ഭരതൻ കണ്ടേങ്കാട്ടിൽ (77) അന്തരിച്ചു

എടതിരിഞ്ഞി : കൂടൽമാണിക്യം ദേവസ്വം മുൻ മാനേജ്‌മന്റ് കമ്മിറ്റി അംഗവും എടതിരിഞ്ഞി എച്ച്.ഡി.പി സമാജം പ്രസിഡന്റ്റും, ഇരിങ്ങാലക്കുട ശ്രീനാരായണ ക്ലബ്ബ് സെക്രട്ടറിയും ആയിരുന്ന ഭരതൻ കണ്ടേങ്കാട്ടിൽ (77) അന്തരിച്ചു. ഭാര്യ ഉഷ, മക്കൾ രതീഷ് ,റിതേഷ്, രോഷ്നി റോഷ് മോഹൻ. സംസ്കാരം കർമ്മങ്ങൾ ഞായറാഴ്ച 4 മണിക്ക് എടതിരിഞ്ഞി പോസ്റ്റ് ഓഫീസ് സെന്ററിലുള്ള വീട്ടുവളപ്പിൽ.

ഇരിങ്ങാലക്കുടയിലെ സാംസ്‌കാരിക സാമൂഹിക മേഖലയിൽ സജീവമായിരുന്നു. മികച്ച നാടക നടനായിരുന്നു. പ്രവാസിയായിരുന്ന അദ്ദേഹം നാട്ടിൽ തിരിച്ചെത്തിയതിനു ശേഷം പ്രവാസി സംഘടനകളുടെ ഭാരവാഹിയും ആയിരുന്നു. ദീർഘകാലം എടതിരിഞ്ഞി എച്ച്.ഡി.പി സ്കൂളിന്റെ മാനേജർ ആയി സേവനമനുഷ്ഠിച്ചു. കൂടൽമാണിക്യം ദേവസ്വം ഭരണസമിതിയിൽ രണ്ടു തവണ അംഗമായിരുന്നു.

എടതിരിഞ്ഞി സി പി ഐ എം സെന്റർ ബ്രാഞ്ച് കമ്മിറ്റി അംഗം, സ്കൂൾ മാനേജർ അസോസിയേഷന്റെ ഇരിങ്ങാലക്കുട സെക്രട്ടറിയായും, കേരള പ്രവാസി സംഘം ഇരിങ്ങാലക്കുട ഏരിയ കമ്മിറ്റി അംഗം, കേരള പ്രവാസി സംഘം പടിയൂർ മേഖല കമ്മിറ്റി ട്രഷറർ, പ്രവാസി സംഘം ജില്ലാ കമ്മറ്റി അംഗം എന്നിങ്ങനെ സേവനമനുഷ്ഠിച്ചിട്ടുണ്ട്.

നിലവിലെ പോത്താനി കിഴക്കേപാടം നെല്ലുൽപാദക സമൂഹം ഭരണസമിതി അംഗമാണ് മുൻകാല നാടകനടൻ,കർഷകൻ, രാഷ്ട്രീയ – കലാ – കായിക – സാംസ്കാരിക- പ്രവർത്തകൻ, എസ എൻ ഡി പി പ്രവർത്തകൻ എന്നീ നിലകളിൽ വ്യക്തിമുദ്ര പതിപ്പിച്ചിട്ടുണ്ട്. ഗുജറാത്തിൽ രണ്ട് വർഷം ജോലി തുടർന്ന് ഒമാനിൽ 9 വർഷവും, യു എ ഇ യിൽ ബ്രിട്ടിഷ് പെട്രോളിയത്തിൽ 25 വർഷവും ജോലി ചെയ്തിട്ടുണ്ട്.