സൗഹൃദ ദിനം ആഘോഷിച്ചു

ഇരിങ്ങാലക്കുട : ഗവ മോഡൽ ബോയ്സ് ഹയർ സെക്കന്ററി സ്കൂളിൽ സൗഹൃദ ക്ലബ്ബിന്റെ ആഭിമുഖ്യത്തിൽ സൗഹൃദ ദിനം ആഘോഷിച്ചു. സെലക്ഷൻ ഗ്രേഡ് അക്കൗണ്ടന്റ്ഉം സിനി ആർട്ടിസ്റ്റുമായ സന്ജി കുമാർ എൻ കെ ഉദ്ഘാടനം നിർവഹിച്ചു

പ്രിൻസിപ്പൽ മുരളി എം കെ ആമുഖഭാഷണം നടത്തിയ ചടങ്ങിൽ പിടിഎ പ്രസിഡന്റ് ഭക്ത വത്സലൻ വി അധ്യക്ഷനായിരുന്നു. സൗഹൃദ കോർഡിനേറ്റർ സിന്ധു എം.ടി സ്വാഗതവും സ്റ്റാഫ് സെക്രട്ടറി മഞ്ജു കെ ബി, കരിയർ ഗൈഡ് മനോജ് കെ പി എന്നിവർ ആശംസകളും അർപ്പിച്ചു സംസാരിച്ചു.

വിദ്യാർത്ഥി പ്രതിനിധികളായ സംഗീത് കെ എസ്, അസ്ന അസീസ് എന്നിവർ ചടങ്ങിൽ ജീവിതനൈപുണികളെപ്പറ്റി സംസാരിച്ചു. തുടർന്ന് കുട്ടികൾ അവതരിപ്പിച്ച വിവിധ കലാപരിപാടികൾ ഉണ്ടായിരുന്നു.