ലഹരിക്കെരിരെ മദർ സ്കൂളുമായി മുരിയാട് ഗ്രാമപഞ്ചായത്ത്

മുരിയാട് : ജീവധാര പദ്ധതിയുടെ ഭാഗമായി കൊച്ചിൻ ഫോർത്ത് ഫൈവ് ഫൗണ്ടേഷൻ്റെ സഹകരണത്തോടെ മുരിയാട് ഗ്രാമപഞ്ചായത്ത് സംഘടിപ്പിക്കുന്ന വേണ്ട ക്യാമ്പയിൻ 3-ാം ഘട്ടത്തിലേക്ക് പ്രവേശിച്ചു. സമാധാനത്തിന് രക്ഷാകർത്തൃത്വം എന്ന ആശയത്തിൽ ഊന്നി മദർ സ്കൂളിന് തുടക്കം കുറിച്ചു. ലഹരിക്കെതിരെ രക്ഷകർത്താക്കളെ അണിനിരത്തുകയാണ് 3ാം ഘട്ടത്തിൽ ലക്ഷ്യമിടുന്നത്.

ഇതിൻ്റെ ഭാഗമായി പഞ്ചായത്ത് തെരഞ്ഞെടുക്കപ്പെട്ട രക്ഷകർത്താക്കൾക്ക് 10 സെഷനുകളിലായി പരിശീലനം നൽകുന്ന മദർ സ്കൂളിൻ്റെ പ്രവർത്തനം ആരംഭിച്ചു. മുരിയാട് ബാങ്ക് ഹാളിൽ നടന്ന ചടങ്ങിൽ മദർ സ്കൂൾ പഞ്ചായത്ത് പ്രസിഡൻ്റ് ജോസ് ജെ ചിറ്റിലപ്പിള്ളി ഉദ്ഘാടനം ചെയ്തു. മദർ സ്ക്കൂളിന് വേണ്ടി തയ്യാറാക്കിയ കൈ പുസ്തകവും ചടങ്ങിൽ വച്ച് വിതരണം ചെയ്തു.

വൈസ് പ്രസിഡൻ്റ് രതി ഗോപി അദ്ധ്യക്ഷത വഹിച്ചു. ക്ഷേമകാര്യ സമിതി ചെയർമാൻ സരിത സുരേഷ് ഭരണ സമിതി അംഗം നിജി വത്സൻ, കമ്മ്യൂണിറ്റി കൗൺസിലർ അഞ്ജലി കെ.ബി, പ്രോഗ്രാം കോഡിനറ്റർമാരായ മഞ്ജു വിൽസൻ നിജി കുരിയച്ചൻ എന്നിവർ ചടങ്ങിൽ പങ്കെടുത്തു.

വിവിധ വിദ്യാലയങ്ങളിൽ വിദ്യാർത്ഥിനികൾക്ക് വേണ്ടിയുള്ള ബോധവൽക്കരണവും വാർഡ് തലത്തിൽ ജാഗരണസമിതി രൂപീകരണവും പൂർത്തിയായി. രക്ഷാകർത്താക്കളുടെ പരിശീലന പരിപാടികൾ വിവിധ സ്കൂകളിൽ നടന്നു കൊണ്ടീരിക്കുകയാണ്.