ഭാരതീയ വിദ്യാഭവനിൽ കേരളപ്പിറവി ആഘോഷിച്ചു

ഇരിങ്ങാലക്കുട : ഭാരതീയ വിദ്യാഭവനിൽ കേരളപ്പിറവി ആഘോഷം വിപുലമായ പരിപാടികളോടെ നടന്നു. ചെയർമാൻ സി സുരേന്ദ്രൻ ഉദ്ഘാടനം നിർവഹിച്ചു. വൈസ് ചെയർമാൻ സി നന്ദകുമാർ, ട്രഷറർ കൃഷ്ണൻകുട്ടി നമ്പീശൻ, മാനേജ്മെന്റ് കമ്മിറ്റി അംഗങ്ങളായ വിവേകാനന്ദൻ, ശ്രീ അപ്പുക്കുട്ടൻ നായർ, പ്രിൻസിപ്പൽ ബിജു ഗീവർഗീസ്, വൈസ് പ്രിൻസിപ്പൽ ശോഭ ശിവാനന്ദരാജൻ എന്നിവർ പങ്കെടുത്തു.

നൃത്തങ്ങൾ, സംഘഗാനം, കവിതാലാപനം, പ്രസംഗം, വീഡിയോ പ്രദർശനം തുടങ്ങിയ പരിപാടികൾ അരങ്ങേറി. അധ്യാപകരായ സുമ, റെജി, ശ്രീമതി ബിന്ദു ശ്രീകുമാർ, രമ്യ സുധീഷ്, രജിത എന്നിവർ പരിപാടികൾ ഏകോപിപ്പിച്ചു.