ജില്ലാ പോലീസ് കായികമേള ക്രൈസ്റ്റ് കോളേജ് ഗ്രൗണ്ടിൽ ആരംഭിച്ചു. ഠാണാവില്‍ നിന്നും ദീപശിഖാ പ്രയാണം സംഘടിപ്പിച്ചു

ഇരിങ്ങാലക്കുട : തൃശൂർ ജില്ലാ പോലീസ് കായികമേള ഇരിങ്ങാലക്കുട ക്രൈസ്റ്റ് കോളേജ് ഗ്രൗണ്ടിൽ ആരംഭിച്ചു. നവംബർ 6,7 തിയ്യതികളിലാണ് കായികമേള. അത്ലറ്റിക്‌സ് മത്സരങ്ങൾ ഈ രണ്ട് ദിവസങ്ങളിൽ നടത്തപ്പെടും. കായികമേളയുടെ മൂന്നോടിയായയുള്ള ദീപശിഖാ പ്രയാണം ഠാണാവില്‍ നിന്നും തൃശ്ശൂര്‍ റൂറല്‍ എസ്.പി. ഡോ. നവനീത് ശര്‍മ്മ ഉദ്ഘാടനം ചെയ്തു.

ഇരിങ്ങാലക്കുട ഡിവൈഎസ്പി കെ ജി സുരേഷ്, കൊടുങ്ങല്ലൂർ ഡിവൈഎസ്പി രാജു വി കെ, ചാലക്കുടി ഡിവൈഎസ്പി സുമേഷ് കെ, ഡി സി ആർ ബി ഡി വൈ എസ് പി എസ് വൈ സുരേഷ്, ഡിസിബി ഡിവൈഎസ്പി ഉല്ലാസ് കുമാർ എം, ഇരിങ്ങാലക്കുട സി ഐ അനീഷ് കരീം, ചേർപ്പ് സി ഐ ഷിബു ടി വി എന്നിവർ ചടങ്ങിന് നേതൃത്വം നൽകി.