ഇടവേള ബാബുവിനെ ഇരിങ്ങാലക്കുട നഗരസഭ ശുചിത്വമിഷൻ അംബാസിഡർ സ്ഥാനത്തു നിന്നും പുറത്താക്കുക – നഗരസഭക്ക് കത്ത് നൽകി ബി.ജെ.പി

ഇരിങ്ങാലക്കുട : ഹേമ കമ്മീഷൻ റിപ്പോർട്ടുമായി ബന്ധപ്പെട്ട് ഉയർന്നുവന്ന ആരോപണങ്ങളിൽ കേസ്സെടുത്ത സാഹചര്യത്തിൽ ഇരിങ്ങാലക്കുട ശുചിത്വ അംബാസിഡർ സ്ഥാനത്തു നിന്നും ഇടവേള ബാബുവിനെ നഗരസഭ പുറത്താക്കണമെന്ന് ബിജെപി ഇരിങ്ങാലക്കുട മണ്ഡലം പ്രസിഡണ്ട് കൃപേഷ് ചെമ്മണ്ട ആവശ്യപ്പെട്ടു.

പൊതുപ്രവർത്തകനായ ഷിയാസ് പാളയംകോടും ഇടവേള ബാബുവിനെ ഇരിങ്ങാലക്കുട നഗരസഭ ശുചിത്വമിഷൻ അംബാസിഡർ സ്ഥാനത്തു നിന്നും പുറത്താക്കണമെന്ന് നഗരസഭാ ചെയർപേഴ്സൺന് കത്ത് നൽകിയിട്ടുണ്ട്.