ബ്രസീലിയൻ ചിത്രം ” ഹാർട്ട്ലെസ്സ് ” ഇരിങ്ങാലക്കുട ഫിലിം സൊസൈറ്റി ഒക്ടോബർ 4ന് സ്ക്രീൻ ചെയ്യുന്നു

2023 ലെ വെനീസ് അടക്കമുള്ള അന്താരാഷ്ട്ര ചലച്ചിത്രമേളകളിൽ അംഗീകാരങ്ങൾ നേടിയ ബ്രസീലിയൻ ചിത്രം ” ഹാർട്ട്ലെസ്സ് ” ഇരിങ്ങാലക്കുട ഫിലിം സൊസൈറ്റി ഒക്ടോബർ 4 വെള്ളിയാഴ്ച സ്ക്രീൻ ചെയ്യുന്നു. 1996 ലെ വേനൽക്കാലത്ത് പഠനത്തിനായി ബ്രസീലിയയിലേക്ക് പോകുന്നതിന് മുമ്പ് ടാമര താൻ താമസിക്കുന്ന മത്സ്യബന്ധന ഗ്രാമത്തിലെ കാഴ്ചകൾ കൂട്ടുകാരുമൊത്ത് ആസ്വദിക്കുകയാണ്.

ഇതിനിടയിലാണ് ഹാർട്ട് ലെസ്സ് എന്ന വിളിപ്പേരുള്ള കൗമാരക്കാരിയെക്കുറിച്ച് അവൾ കേൾക്കുന്നത്. നിഗൂഡതകൾ ഉള്ള ഈ പെൺകുട്ടിയോട് ടാമരയ്ക്ക് ആകർഷണം തോന്നുന്നു.. 91 മിനിറ്റുള്ള ചിത്രത്തിൻ്റെ പ്രദർശനം വൈകീട്ട് 6 ന് ക്രൈസ്റ്റ് കോളേജ് ജംഗ്ഷനിലെ ഓർമ്മ ഹാളിൽ.