ആളൂർ ഗ്രാമപഞ്ചായത്ത് സമ്പൂർണ്ണ മാലിന്യമുക്ത പഞ്ചായത്ത് ആയി പ്രഖ്യാപിച്ചു

കല്ലേറ്റുംകര : അന്താരാഷ്ട്ര സീറോ വേയ്സ്റ്റ് ദിനമായ മാർച്ച് 30 ന് ആളൂർ ഗ്രാമപഞ്ചായത്ത് സമ്പൂർണ്ണ മാലിന്യമുക്ത പഞ്ചായത്ത് ആയി പ്രഖ്യാപിച്ചു. ജനകീയ പങ്കാളിത്തത്തോടെ നടപ്പാക്കിയ ശുചീകരണ പ്രവർത്തനങ്ങളിലൂടെ 23 വാർഡുകളും മാലിന്യമുക്ത വാർഡുകളായി പ്രഖ്യാപിച്ചു.

കല്ലേറ്റുംകര പഞ്ചായത്ത് ഹാളിൽ നടന്ന മാലിന്യമുക്ത പ്രഖ്യാപന ചടങ്ങിൽ ജനപ്രതിനിധികൾ, ഉദ്യോഗസ്ഥർ, കുടുംബശ്രീ പ്രവർത്തകർ, ആരോഗ്യ വകുപ്പ് പ്രവർത്തകർ തുടങ്ങിയവർ പങ്കെടുത്തു. വായുവും, വീടും,ജലാശയങ്ങളും അങ്ങാടികളും, സ്ഥാപനങ്ങളും, പൊതുസ്ഥലങ്ങളും മലിനമാകാതെ തുടർന്നും സംരക്ഷിക്കുന്നതിനായി നാട്ടിലെ മുഴുവൻ ജനവിഭാഗങ്ങളുടേയും സഹകരണങ്ങൾ പഞ്ചായത്ത് അധികൃതർ അഭ്യർത്ഥിച്ചു.