്ന വിഷയത്തിൽ വെള്ളാങ്ങല്ലൂർ ബി.പി.സി ഗോഡ് വിൻ റോഡ്രിഗ്സ് രക്ഷിതാക്കൾക്ക് ക്ലാസെടുത്തു. പിന്നീട് നടന്ന തെരഞ്ഞെടുപ്പിൽ രേവതി വി.എം പുതിയ പി.ടി.എ പ്രസിഡണ്ടായി തെരഞ്ഞെടുക്കപ്പെട്ടു. ഹെഡ്മിസ്ട്രസ് പി.ബി അസീന സ്വാഗതവും പി.ടി.എ പ്രസിഡണ്ട് വിൻസി എം.വി നന്ദിയും പറഞ്ഞു.