‘എം. മുകുന്ദനും മയ്യഴിപ്പുഴയുടെ തീരങ്ങളിലും ‘ – വിദ്യാരംഗം കലാ സാഹിത്യ വേദി ഹൈസ്കൂൾ വിദ്യാർത്ഥികൾക്കായി സാഹിത്യ സെമിനാർ സംഘടിപ്പിച്ചു

ഇരിങ്ങാലക്കുട : വിദ്യാരംഗം കലാ സാഹിത്യ വേദിയുടെ ആഭിമുഖ്യത്തിൽ , ‘എം. മുകുന്ദനും മയ്യഴിപ്പുഴയുടെ തീരങ്ങളിലും ‘ എന്ന വിഷയത്തിൽ ഹൈസ്കൂൾ വിദ്യാർത്ഥികൾക്കായി സാഹിത്യ സെമിനാർ സംഘടിപ്പിച്ചു. ഇരിങ്ങാലക്കുട ഉപജില്ലാ വിദ്യാഭ്യാസ ഓഫീസർ ഡോ നിഷ എം.സി അധ്യക്ഷത വഹിച്ചു.

ചടങ്ങിൽ ബി പി സി കെ ആർ സത്യപാലൻ ആശംസകൾ നേർന്നു സംസാരിച്ചു. ഉപജില്ലാ കോഡിനേറ്റർ ഷീബ ഇ.എസ് സ്വാഗതവും സിസ്റ്റർ വിമൽ റോസ് നന്ദിയും പറഞ്ഞു. ജില്ലാ പ്രതിനിധി ബിന്ദു ജി. കുട്ടി, സ്മിത എന്നിവർ സ സംസാരിച്ചു.

തുടർന്ന് നടന്ന സാഹിത്യ സെമിനാറിൽ വിവിധ വിദ്യാലയങ്ങളിൽ നിന്നായി 13 വിദ്യാർത്ഥികൾ പ്രബന്ധങ്ങൾ അവതരിപ്പിച്ചു. സാഹിത്യകാരന്മാരായ ഖാദർ പട്ടേപ്പാടം, വർഗ്ഗീസ് ആൻ്റണി എന്നിവർ വിധികർത്താക്കളായി. അൽഫോൻസ ടോണി (LFCHS – ഇരിങ്ങാലക്കുട) നിഖില പി എ (SKHSS ആനന്ദപുരം) എന്നിവർ യഥാക്രമം ഒന്നും രണ്ടും സ്ഥാനങ്ങൾ നേടി.