തൃശ്ശൂര്‍ റൂറല്‍ പോലീസ് കായികമേള – ചാലക്കുടി സബ്ബ് ഡിവിഷന്‍ ഫുട്ബോള്‍ ജേതാക്കള്‍

ഇരിങ്ങാലക്കുട : ഇരിങ്ങാലക്കുടയിൽ നടന്ന തൃശ്ശൂര്‍ റൂറല്‍ പോലീസ് കായികമേളയോടുനുബന്ധിച്ച് നടന്ന ഫുട്ബോള്‍ മത്സരത്തില്‍ ഡിസ്റ്റട്രിക്റ്റ് ഹെഡ്ക്വാര്‍ട്ടര്‍ ടീമ്മിനെ എകപക്ഷീയമായ രണ്ട് ഗോളുകള്‍ക്ക് ചാലക്കുടി സബ്ബ് ഡിവിഷന്‍ തോൽപിച്ചു ജേതാക്കളായി.

തൃശൂർ റൂറൽ ജില്ലാ പോലീസിനുകീഴിലെ ഇരിങ്ങാലക്കുട, കൊടുങ്ങല്ലൂർ, ചാലക്കുടി സബ് ഡിവിഷനുകളെ പ്രതിനിധീകരിച്ച്, വിവിധ പോലീസ് സ്റ്റേഷനുകളിൽ നിന്നും ഇരിങ്ങാലക്കുട ജില്ലാ പോലീസ് ആസ്ഥാനത്തു നിന്നുമായി ആയിരത്തിലധികം പോലീസ് കായിക താരങ്ങൾ മേളയിൽ പങ്കെടുത്തു. നാലു വേദികളിലായാണ് മത്സരങ്ങൾ അരങ്ങേറിയത് . അത്ലറ്റിക്സ്, ഫുട്ബോൾ, ക്രിക്കറ്റ് എന്നിവ ക്രൈസ്റ്റ് കോളേജ് മൈതാനത്തും, വോളിബോൾ മത്സരം സെന്റ്. ജോസഫ് കോളേജ് മൈതാനത്തും, നീന്തൽ മത്സരങ്ങൾ ക്രൈസ്റ്റ് വിദ്യാനികേതൻ സ്കൂൾ സ്വിമ്മിങ്ങ് പൂളിലും, ബാഡ്മിന്റൺ മത്സരങ്ങൾ ജ്യോതിസ് കോളേജ് ഗ്രൌണ്ടിലും നടന്നു